លិខិតមិត្តអ្នកអាន ៖ ហេតុអ្វីនិស្សិតខ្មែរទៅរៀននៅបរទេស មិនចង់មកស្រុកវិញ?

May 13, 2018, 8:58 am

≫ Next: លិខិតមិត្តអ្នកអាន៖ ទម្រង់នៃការរំលោភសិទ្ធិ អ្នកមានសិទ្ធិបោះឆ្នោត!

≪ Previous: សកម្មជនអតីត CNRP ត្រូវតម្កល់ឲ្យជាប់គុកពី ៧ ទៅ ២០ ឆ្នាំដដែល

សូមគោរពលោកនិពន្ធនាយកជាទីរាប់អាន!

ខ្ញុំបានអានសាចុះសាឡើងជាច្រើនដង ចំពោះអត្ថបទដែលមានចំណងជើងថា «អតីតនិស្សិតនៅបរទេសគួរមកស្រុកវិញចុះបញ្ជី» សរសេរដោយបងប្រុស តុង សុប្រាជ្ញ ចុះផ្សាយថ្ងៃទី ១ ខែឧសភា ឆ្នាំ ២០១៨។

ខ្ញុំសូមចូលរួមយោបល់ខ្លះចំពោះកង្វះទិន្នន័យនៃនិស្សិតខ្មែរកំពុងសិក្សានៅបរទេស និងបញ្ហាដែលនិស្សិតមួយចំនួន មិនចង់វិលត្រឡប់ទៅមាតុភូមិវិញក្រោយពីបានបញ្ចប់ការសិក្សានៅបរទេស។ ដើម្បីឱ្យកាន់តែច្បាស់ពីបញ្ហាទិន្នន័យនិស្សិត និងគោលការណ៍ទាក់ទាញនិស្សិតឲ្យមកបម្រើការនៅតាមស្ថាប័នមួយចំនួន ខ្ញុំសូមលើកជាសំណួរខ្លះៗដូចតទៅ៖

១ តើក្រសួងអប់រំបានទាក់ទង ឬកសាងបណ្តាញសម្រាប់និស្សិតខ្មែរដែលទទួលបានអាហារូបករណ៍ ឬបង់ថ្លៃសិក្សាដោយខ្លួនឯងនៅក្រៅប្រទេសដែរឬទេ? បើមានតើប្រសិទ្ធភាពបានកម្រិតណា? បើក្រសួងអប់រំយកចិត្តទុកដាក់លើករណីនេះ ខ្ញុំជឿជាក់ថាទិន្នន័យអាចទាក់ទងបានតាមសមាគមអតីតនិស្សិតខ្មែរនៅបរទេសបានដូចជាសមាគមអតីតនិស្សិតខ្មែរនៅអូស្ត្រាលី នូវែលសេឡង់ ជប៉ុន និងនៅអឺរ៉ុបជាដើម។ បើថាទាល់ខ្លាំងអាចទាក់ទងទៅក្រុមការងារ ឬបណ្តាញនិស្សិតបក្សទៅក៏អាចដឹងដែរពីចំនួននិស្សិតនៅក្រៅប្រទេស។

២ តើសាមីក្រសួងស្ថាប័នគ្រប់វិស័យគួរធ្វើយ៉ាងណាដើម្បីទាក់ទាញនិស្សិតជយលាភីបរទេសចូលបម្រើការក្នុងស្ថាប័នខ្លួន។ ចំណុចនេះ ខ្ញុំសូមលើកជូនការពិតជាក់ស្តែងថ្មីៗមួយដែលសារព័ត៌មានកោះសន្តិភាពបានចុះផ្សាយកាលពីប៉ុន្មានថ្ងៃមុនថា មានលោកប្រធានមន្ទីរនៃខេត្តមួយបានតែងតាំងកូនខ្លួនឯងជាប្រធានមន្ទីរ មុនពេលខ្លួនឯងចូលនិវត្តន៍។ អ៊ីចឹងបានន័យថាអត់ពីគេ នៅមានកូនគេ ក្មួយគេ ចៅគេ ចុះនិស្សិតជយលាភីថ្មី ពេលណាទទួលបានឱកាស?

ចំណុចនេះមិត្តអ្នកអាន គិតខ្លួនឯងចុះថា តើក្រសួងស្ថាប័នរដ្ឋនីមួយៗមានផែនការច្បាស់លាស់សម្រាប់អភិវឌ្ឍធនធានមនុស្សក្នុងស្ថាប័នខ្លួនបានដល់កម្រិតណា?

ដោយឡែកបញ្ហាក្រោយពេលរៀនចប់ និស្សិតខ្លះរួមមានទាំងខ្ញុំខ្លួនឯងផ្ទាល់ដែលម្តងហើយម្តងទៀតបានប្រកាសថា មិនចង់ត្រឡប់ទៅស្រុកវិញ អាស្រ័យដោយមូលហេតុមួយចំនួន។ ទី ១ លក្ខខណ្ឌអាហារូបករណ៍នៃរដ្ឋាភិបាលសហព័ន្ធអាល្លឺម៉ង់ (DAAD) បានសម្រួលដល់និស្សិតជយលាភីអាចបន្តទិដ្ឋាការ ដើម្បីស្វែងរកការងារធ្វើនៅក្នុងប្រទេសអាល្លឺម៉ង់បាន។ ការណ៍នេះកើតឡើងដោយសារភ្នាក់ងារស្រាវជ្រាវបានរកឃើញថាការផ្តល់ឱកាសដល់និស្សិតជយលាភីរកការងារធ្វើក្រោយបញ្ចប់ការសិក្សានៅប្រទេសអាល្លឺម៉ង់ គឺមានផលចំណេញមួយចំនួនដូចជា និស្សិតជយលាភី អាចរៀនសូត្របន្ថែមលើទ្រឹស្តីដែលបានរៀនក្នុងថ្នាក់នូវចំណេះធ្វើជាក់ស្តែង។

និស្សិតជយលាភីទាំងនេះនឹងចូលរួមលើកកម្ពស់ការអភិវឌ្ឍក្នុងសង្គមអាល្លឺម៉ង់តាមរយៈចំណេះដឹងថ្មីតាមជំនាញរបស់ខ្លួន។ ម្យ៉ាងទៀតប្រសិនបើនិស្សិតជយលាភីទាំងនោះរកការងារតាមជំនាញ និងមានប្រាក់បៀវត្សរ៍សមរម្យបាននៅក្នុងប្រទេសអាល្លឺម៉ង់នោះក្នុងរយៈពេល ២ ឆ្នាំចំនួនលុយបង់ពន្ធដែលនិស្សិតជយលាភីបង់ចូលក្នុងរដ្ឋអាល្លឺម៉ង់គឺមានចំនួនលើសពីចំនួនលុយអាហារូបករណ៍ដែលរដ្ឋាភិបាលសហព័ន្ធអាល្លឺម៉ង់បានជួយដល់និស្សិតជយលាភីក្នុងរយៈពេលរៀនសូត្រ ២ ឆ្នាំទៅទៀត។

នេះហើយជាការយកចិត្តទុកដាក់លើការអប់រំ អភិវឌ្ឍន៍សង្គម និងសេដ្ឋកិច្ចរបស់អាល្លឺម៉ង់ និងការជួយទំនុកបម្រុងដល់និស្សិតបរទេសដែលទោះជាមិនមានសញ្ជាតិអាល្លឺម៉ង់ក៏ដោយក៏នៅអាចមានឱកាសបានទទួលការអប់រំទៅតាមបទដ្ឋានដែលមានគុណភាពមួយច្បាស់លាស់។
ទី ២ យើងងាកទៅដែនដីអច្ឆរិយរបស់កម្ពុជាយើងវិញម្តង សួរថាតើនិស្សិតជយលាភីអាហារូបករណ៍ដែលមិនមានក្របខ័ណ្ឌក្នុងស្ថាប័នរដ្ឋប៉ុន្មាននាក់ដែលបានទទួលការគាំពារ និងទំនុកបម្រុងពីរាជរដ្ឋាភិបាលកម្ពុជា?

