ទស្សនាទិដ្ឋភាពផ្ដើមស្នេហ៍គ្រាដំបូង និង បច្ចុប្បន្នរបស់ យក់ ថិតរដ្ឋា ជាមួយស្វាមី

ប្រិយមិត្តប្រហែលជាមិនទាន់ភ្លេចគូស្នេហ៍តារាចម្រៀង និង ជាតារាភាពយន្តលំដាប់ជួរមុខគ្រាដែលបានសម្តែងជាតួឯករួមគ្នានៅក្នុង សាច់រឿង «ខ្មោចនាងភូមិរី» ទេមើល៍ទៅ ! នោះគឺតារាចម្រៀងស្រី យក់ ថិតរដ្ឋា និង លោក ឃុំ ប៉ុណ្ណាដែត ជាស្វាមី ។

គូស្នេហ៍តារាចម្រៀងមួយគូនេះ មានភាពផ្អែមល្ហែមតាំងតែពីពួកគេទាំងពីរនាក់មិនទាន់ដឹកដៃគ្នាចូលរោងការម្លេះ ហើយរហូតមកដល់ពេលពួកគេទាំងពីរបានរៀបការ និង រួមរស់ជាមួយគ្នាទៀតនោះ ក៏រឹតតែបានបង្ហាញឱ្យឃើញពីសុភមង្គលក្នុងគ្រួសារទ្វេដង ។ ចាប់តាំងពីរៀបការរហូតមកដល់ពេលនេះ ប្តីប្រពន្ធតារាចម្រៀងទាំង ២ ដួងនេះទទួលបានដំណក់ឈាមកូនប្រុសពីរនាក់ធ្វើជាចំណងដៃហើយ ។

បើនិយាយពីការងារសិល្បៈវិញ ទោះជាក្រោយរៀបការរួចប្រជាប្រិយភាពរបស់តារាទាំង ២ នាក់ប្តីប្រពន្ធហាក់ស្ងប់ស្ងាត់បន្តិចក្តី ប៉ុន្តែក៏មិនបានរុញច្រានឱ្យកេរ្តិ៍ឈ្មោះល្បីល្បាញរបស់អ្នកទាំង ២ រសាត់បាត់ឆ្ងាយពីពិភពសិល្បៈដែរ ។ ផ្ទុយមកវិញសម្រាប់ពេលបច្ចុប្បន្នគឺមិនដូចមុនឡើយ ដោយគេមើលឃើញការងារក្នុងសិល្បៈរបស់ប្តីប្រពន្ធគូនេះ មានច្រើនឡើងវិញគួរឱ្យកត់សម្គាល់ មិនតែប៉ុណ្ណោះគេថែមទាំងបានឮថាតារាពីរនាក់ប្តីប្រពន្ធគូនេះ នឹងចាប់ដៃគ្នាផលិតបទថ្មីៗដើម្បីជាចំណីអារម្មណ៍ដល់អ្នកគាំទ្រទៀតផង ។

ក្រៅពីអាជីពសិល្បៈ គូស្នេហ៍តារាសិល្បៈមួយគូនេះក៏មានមុខជំនួញមួយផ្ទាល់ខ្លួនចំនួនទៀតនៅក្នុងដៃដែលធ្វើឱ្យជីវិតគ្រួសាររបស់គេហ៊ឺហាគួរឱ្យកត់សម្គាល់ផងដែរ ហើយជំនួញក្រៅសិល្បៈនោះក៏កំពុងទទួលជោគជ័យណាស់ដែរ ។ ខាងក្រោមនេះគឺជាកម្រងរូបភាពផ្អែមល្ហែមមួយចំនួនរបស់តារាចម្រៀងមួយគូនេះ កាលពីផ្ដើមស្នេហ៍គ្រាដំបូង និង ក្នុងពេលបច្ចុប្បន្ន ដែលឃើញហើយពិតជាផ្អែមល្ហែមណាស់ ៕ សាកល