សមត្ថកិច្ចថៃចាប់ខ្លួនពលករខ្មែរប្រុសស្រីចំនួន ១៧នាក់ បន្ទាប់ពីទាំងអស់នោះប្រជុំគ្នាផឹកកសុី នៅមុខបន្ទាប់ស្នាក់នៅបំពានសេចក្ដីប្រកាសរបស់រាជរដ្ឋាភិបាលថៃ ។ ហេតុការណ៍នេះបានកេីតឡើងនៅវេលាម៉ោង០៥ល្ងាចថ្ងៃអង្គារ ទី១៤ ខែមេសា ឆ្នាំ២០២០ នៅមុខផ្ទះលេខ៤/៦ ស្ថិតក្នុងភូមិ១២ ឃុំខ្លងលួង ស្រុកខ្លងលួង ខេត្តប៉ាធុមថានី ប្រទេសថៃ ។
រូបភាពចំនួន ៣ សន្លឹកដែលត្រូវបានបង្ហោះ និងចែកចាយនៅលើបណ្ដាញសង្គមហ្វេសប៊ុកបានរងការរិះគន់យ៉ាងខ្លាំងពីសំណាក់ប្រជាពលរដ្ឋថៃ និងខ្មែរនៅក្នុងស្រុក និងក្រៅស្រុកផងដែរ ដែលរូបភាពនោះជារូបភាពដែលយុវជនប្រុសស្រីប្រមាណជា ១៧ នាក់បានប្រជុំគ្នាផឹកស៊ី ដែលបន្ទាប់ពីរដ្ឋាភិបាលប្រទេសថៃ បានហាមប្រាមមិនឲ្យមានការជួបជុំគ្នា ហើយធ្វើការបិទការលក់ស្រាទូទាំងប្រទេស ។
គួរបញ្ជាក់ផងដែរថា បច្ចុប្បន្នពលករខ្មែរទាំងអស់ត្រូវបានកម្លាំងសមត្ថកិច្ចថៃបញ្ជូនទៅកាន់អធិការដ្ឋានតម្រួតខ្លងលួង ដើម្បីចាត់វិធានការតាមផ្លូវច្បាប់របស់ប្រទេសថៃ ។
ប្រភព ៖ បណ្ដាញសង្គមហ្វេសប៊ុក ភក្ត្រា ពលករខ្មែរ
The post សមត្ថកិច្ចថៃចាប់ខ្លួនពលករខ្មែរប្រុសស្រីចំនួន ១៧នាក់ បន្ទាប់ពីពួកគេជួបជុំគ្នាផឹកសុី appeared first on ខ្មែរអ្នកអាន.