បើយោងតាមបទពិសោធរបស់ខ្ញុំវិញគឺថាតាំងពីមុនរហូតដល់រៀនជិតចប់ ខ្ញុំដូចជាមិនបានទទួលអ្វីជាដុំកំភួន ជាការទំនុកបម្រុងរបស់រាជរដ្ឋាភិបាលកម្ពុជាលើការសិក្សានៅបរទេសរបស់ខ្ញុំសោះ។ មូលហេតុដែលខ្ញុំនិយាយបែបនេះ ព្រោះទីមួយខ្ញុំទៅសុំធ្វើលិខិតឆ្លងដែន ទោះបីមានបញ្ជាក់ថាមុខរបរជានិស្សិតមែន តែខ្ញុំត្រូវបង់តម្លៃសេវាតាមការកំណត់របស់ក្រសួង គឺបង់តម្លៃពេញដូចប្រជាពលរដ្ឋធម្មតា។

ទី ២ ពុំមានភ្នាក់ងារ ឬស្ថាប័នណាមួយរបស់រដ្ឋាភិបាលបានជួយណែនាំខ្ញុំ ឬខ្ញុំអាចពឹងពាក់ដើម្បីបានស្វែងយល់ពីការត្រៀមខ្លួនរស់នៅ ធ្វើសមាហរណកម្មសង្គម និងវប្បធម៌ ឬអាចសុំជាជំនួយ ប្រសិនករណីបើខ្ញុំមានបញ្ហានៅក្នុងប្រទេសដែលខ្ញុំរៀន។ ទី ៣ ក្រោយពេលរៀនចប់ ប្រសិនបើខ្ញុំត្រឡប់ទៅស្រុកខ្មែរវិញតើអង្គភាពរដ្ឋណាដែលអាចឱ្យខ្ញុំទាក់ទង ដើម្បីបានស្វែងយល់ពីការវិវឌ្ឍរបស់សង្គមនឹងជួយសម្រួល ក្នុងឱកាសការងារ ឬការអភិវឌ្ឍអាជីពរបស់ខ្ញុំ?

ប្រសិនបើខ្ញុំប្រឡងក្របខ័ណ្ឌចូលក្រសួងស្ថាប័នរដ្ឋណាមួយក៏ប្រហែលពិបាកដែរ ព្រោះខ្ញុំអាចមានសមត្ថភាពមិនគ្រប់គ្រាន់តាមការប្រឡងជ្រើសរើស ហើយម្យ៉ាងទៀតបើជាប់ក៏ប្រហែលពិបាកធ្វើការដែរ ដោយសារខ្ញុំមិនចេះលុតក្រាបខុសកាលវេលា និងមួយទៀត ចរិតខ្ញុំផ្ទាល់គឺខ្ញុំឃើញអីថាហ្នឹង ដូចនេះស្ថាប័នរដ្ឋខ្លះគេមិនចូលចិត្តមនុស្សដូចខ្ញុំនេះទេ។

គួរបញ្ជាក់ផងដែរចំពោះការទំនុកបម្រុងនិស្សិតខ្មែរនៅស្រុកអឺរ៉ុបនេះ ពិសេសរូបខ្ញុំផ្ទាល់ ខ្ញុំសូមអរគុណដល់សហគមន៍បងប្អូនខ្មែរ និងពុទ្ធបរិស័ទ ចំណុះជើងវត្តនៅបណ្តាប្រទេស បែលហ្ស៊ិក បារាំង អាល្លឺម៉ង់ ស្វ៊ីស និងអូទ្រីសជាដើមដែលបានជួយខ្នះខ្នែងរាល់កង្វះខាតរបស់ខ្ញុំ។ ចំពោះករណីនេះខ្ញុំក៏សូមអរគុណផងដែរចំពោះតំណាងស្ថានទូត និងឯកអគ្គរាជទូតខ្មែរប្រចាំនៅប្រទេសអាល្លឺម៉ង់ដែលបានចាប់ផ្តើមយកចិត្តទុកដាក់លើបញ្ហាជីវភាពរបស់និស្សិតខ្មែរក្នុងបណ្តាប្រទេសអឺរ៉ុបដែលមាននិវេសនដ្ឋាន ទូតខ្មែរ ក្រុងប៊ែរឡាំងជាអ្នកតំណាង។

ម្យ៉ាងទៀតខ្ញុំសូមសំណូមពរឱ្យម្ចាស់អត្ថបទនេះគួរសម្រួលពាក្យពេចន៍ឡើងវិញចំពោះសំណេររបស់ខ្លួនដែលបានបញ្ជាក់ដោយមិនមានមូលដ្ឋានច្បាស់លាស់ថា «រីឯកាតព្វកិច្ចរបស់និស្សិតដែលបានទៅរៀននៅបរទេសហើយតម្រូវឲ្យត្រឡប់មកស្រុកវិញបានដែរទេ ជាជាងឆ្លៀតឱកាសលួចចូលសញ្ជាតិ ហើយសំងំសុខស្រួលដោយបើកភ្នែកឡើងរិះគន់រដ្ឋាភិបាលទៅវិញនោះ»។

សម្រាប់ខ្ញុំផ្ទាល់ដែលជានិស្សិតម្នាក់មានបំណងមិនត្រឡប់ទៅស្រុកខ្មែរវិញ សូមបញ្ជាក់ថាខ្ញុំចង់នៅទីនេះប្រទេសអាល្លឺម៉ង់ក្នុងគោលបំណងចង់បានសញ្ជាតិមែន តែមិនមែនក្នុងន័យសំងំសុខស្រួលដោយបើកភ្នែកឡើងរិះគន់រដ្ឋាភិបាលទេ តែខ្ញុំគិតថាបើខ្ញុំបានរស់នៅទីនេះ ខ្ញុំអាចជួយសង្គមជាតិរបស់យើងបានច្រើន ជាងត្រឡប់ទៅវិញ ហើយខ្ញុំក៏សូមបញ្ជាក់ឱ្យបានច្បាស់ផងដែរថា ការរិះគន់របស់ខ្ញុំ គឺមិនមែនជាការរិះគន់បែបពាសវាលពាសកាលឡើយ តែជាការរិះគន់តាមរឿងដែលខ្ញុំគិតថា ខ្ញុំត្រូវតែរិះគន់ក្នុងនាមជាប្រជាពលរដ្ឋម្ចាស់ឆ្នោតដែលមានកាតព្វកិច្ច សិទ្ធិ និងសេរីភាពពេញលេញក្នុងការបញ្ចេញមតិលើការអភិវឌ្ឍសង្គម សេដ្ឋកិច្ច និងនយោបាយដែលមានធានាដោយរដ្ឋធម្មនុញ្ញនៃព្រះរាជាណាចក្រកម្ពុជា។

សូមអភ័យទោសទុកជាមុនចំពោះកំហុសឆ្គងលើការប្រើប្រាស់ពាក្យពេចន៍ដោយប្រការណាមួយហើយការសរសេររបស់ខ្ញុំនេះក៏មិនមែនក្នុងន័យផ្ចាញ់ផ្ចាលអ្នកណាដែរ តែខ្ញុំសរសេរឱ្យមិត្តអ្នកអានបានជ្រាបពីជីវិតនិស្សិត ការគាំពារពីសំណាក់សហគមន៍ខ្មែរ និងការសម្រេចចិត្តមិនត្រឡប់ទៅមាតុភូមិកម្ពុជាវិញ។

សូមអរគុណចំពោះការអានរបស់អស់លោកអ្នក៕

ដោយ ញ៉ូវ ប៉ិច តុងហ័ន និស្សិតពីសាកលវិទ្យាល័យឡែបស៊ីស ក្រុងឡែបស៊ីស រដ្ឋសាកសិន សាធារណរដ្ឋសហព័ន្ធអាល្លឺម៉ង់។

Source : PostKhmer

The post លិខិតមិត្តអ្នកអាន ៖ ហេតុអ្វីនិស្សិតខ្មែរទៅរៀននៅបរទេស មិនចង់មកស្រុកវិញ? appeared first on Khmer Readers.

↧

លិខិតមិត្តអ្នកអាន៖ ទម្រង់នៃការរំលោភសិទ្ធិ អ្នកមានសិទ្ធិបោះឆ្នោត!

May 13, 2018, 9:00 am

≫ Next: លោក ខឹម វាសនា ៖ ឱកាសរបស់ប្រជាពលរដ្ឋ ក្នុងការផ្លាស់ប្ដូរ គឺមានមួយថ្ងៃគត់សម្រាប់ ៥ ឆ្នាំម្ដង

≪ Previous: លិខិតមិត្តអ្នកអាន ៖ ហេតុអ្វីនិស្សិតខ្មែរទៅរៀននៅបរទេស មិនចង់មកស្រុកវិញ?

កាលពីថ្ងៃទី ១ ខែឧសភា ឆ្នាំ ២០១៨ នេះលោក សម រង្ស៊ី បានហៅការបោះឆ្នោតជាតិដែលនឹងឈានមកដល់នាដំណាច់ខែកក្កដាខាងមុខនេះថា ជាការបោះឆ្នោតក្លែងក្លាយ ប្រសិនបើការបោះឆ្នោតនោះអវត្ដមានអតីតគណបក្សសង្គ្រោះជាតិ ហើយគាត់ក៏បានអំពាវនាវឲ្យពលរដ្ឋជួយចែកចាយខិត្តប័ណ្ណ កុំឲ្យពលរដ្ឋទៅបោះឆ្នោតដោយក្នុងខិត្តប័ណ្ណនោះផ្ដល់ជម្រើសតែ ២ ឲ្យអ្នកមានសិទ្ធិបោះឆ្នោតថា បើ ១ មិនទៅបោះឆ្នោតស្មើនឹងគាំទ្រគណបក្សសង្គ្រោះជាតិក្នុងចិត្ដ និង ២ ទៅបោះឆ្នោតគឺស្មើនឹងគាំទ្រគណបក្សប្រជាជន ទោះជាទៅបោះឲ្យបក្សណាក៏ដោយ។

ទង្វើរបស់លោក សម រង្ស៊ី នេះឆ្លុះបញ្ចាំងពីចេតនាមិនល្អរបស់គាត់ដែលអាងតែខ្លួនជាបុគ្គលល្បីមកបំភាន់ពលរដ្ឋ គឺទី ១ ទង្វើនេះជាការរំលោភលើសិទ្ធិអ្នកមានសិទ្ធិបោះឆ្នោត។ ទី ២ ទង្វើនេះជាការកេងចំណេញនយោបាយសុទ្ធសាធ។ ទី ៣ នេះជាទង្វើយកឈ្នះចាញ់ចិត្ដជាមួយលោកនាយករដ្ឋមន្ដ្រី ហ៊ុន សែន និងទី ៤ នេះជាការឆ្លៀតឱកាស សង្កត់កាងមិនឲ្យបក្សនយោបាយដែលមានឈាមថ្មីខុសពីមុនងើបមុខរួច។

ទី ១ រំលោភលើសិទ្ធិអ្នកមានសិទ្ធិបោះឆ្នោត។

ក) រំលោភលើសិទ្ធិរបស់អ្នកគាំទ្រអតីតសង្គ្រោះជាតិដែលអស់ចិត្ដចង់ចេញពីបក្សនេះដោយគិតថា អាណាក៏ដូចអាណាហើយលែងចង់ទៅបោះឆ្នោតឲ្យបក្សណាទាំងអស់ ទើបមិនទៅបោះឆ្នោត។ លោក សម រង្ស៊ី នៅតែដេញតាមពាក់ប្រឡៅកឲ្យគេ ថា គេជាមនុស្សរបស់ខ្លួន។

ខ) រំលោភសិទ្ធិអ្នកមិនគាំទ្របក្សកាន់អំណាចហើយក៏មិនគាំទ្របក្សសង្គ្រោះជាតិ ដោយដាក់ស្លាកឲ្យគេថាជាអ្នកគាំទ្របក្សកាន់អំណាច នៅពេលដែលគេទៅបោះឆ្នោតគាំទ្របក្សដោយឡែកពីបក្សកាន់អំណាច។ បើពលរដ្ឋទាំងនោះទៅបោះឆ្នោតគាំទ្របក្សដែលគេស្រឡាញ់ ដែលមិនមែនបក្សកាន់អំណាចសោះ លោក សម រង្ស៊ី មកពាក់ស្លាកថា គេគាំទ្របក្សកាន់អំណាចទៅវិញ នោះវាជាការរំលោភលើសិទ្ធិបុគ្គល។ កាន់តែធ្ងន់នោះ បើគេមានធុរៈទៅក្រៅប្រទេសខកខានទៅបោះឆ្នោតវិញគឺលោកដាក់ស្លាកឲ្យគេដោយមិនបានសួរចិត្ដគេថា គេគាំទ្រខ្លួន។

ចំពោះអ្នកមិនគាំទ្ររដ្ឋាភិបាលទន្ទឹមគ្នាក៏មិនគាំទ្រសង្គ្រោះជាតិ បើវាស់កម្រិតនៃភាពមិនពេញចិត្ដគឺគេអាចទទួលយកលោក ហ៊ុន សែន បានជាងបើប្រៀបជាមួយលោក សម រង្ស៊ី។ ហេតុនេះការដែលគាត់ថា មិនទៅបោះឆ្នោតស្មើនឹងគាំទ្រគាត់ គឺជាទម្រង់មួយទៀតនៃការរំលោភលើសិទ្ធិ។

គ) ទង្វើលោក សម រង្ស៊ី រំលោភសិទ្ធិអ្នកដែលមិនទៅបោះឆ្នោតដោយហេតុផលផ្ទាល់ខ្លួនដោយហៅគេថាជាអ្នកគាំទ្ររបស់ខ្លួន។ ជារៀងរាល់អាណត្ដិតែងមានពលរដ្ឋប្រហែល ២០% មិនទៅបោះឆ្នោត ដែលចំនួននេះមិនរាប់ថាខ្ពស់ឡើយ។

នៅអាមេរិកចំនួននៃអ្នកទៅបោះឆ្នោតប៉ុន្មានអាណត្ដិក្រោយៗនេះមិនលើសពី ៦៥% ឡើយ ដូច្នេះអត្រាអ្នកចេញទៅបោះឆ្នោតជាង ៨០% នៅស្រុកខ្មែរអាចរាប់បានថាជាកម្រិតមួយខ្ពស់។ បើគិតត្រឹមថាអ្នកមានសិទ្ធិបោះឆ្នោតប្រហែល ១៥% មិនទៅបោះឆ្នោតតាមទម្លាប់ចាស់ រាល់ការបោះឆ្នោតនោះនឹងមានតួលេខជាង ១ លាននាក់ដែលលោក សម រង្ស៊ី ទាញថាជាអ្នកគាំទ្រខ្លួនទាំងមិនដឹងថាគេគាំទ្របក្សណា។ ពលរដ្ឋទាំងនោះមួយចំនួនអាចជាអ្នកដែលមិនខ្វល់នឹងរឿងនយោបាយ ហើយមិនទៅបោះឆ្នោត។ ដូច្នេះការនិយាយថាអ្នកមិនទៅមកពីគេគាំទ្រខ្លួនជាទម្រង់នៃការរំលោភលើសិទ្ធិពលរដ្ឋ។

ទី ២ ទង្វើនេះជាការកេងចំណេញនយោបាយសុទ្ធសាធ

លោក សម រង្ស៊ីប្រាកដជាដឹងមុន រឿងមានពលរដ្ឋប្រហែល ២០% មិនចេញទៅបោះឆ្នោត តែនៅតែធ្វើពើមិនដឹង ហើយត្រៀមបូកពួកគេចូលជាអ្នកគាំទ្របក្សខ្លួន។ អ៊ីចឹងពួកគេមិនត្រូវបានគាត់កេងចំណេញស្រស់ៗទៅហើយ? ប្រហែលជាបក្សកាន់អំណាចក៏កំពុងតែគិតដែរថា បើបែបនេះវាដូចជាស៊ីខ្សែលើគេស្រួលពេកហើយ។ ចំនួននោះបក្សកាន់អំណាចយកមិនបានផងមើលទៅគេក៏ទំនងជាមិនអាចបោះឲ្យគាត់ស៊ីផុយៗបានទេ។ នេះជាការកេងចំណេញតួលេខផ្នែកនយោបាយរបស់លោក សម រង្ស៊ី ដោយចេតនា។

ទី ៣ នេះជាទង្វើយកឈ្នះចាញ់ចិត្ដជាមួយលោកនាយករដ្ឋមន្ដ្រី ហ៊ុន សែន របស់លោក សម រង្ស៊ី

កាលពីប៉ុន្មានថ្ងៃមុនលោក សម រង្ស៊ី ក៏បានអំពាវនាវផ្ទាល់មាត់ឲ្យពលរដ្ឋកុំទៅបោះឆ្នោត ហើយត្រូវបានលោកនាយករដ្ឋមន្ដ្រីដាក់វិញយ៉ាងចត់បាយថា រៀនចប់ថ្នាក់បណ្ឌិតហើយ តែអីក៏ល្ងង់ម្ល៉េះ? ក្នុងចិត្ដមនុស្សជាប់មុខមាត់ធំដូចលោកដែលធ្លាប់ប្រកាសថា ធ្វើនយោបាយមិនចង់បានអ្វីក្រៅពីចង់បានកិត្ដិយសលោកអាម៉ាស់អ្វី មិនស្មើនឹងអ្នករៀនមិនចប់ឌីប្លូមមកដៀលអ្នករៀនចប់ថ្នាក់បណ្ឌិតថា ល្ងង់ផ្នែកយុទ្ធសាស្ដ្រដូច្នេះឡើយ។ ហេតុតែចង់ឈ្នះចិត្ដលោក ហ៊ុន សែន លុបលាងភាពអាម៉ាស់ថា ការដែលខ្លួនហៅពលរដ្ឋកុំទៅបោះឆ្នោតជាការល្ងង់ លោកក៏បានធ្វើរឿងល្ងង់លើល្ងង់ដោយរុញបន្ថែមកុំឲ្យចាញ់ចិត្ដដោយអំពាវនាវជាលាយលក្ខណ៍អក្សរ។ នេះជាចរិតចិត្ដខ្លាំង មានះចង់តែឈ្នះ។ លោក សម រង្ស៊ី ខំប្រឹងរបៀបនេះដូចប្រឹងទឹកចុងក្រោយ ព្រោះថាបើខកអាណត្ដិនេះទៀត គាត់នឹងក្លាយជាព្រឹទ្ធាចារ្យដែលត្រូវចូលនិវត្ដន៍ទើបប្រឹងលូកចុងក្រោយផ្ដាំឲ្យក្មេងជំនាន់ក្រោយមើលឃើញថា គាត់គឺចិត្ដខ្លាំងអ៊ីចឹង។

ទី ៤ ទង្វើនេះជាការឆ្លៀតឱកាសកាងសង្កត់មិនឲ្យបក្សនយោបាយឈាមថ្មីក្រោករួចរបស់លោក សម រង្ស៊ី

បក្សសង្គ្រោះជាតិបានយកស្លាកថា ជាបក្សប្រឆាំងទៅពាក់ថាគេជាបក្សប្រឆាំងដាច់មុខ។ គេថា គេទើបជាអ្នកប្រឆាំងតែមួយគត់ ក្រៅពីគេ គ្មាននរណាប្រឆាំងឡើយ។ គាត់ប្រឹងបិទបាំងថា គ្មានបក្សដទៃជាបក្សប្រឆាំងថ្មីឡើយ។ ទង្វើនេះកំពុងតែខ្ទប់កូនខ្មែរដែលមានឈាមថ្មី មិនឲ្យងើបមុខរួច ឬអាចហៅបានថា លូតក្ដិចត្រួយ ហើយមិនមែនក្ដិចចោលទេ តែក្ដិចរួចបួងចូលមាត់។ ពេលលេបគេបាត់ហើយ គាត់នៅធ្វើមុខស្មើ ដូចអត់មានរឿងអីកើតឡើង ហើយលាបមាត់គេផ្សេងថាជាអ្នកហូបថែមទៀត។ ធ្វើដល់ថ្នាក់នេះលើសហើយ!

ការគិតថាគ្មាននរណាប្រឆាំងដល់ខ្លួន ជាការមិនព្រមបើកចិត្ដមើលអ្នកផ្សេង។ បើគេពិតជាមើលមិនឃើញមែន នោះវាជារឿងសមត្ថភាពក្នុងការមើល តែវាជាការក្ដិចត្រួយបើគេឃើញហើយ តែធ្វើពើជាមិនឃើញហើយជាន់គេពន្លិច។ ជាធម្មជាតិគឺរលកក្រោយតែងច្រានរលកមុន។ វាមិនដែលមានរលកមកតែមួយហើយគេហៅវាថា ជារលកឡើយ វាត្រូវតែប្រដេញគ្នាទើបបង្កើតបានជារលក។

រឿងអំពាវនាវឲ្យពលរដ្ឋបាចខិត្តប័ណ្ណលោក សម រង្ស៊ី សាកអញ្ជើញមកបាចខិត្តប័ណ្ណនោះខ្លួនឯងទៅ។ អ្នកបាចជំនួសលោកស្រួលមិនស្រួលអាចត្រូវបានគេចោទថា បង្កអសន្ដិសុខសង្គម ហើយជាលទ្ធផលគឺគុក។ តែតាមមើលបើមានអ្នកគាំទ្រលោកជាប់គុកនោះលោករឹតតែសប្បាយ ព្រោះបើកាលណាមានការបំបែកមានការចាប់ចងដល់ប្រើកម្លាំងបាយមានពលរដ្ឋហូរឈាមនោះលោកមុខជាសប្បាយនឹងបំពងសំឡេងមិនខាន គឺបើកាន់តែមានហេតុភេទអាក្រក់កើតឡើងដល់ចេញឈាមពលរដ្ឋ នោះកាន់តែល្អសម្រាប់នយោបាយរបស់លោក។

លោកស្រី ហ្គោល ដាមែរ៍ អតីតនាយករដ្ឋមន្ដ្រីអ៊ីស្រាអែលបានលើកជាគតិមួយថា អ្នកដឹកនាំណាម្នាក់ដែលមិនដែលរួញរាចិត្ដក្នុងការរុញយុទ្ធមិត្ដខ្លួនឲ្យទៅស្លាប់ នោះគេមិនសមជាអ្នកដឹកនាំឡើយ។ ឆ្លុះមកមើលអតីតប្រធានបក្សប្រឆាំងរូបនេះវិញ គាត់បែរជាមានឈាមត្រជាក់សប្បាយនឹងរុញអ្នកគាំទ្រខ្លួនឲ្យគេធ្វើបាបដើម្បីយកជាឈ្នាន់ឈានទៅតតាំងតម្លៃខ្លួនជាមួយបក្សកាន់អំណាចទៅវិញ។

មិនទាន់មានសន្ទស្សន៍ណាមួយមកវាស់ថាគ្រប់ការចេញទៅបោះឆ្នោតគឺសុទ្ធតែគេគាំទ្របក្សកាន់អំណាចឡើយ ហើយក៏រឹតតែគ្មានសន្ទស្សន៍ណាមកវាស់ថាអ្នកមិនទៅបោះឆ្នោត សុទ្ធតែគាំទ្រសង្គ្រោះជាតិដែរ។ តាំងតែពីដើម ទាំងអ្នកទៅបោះឆ្នោតសឹងទាំងអស់ អ្នកនយោបាយសឹងទាំងអស់រួមនឹងបរទេសមួយចំនួនមើលឃើញថាលើទីលាននយោបាយខ្មែរមានត្រឹមតែភាគី ២ ប៉ុណ្ណោះដែលប្រឈមមុខគ្នា។

តែពេលនេះមិនមែនបែបនោះឡើយគឺមាន ៣ មុំ។ មុំបក្សកាន់អំណាចមួយមុំសង្គ្រោះជាតិ ១ និងមុំថ្មីគឺមុំគណបក្សប្រឆាំង ២ ត្រួតដែលប្រឆាំងនឹងបក្សកាន់អំណាចផង ប្រឆាំងនឹងបក្សដែលឱបឈ្មោះថាខ្លួនជាបក្សប្រឆាំងដាច់មុខផង។ មិននិយាយដល់បក្សទាំងឡាយណាដែលសល់ប៉ុន្មានខែមុនបោះឆ្នោត ទើបអើតមុខឡេមឡឺមមកនោះឡើយនិយាយតែពីបក្សដែលមានសកម្មភាពជាប្រចាំលើទីលាននយោបាយ តាំងពីក្រោយបោះឆ្នោត អាណត្ដិមុនមកដល់មុនបោះឆ្នោត ឃើញថាមានមិនច្រើនដល់ថ្នាក់រាប់មិនអស់នោះទេ។

សាកពិនិត្យមើលពួកគេដោយចិត្ដស្មើៗគ្មានអគតិនោះអ្នកនឹងរកឃើញគណបក្សប្រឆាំង ២ ត្រួតមិនខាន។ បក្សប្រឆាំង ២ ត្រួតមិនបានធ្វើការប្រឆាំងបុគ្គលឡើយ តែប្រឆាំងរបៀបធ្វើការរបស់បុគ្គល។ គេមិនថាមានសែនអត់ស៊ី ឬមានស៊ីអត់សែន ឬដូចលោក ហ៊ុន សែន ថា ទាល់តែសែនសិនទើបមានអីស៊ីតាមក្រោយនោះឡើយ គឺអាចក្លាយជាបក្សប្រឆាំង ២ ត្រួតទៅបាន គេត្រូវតែទៅឲ្យផុតរឿង សែន រឿង ស៊ី តែគេគិតដល់ប្រព័ន្ធធានាតុល្យភាពអំណាចរវាងពលរដ្ឋម្ចាស់ប្រទេស និងអ្នកកាន់ការងារស្រុកទេស។

មិនថាជាលោក សែន ឬលោក ស៊ី ឬលោក ខា ឬលោកដទៃណាឡើយ ឲ្យតែអាចមកធ្វើការក្រោមប្រព័ន្ធធានាតុល្យភាពអំណាចបាន ឲ្យតែអាចកសាងសង្គមមួយដែលពលរដ្ឋទាំងអស់ អាចរស់នៅដោយស្មើភាពគ្នាក្នុងនាមជាម្ចាស់ប្រទេសបាននោះមនុស្សមួយក្រុមដែលលោក សម រង្ស៊ី កំពុងតែព្យាយាមក្ដិចត្រួយ បួងលេបចូលពោះនេះនឹងគាំទ្រមិនខាន៕

ប្រភព ៖ Post Khmer

The post លិខិតមិត្តអ្នកអាន៖ ទម្រង់នៃការរំលោភសិទ្ធិ អ្នកមានសិទ្ធិបោះឆ្នោត! appeared first on Khmer Readers.

↧

លោក ខឹម វាសនា ៖ ឱកាសរបស់ប្រជាពលរដ្ឋ ក្នុងការផ្លាស់ប្ដូរ គឺមានមួយថ្ងៃគត់សម្រាប់ ៥ ឆ្នាំម្ដង

May 13, 2018, 9:12 am

≫ Next: មិនធម្មតា! អ្នកសិល្បៈស្រុកខ្មែរឥឡូវឡើងងារ ជំទាវ និងឯកឧត្ដម ជាបន្តបន្ទាប់

≪ Previous: លិខិតមិត្តអ្នកអាន៖ ទម្រង់នៃការរំលោភសិទ្ធិ អ្នកមានសិទ្ធិបោះឆ្នោត!

គឺការបោះឆ្នោត ។ លោកប្រមុខ ខឹម វាសនា បកស្រាយយ៉ាងច្បាស់ពីរឿងនេះ នៅថ្ងៃសម្ភាសន៍ជាមួយវិទ្យុបារាំង RFI ដែលមានអ្នកចាប់អារម្មណ៍ជាច្រើន បានចូលទៅតាមដានស្ដាប់ លោកប្រមុខ គណបក្សនេះ ហើយលោកបាននិយាយហើយថា លោកជាគណបក្សមួយដែលប្រឆាំងយ៉ាងពិតប្រាកដជាមួយបក្សកាន់អំណាចសព្វថ្ងៃ ។

លោកបាននិយាយទៀតថា គណបក្សសម្ព័ន្ធដើម្បីប្រជាធិបតេយ្យ គឺប្រឆាំងទៅនឹងអ្វីដែលបក្សកាន់អំណាចធ្វើមិនត្រឹមត្រូវប៉ុណ្ណោះ រីឯការដែលបក្សកាន់អំណាចធ្វើត្រឹមត្រូវ គេមិនប្រឆាំងនោះទេ ព្រោះការងារប្រទេសជាតិគឺជាអម្រែកមិនមែនជាលាភយស ដែលត្រូវចង់បាននោះទេ ។

វិទ្យុបារាំង RFI បានចុះផ្សាយយ៉ាងដូច្នេះថា ៖

ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ គឺលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ។ ឆ្លើយនឹងសំនួររបស់វិទ្យុបារាំងអន្តរជាតិ លោក ខឹម វាសនា ថា ទោះបីជាការបោះឆ្នោតមិនសេរី និងមិនយុត្តិធម៌ក៏ដោយ ក៏ប្រជាពលរដ្ឋខ្មែរមានឱកាសក្នុងការផ្លាស់ប្តូរដែរ។ លោកថានេះ គឺជាឱកាសតែមួយគត់ ហើយបើពឹងលើអន្តរជាតិ ឬបាតុកម្មគឺមិនអាចទៅរួចនោះទេ។ ខណៈ ដែលការចុះឈ្មោះគណបក្សនយោបាយ ដើម្បីចូលរួមការបោះឆ្នោតក្នុងខែកក្កដា ជិតបិទបញ្ចប់ ប្រធានគណបក្សរូបនេះ បញ្ជាក់ថាគណបក្សរបស់លោកនឹងចូលរួមការបោះឆ្នោត។

សូមស្ដាប់ការបកស្រាយរបស់លោកប្រមុខ LDP ក្នុង Clip ខាងក្រោម ៖

ប្រភព ៖ វិទ្យុបារាំង RFI

The post លោក ខឹម វាសនា ៖ ឱកាសរបស់ប្រជាពលរដ្ឋ ក្នុងការផ្លាស់ប្ដូរ គឺមានមួយថ្ងៃគត់សម្រាប់ ៥ ឆ្នាំម្ដង appeared first on Khmer Readers.

↧

មិនធម្មតា! អ្នកសិល្បៈស្រុកខ្មែរឥឡូវឡើងងារ ជំទាវ និងឯកឧត្ដម ជាបន្តបន្ទាប់

May 13, 2018, 9:42 am

≫ Next: ឡៅ ចន្រ្ទា បានល្បី និងជោគជ័យដល់ពេលនេះ មិនភ្លេចគុណបំណាចមនុស្ស ៣នាក់

≪ Previous: លោក ខឹម វាសនា ៖ ឱកាសរបស់ប្រជាពលរដ្ឋ ក្នុងការផ្លាស់ប្ដូរ គឺមានមួយថ្ងៃគត់សម្រាប់ ៥ ឆ្នាំម្ដង

វាសនាមនុស្សតែងតែជួបប្រទះនូវរឿងរ៉ាវ និងហេតុការណ៍ផ្សេងៗពីគ្នា។ ក្នុងនោះមានទាំងសប្បាយ ទុក្ខសោកនៅលាយឡំគ្នា។ ជាក់ស្ដែងជីវិតរស់នៅរបស់តារាចម្រៀងសម្ដែង និងជាពិធីការិនីប្រុសស្រី ១០រូបនេះ ត្រូវបានផ្លាស់ប្ដូរយ៉ាងឆាប់រហ័ស ពីអ្នកសិល្បៈ មកមានងារជាជំទាវ និងឯកឧត្ដមជាបន្តបន្ទាប់។ ភាពផ្លាស់ប្ដូរនេះបានធ្វើឲ្យមិត្តភ័ក្ដិសិល្បៈរួមជំនាន់ជាមួយគ្នាមានការស្ញប់ស្ញែង និងកោតសរសើរយ៉ាងខ្លាំងចំពោះវាសនាតារាប្រុសស្រីទាំង១០ រូបនេះ។

១. តារាចម្រៀងអាចច្រៀងបានគ្រប់ទម្រង់អ្នកស្រី ហ៊ឹម ស៊ីវន បានក្លាយជាជំទាវបន្ទាប់ពីរៀបការជាមួយឯកឧត្ដម ពៅ ម៉ាលី អគ្គនាយកនៃអគ្គនាយកដ្ឋានដឹកជញ្ជូននៃក្រសួងសាធារណការ និងដឹកជញ្ជូន។

២. អតីតពិធីការិនី ម៉ៅ ចំណាន ហៅ ស្រីតូច ចំណាន ទទួលបានងារជាជំទាវពេញសិទ្ធបន្ទាប់ពីរៀបអាពាហ៍ពិពាហ៍ជាមួយ អ្នកឧកញ៉ា គិត ម៉េង ប្រធានក្រុមហ៊ុន Royal Group និងជាប្រធានសភាពាណិជ្ជកម្មកម្ពុជា។

៣. អតីតតារាបង្ហាញម៉ូដ និងជាម្ចាស់ជយលាភី ចំណាត់ថ្នាក់លេខ២ ក្នុងកម្មវិធី «Super Model» លី យ៉ាណា ទទួលបានងារជាជំទាវ ក្រោយពីមានឈ្មោះជាភរិយាអ្នកឧកញ៉ា ហុង ពីវ អគ្គនាយកក្រុមហ៊ុនពិភពថ្មីគ្រុប ម្ចាស់បុរីពិភពថ្មី និងជាម្ចាស់គ្រឹះស្ថានហិរញ្ញវត្ថុពិភពថ្មី។

៤. តារាចម្រៀង ឱក បូរី បានទទួលងារជាជំទាវក្រោយពីរៀបការជាមួយមន្ត្រីជាន់ខ្ពស់ ក្រសួងពាណិជ្ជកម្ម ស៊ុត តារា ។

៥. តារាចម្រៀង ផាន់ ម៉ូនីកា បានក្លាយជាជំទាវកាលពីឆ្នាំ ២០១៧ កន្លងទៅ ក្រោយពីលោក គង់ សុខម៉េង ជាស្វាមីត្រូវបានតែងតាំងជាជំនួយការផ្ទាល់របស់សម្ដេចក្រឡាហោម ស ខេង ។

៦. ពេជ្រ ច័ន្ទបូរមី មានឈ្មោះជាជំទាវបន្ទាប់ពីរៀបការជាមួយឧត្ដមសេនីយ៍ឯក កែវ វ៉ាន់ថន អ្នកនាំពាក្យអគ្គនាយកដ្ឋាននគរបាលអន្តោប្រវេសន៍ នៃក្រសួងមហាផ្ទៃ ។

៧.លោក ខេមរៈ ភារុណ ត្រូវជាបងប្រុសបង្កើតកំពូលតារាចម្រៀង ខេមរៈ សិរីមន្ត ត្រូវបានព្រះមហាក្សត្រ និងរាជរដ្ឋាភិបាលចេញព្រះរាជក្រឹត្យដំឡើងឋានន្តរសក្ដិពីសក្ដិ៥ទៅជាឧត្ដមសេនីយ៍ផ្កាយ១កាលពីថ្ងៃទី២៩ ខែមីនា ឆ្នាំ២០១៨ កន្លងទៅថ្មីៗនេះ។ ដំណឹងនេះបានធ្វើឲ្យក្រុមគ្រួសារ ខេមរៈ សិរីមន្ត សប្បាយ និងរំភើបចិត្តស្ទើររកពាក្យអ្វីមកនិយាយពុំបាន។ ចំណែកឯមហាជនទាំងក្នុង និងក្រៅសិល្បៈក៏មានការភ្ញាក់ផ្អើលផងដែរ។

៨. តារាសម្ដែង ហង្ស ម៉ារីណា ត្រូវជាបងស្រីបង្កើត ហង្ស ម៉ារីនី បានក្លាយជាជំទាវទាំងវ័យក្មេងក្រោយពីនាងបានរៀបការជាមួយឯកឧត្ដម ហេង សុខគង់ មានតួនាទីជារដ្ឋលេខាធិការក្រសួងឧស្សាហកម្ម និងសិប្បកម្ម កាលពីថ្ងៃទី៨ ខែមេសា ឆ្នាំ២០១៨ កន្លងទៅនេះ។ ដំណឹងនេះបានធ្វើឲ្យមហាជនទាំងក្នុង និងក្រៅសិល្បៈមានការភ្ញាក់ផ្អើលយ៉ាងខ្លាំង ព្រោះមិននឹកស្មានថាតារាសម្ដែងស្រីរូបនេះបានក្លាយជាជំទាវទាំងវ័យនៅក្មេងដូច្នេះសោះ។

៩. ពិធីករលោក អេង រឹទ្ធី ទទួលបានងារជា ឯកឧត្ដម ក្រោយពីបានតែងតាំងជាទីប្រឹក្សា របស់សម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្ដេចព្រះសង្ឃរាជ នៃព្រះរាជាណាចក្រកម្ពុជា។

១០. តារាចម្រៀង និងជាម្ចាស់ផលិតកម្ម Galaxy ឡេង ណាវ៉ាត្រា ក្លាយជា ឧកញ៉ា ដោយលោកបាននិយាយថា ខ្លួនបានរៀបចំឯកសារដែលពាក់ព័ន្ធ នឹងងារជា ឧកញ៉ា រួចហើយ ដោយបញ្ជូនទៅស្ថាប័នដែលពាក់ព័ន្ធទាំងអស់៕

The post មិនធម្មតា! អ្នកសិល្បៈស្រុកខ្មែរឥឡូវឡើងងារ ជំទាវ និងឯកឧត្ដម ជាបន្តបន្ទាប់ appeared first on Khmer Readers.

↧

ឡៅ ចន្រ្ទា បានល្បី និងជោគជ័យដល់ពេលនេះ មិនភ្លេចគុណបំណាចមនុស្ស ៣នាក់

May 13, 2018, 9:48 am

≫ Next: ចាប់បានកន្លែងលក់ជ្រូកវៀតណាម ចាក់ទឹកចូលខ្លួនជ្រូក ជាង១ពាន់ក្បាល មុនលក់ចេញ

≪ Previous: មិនធម្មតា! អ្នកសិល្បៈស្រុកខ្មែរឥឡូវឡើងងារ ជំទាវ និងឯកឧត្ដម ជាបន្តបន្ទាប់

ជើងខ្លាំងជូរមុខរបស់កម្ពុជា និងជាកីឡាករមិនសូវឲ្យរំលងរាល់ពានរង្វាន់ ឬខ្សែក្រវាត់ ឡៅ ចន្រ្ទា ថា បានល្បីមានកេរ្តិ៍ឈ្មោះដល់សព្វថ្ងៃនេះ មិនភ្លេចគុណ អ្នកម្ដាយ លោកគ្រូបង្វឹក រួមនិងបងប្រុស ឡៅ ស៊ីណាត។

ឡៅ ចន្រ្ទា ប្រាប់ឲ្យដឹងថា មិនភ្លេចទេ គុណបំណាចរបស់អ្នកទាំង៣នាក់នេះ ទី១អ្នកម្ដាយ បើមិនមានការអនុញ្ញាតឲ្យហ្វឹកហាត់ប្រដាល់ ក៏មិនបានចាប់អាជីពនេះដែរ។ ទី២ លោកគ្រូ ហង់ សឿន ដែលជាគ្រូធំនៅក្លឹបប្រដាល់ឆត្រយោង ៩១១ ដែលតែងតែស្រឡាញ់ ដាស់តឿន ខំប្រឹងបង្ហាត់បង្រៀន និងតម្រែតម្រងរាល់កំហុសឆ្គង។ និងទី៣នោះ គឺបងប្រុស ឡៅ ស៊ីណាត ដែលតែងតែនៅជាមួយខ្លួនមិនថាពេលឡើងប្រកួតគឺមកឲ្យទឹកជានិច្ច ពិសេសការប្រកួតធំៗតែម្ដង។ ក្រៅពីនេះ មានដូចជាការបង្ហាត់បង្ហាញ រកចំណុចល្អៗដើម្បីផ្ដួលដៃគូ ពង្រឹងស្មារតី និងកែប្រែពីចំណុចខុសឆ្គងកន្លងមកផងដែរ។

ម្ចាស់ពានរង្វាន់ថ្មីថ្មោង ISI ខាងលើបន្ថែមថា ពិតជាអរគុណខ្លាំងណាស់ ចំពោះអ្នកមានគុណទាំង៣នាក់នេះ និងជូនពរពួកលោកឲ្យមានសេចត្តីសុខជារៀងរហូត។ ក៏អរគុណរាល់ទង្វើលល្អដែលបានធ្វើនិងផ្ចុងផ្ដើមខ្លួនឲ្យបានដូចថ្ងៃនេះ។

ឡៅ ចន្រ្ទា ជាអ្នកប្រដាល់មកពីក្លឹបឆត្រយោង៩១១ កូនសិស្សលោក ហង់ សឿន ប្រកួតចុងក្រោយឈ្នះពិន្ទុ ពុទ្ធ ឆាយរិទ្ធី នៅសង្វៀន CNC។ អ្នកប្រដាល់រូបនេះ រាប់ជាកីឡាករដែលជោគជ័យខ្លាំងក្នុងអាជីព ដែលធ្លាប់ឈ្នះខ្សែក្រវាត់៣គ្រឿង និងពានរង្វាន់លេខ១ ISI កាលពីថ្ងៃអាទិត្យសប្ដាហ៍មុន រួមនិងមេដាយមាសថ្នាក់ជាតិជាច្រើនទៀតផងដែរ៕

The post ឡៅ ចន្រ្ទា បានល្បី និងជោគជ័យដល់ពេលនេះ មិនភ្លេចគុណបំណាចមនុស្ស ៣នាក់ appeared first on Khmer Readers.

↧

ចាប់បានកន្លែងលក់ជ្រូកវៀតណាម ចាក់ទឹកចូលខ្លួនជ្រូក ជាង១ពាន់ក្បាល មុនលក់ចេញ

May 13, 2018, 10:42 pm

≫ Next: ល្បិចថតរូប ៦យ៉ាងប្រកបដោយភាពច្នៃប្រឌិត អ្នកចូលចិត្តថតរូបគួរតែសាកល្បង

≪ Previous: ឡៅ ចន្រ្ទា បានល្បី និងជោគជ័យដល់ពេលនេះ មិនភ្លេចគុណបំណាចមនុស្ស ៣នាក់

កន្លែងលក់ជ្រូកមួយកន្លែងនៅខេត្ត Dong Nai ប្រទេសវៀតណាម ត្រូវគេចាប់បាន ចាក់ទឹកចូលខ្លួនជ្រូកដើម្បីបង្កើនទម្ងន់របស់ពួកវា។

កម្មករចំនួន ២នាក់ នៅកន្លែងលក់ជ្រូកខាងលើ ដែលជាកម្មសិទ្ធិរបស់ឈ្មោះ Thuy រស់នៅឃុំ Xuan Phu ស្រុក Xuan Loc ត្រូវគេចាប់បានចាក់ទឹកចូលទៅក្នុងខ្លួនជ្រូក នៅពេលប៉ូលិសឆ្មក់ចូល កាលពីថ្ងៃព្រហស្បតិ៍កន្លងទៅនេះ។

នៅពេលនោះ កសិដ្ឋានទំហំ ២ ០០០ម៉ែត្រការ៉េនោះ បានផ្ទុកសត្វជ្រូករស់ ចំនួន១៤០ក្បាល ដោយក្នុងមួយក្បាលមានទម្ងន់ប្រហែល ១០០គីឡូក្រាម។ ក្នុងចំណោមនោះដែរ មានជ្រូកចំនួន ៦៤ក្បាលត្រូវគេរកឃើញថា បានចាក់ទឹកចូលរួចជាស្រេច និងត្រៀមដឹកជញ្ជូនយកទៅលក់។

គួរបញ្ជាក់ថា ការចាក់ទឹកចូលខ្លួនជ្រូកនេះ គឺមានគោលបំណងដើម្បីបង្កើនទម្ងន់ និងតម្លៃរបស់វា។ កន្លែងលក់ជ្រូកនេះ បានបើកដំណើរការជិត ១០ឆ្នាំមកហើយ ដោយជ្រូកនិមួយៗត្រូវចាក់ទឹកពី ២ ទៅ ៤លីត្រ មុនពេលលក់ចេញ។ ចំនួនសត្វជ្រូកដែលត្រូវចាក់ទឹកចូលនៅទីនោះ មានចំនួនសរុបរហូតដល់ទៅ ១ ២៦០ក្បាលឯណោះ។

អ្នកស្រី Thuy បានប្រាប់ឲ្យដឹងថា ខ្លួនបានទិញជ្រូកពីកសិដ្ឋានក្បែរៗនោះ រួចយកមកចាក់ទឹកចូល មុនពេលលក់ចេញទៅឲ្យអ្នកទិញផ្សេងទៀត ៕

ប្រភព ៖ សប្បាយ

The post ចាប់បានកន្លែងលក់ជ្រូកវៀតណាម ចាក់ទឹកចូលខ្លួនជ្រូក ជាង១ពាន់ក្បាល មុនលក់ចេញ appeared first on Khmer Readers.

↧

ល្បិចថតរូប ៦យ៉ាងប្រកបដោយភាពច្នៃប្រឌិត អ្នកចូលចិត្តថតរូបគួរតែសាកល្បង

May 13, 2018, 10:46 pm

≫ Next: រកឃើញតំបន់ដីដុះដ៏ធំមួយនៅកំពង់ស្ពឺ ស្អាតខ្លាំងមិនចាញ់ឧត្ដរមានជ័យឡើយ

≪ Previous: ចាប់បានកន្លែងលក់ជ្រូកវៀតណាម ចាក់ទឹកចូលខ្លួនជ្រូក ជាង១ពាន់ក្បាល មុនលក់ចេញ

ចង់បានរូបថតដែលភាពលេចធ្លោមួយសន្លឹក តម្រូវឲ្យអ្នកដែលកាន់កាមេរ៉ា មានភាពច្នៃប្រឌិត ច្នៃរូបថតដែលខ្លួនចង់បានទៅតាមភាពស្រមើលស្រមៃ បូករួមទាំង ទីតាំង ពន្លឺ និងការប្រើប្រាស់នូវឧបករណ៍ជំនួយខ្លះៗដល់ការថត។ ពីអ្នកជំនាញថតរូបម្នាក់ Jessica Kobeissi បានចែករំលែកបច្ចេកទេស និងភាពច្នៃប្រឌិតរបស់គាត់ ដល់អ្នកដែលចូលចិត្តថតរូប។

ហើយវីដេអូខាងក្រោមនេះ ជាបច្ចេកទេស ថតរូបដែលអាចជួយដល់រូបថតរបស់ឲ្យកាន់តែមានភាពទាក់ទាញ ៖

The post ល្បិចថតរូប ៦យ៉ាងប្រកបដោយភាពច្នៃប្រឌិត អ្នកចូលចិត្តថតរូបគួរតែសាកល្បង appeared first on Khmer Readers.

↧

រកឃើញតំបន់ដីដុះដ៏ធំមួយនៅកំពង់ស្ពឺ ស្អាតខ្លាំងមិនចាញ់ឧត្ដរមានជ័យឡើយ

May 13, 2018, 10:48 pm

≫ Next: តែគុជតម្លៃតែ២០០០រៀលទេ? ល្បីថាឆ្ងាញ់ហើយថោកទៀត! ធ្លាប់ទៅសាកឬអត់?

≪ Previous: ល្បិចថតរូប ៦យ៉ាងប្រកបដោយភាពច្នៃប្រឌិត អ្នកចូលចិត្តថតរូបគួរតែសាកល្បង

បច្ចុប្បន្ននេះដីដុះរលួសធំក្នុងខេត្តឧត្ដរមានជ័យ បានទទួលការចាប់អារម្មណ៍យ៉ាងខ្លាំង ពីសំណាក់ភ្ញៀវទេសចរ ដោយសារមានដីច្រោះរំលេចចេញជាទស្សនីយភាព ប្លែកៗគួរឲ្យចាប់អារម្មណ៍ រហូតក្រសួងកំពុងអភិវឌ្ឍជាតំបន់ទេសចរប្រវត្តិសាស្ត្រទៀតផង។

ដោយឡែកកាលពីថ្មីៗនេះ ប្រជាពលរដ្ឋក្នុងខេត្តកំពង់ស្ពឺ បានប្រទះឃើញតំបន់១ មានដីដុះបញ្ចេញក្បូរក្បាច់ប្លែកៗ នៅជាប់ៗគ្នាលើផ្ទៃដីដ៏ធំ នៅក្បែរជើងភ្នំតូច-ធំ គួរឲ្យចាប់អារម្មណ៍បំផុត។ បើតាម លោក ស៊ិន សាវន ជាគ្រូបង្រៀន ក្នុងខេត្តកំពង់ស្ពឺ ទើបតែបានទៅតំបន់នោះ បានប្រាប់ Sabay តាមទូរសព្ទថា ដីច្រោះដ៏អស្ចារ្យនោះ ស្ថិតនៅភូមិបន្ទាយរការ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ។ លោកថា នៅទីនោះមានទេសភាពស្អាតខ្លាំងកម្របានឃើញ មានដើមឈើតូចៗ ដុះតាមជម្រាលភ្នំខ្ពស់ទាប ពណ៌ខៀវខ្ចី។

អ្វីដែលភ្ញាក់ផ្អើលគឺដីដុះ ដែលកើតឡើងដោយសារ ទឹកហូរចេញពីកំពូលភ្នំនានា បានពាំនាំដីទាំងនោះបង្កើតឲ្យក្លាយជាទិដ្ឋភាពដ៏ប្លែក ប្រៀបដូចជាប្រាង្គប្រាសាទដូច្នោះដែរ។ ប្រសិនបើបានទៅដល់ប្រាកដជារំភើបនឹងសម្រស់ធម្មជាតិ និងខ្យល់អាកាសដ៏បរិសុទ្ធផងនោះ ប្រាកដជារំសាយអស់នូវរាល់ទុក្ខកង្វល់ផ្សេងៗ។

(លោក ស៊ិន សាវន ដែលបានទៅដល់តំបន់នោះ)

ប្រសិនបើចង់ទៅដល់ទីតាំងនោះ ត្រូវធ្វើដំណើរពីភ្នំពេញតាមផ្លូវជាតិលេខ៤ ប្រមាណ៧០គីឡូម៉ែត្រហួសផ្សារត្រពាំងក្រឡឹងបន្តិច ប្រិយមិត្តនឹងឃើញខ្លោងទ្វារវត្តព្រៃរមៀត នៅខាងស្ដាំដៃ។ ចូលតាមខ្លោងទ្វារវត្តនោះទៅត្រង់រហូត ប្រមាណជាង២០គីឡូម៉ែត្រ នឹងទៅដល់សាលាឃុំក្រាំងដីវ៉ាយ។ សាកសួរមន្ត្រីសាលាឃុំបន្ថែម ប្រិយមិត្តប្រាកដជាទៅដល់តំបន់នោះ ដោយមិនពិបាករកឡើយ៕

អត្ថបទ៖ ថោ ច័ន្ទឬទ្ធិ

រូបភាព៖ ផ្ដល់សិទ្ធិដោយលោក ស៊ិន សាវន

ប្រភព ៖ Sabay

The post រកឃើញតំបន់ដីដុះដ៏ធំមួយនៅកំពង់ស្ពឺ ស្អាតខ្លាំងមិនចាញ់ឧត្ដរមានជ័យឡើយ appeared first on Khmer Readers.

↧

តែគុជតម្លៃតែ២០០០រៀលទេ? ល្បីថាឆ្ងាញ់ហើយថោកទៀត! ធ្លាប់ទៅសាកឬអត់?

May 13, 2018, 10:53 pm

≫ Next: ចង់ទៅកន្លែងណាជាងគេ ក្នុងចំណោម៨កន្លែងនេះ? ណាត់គ្នាដើរម្ដងទៅ

≪ Previous: រកឃើញតំបន់ដីដុះដ៏ធំមួយនៅកំពង់ស្ពឺ ស្អាតខ្លាំងមិនចាញ់ឧត្ដរមានជ័យឡើយ

ហាងតែគុជដែលល្បីនៅប្រទេសតៃវ៉ាន់ឥឡូវនេះបានមកដល់ប្រទេសយើងហើយ។ សប្បាយដើរលឺថានៅទីនោះកំពុងមានប្រូម៉ូសិនសម្រាប់សិស្សានុសិស្សរៀងរាល់ថ្ងៃច័ន្ទចាប់ពីម៉ោង ១១ ព្រឹក រហូតដល់ម៉ោង ៦ ល្ងាច ដោយគ្រាន់តែបង្ហាញកាតសិស្សនោះអ្នកនឹងទទួលបានការបញ្ចុះតម្លៃភ្លាមគឺទិញតែគុជក្នុងតម្លៃតែ ២០០០រៀល តែប៉ុណ្ណោះ។ ប្រញាប់រួសរាន់ឡើងកុំឲ្យខកខានឱកាសនេះណា!

នៅទីនោះមានភេសជ្ជៈជាច្រើនមុខសម្រាប់ជ្រើសរើស ឬឯអ្នកដែលមិនចូលចិត្តតែទឹកដោះគោគុជក៏អាចទៅបានព្រោះថានៅទីនោះក៏មានទឹកផ្លែឈើស្រស់ៗដែលល្អចំពោះសុខភាពនិងសម្រស់ថែមទៀតផង។

ដែលសាកទឹកផ្លែឈើបែបនេះអត់ មាន២រសជាតិក្នុងដបតែមួយហើយឆ្ងាញ់ទៀត។ រសជាតិផ្អែមពីផ្លែឈើសុទ្ធដោយមិនដាក់ទឹកស្ករបន្ថែម។ ល្អសម្រាប់សុខភាពណាស់ណា!! ហើយសម្រាប់អ្នកដែលកំពុងចង់សម្រកទម្ងន់ក៏ត្រូវដែរ!

បើនិយាយពីបរិយាកាសហាងវិញធំទូលាយ មានអនាម័យ និង មានការរៀបចំយ៉ាងស្អាត។ អ្នកទាំងអស់គ្នាក៏អាចយកកិច្ចការសាលាទៅអង្គុយធ្វើនៅជាមួយមិត្តភក្តបានព្រោះកន្លែងស្ងប់ស្ងាត់ល្អ។

អាសយដ្ឋាន៖ ផ្ទះលេខ២០៣, ផ្លូវ ៥១ (ប៉ាស្ទ័រ), សង្កាត់បឹងកេងកង១, ខណ្ឌចំការមន, ភ្នំពេញ

សម្រាប់ព័ត៌មានបន្តែមសូមចូលទៅកាន់ Dayungs Cambodia

The post តែគុជតម្លៃតែ២០០០រៀលទេ? ល្បីថាឆ្ងាញ់ហើយថោកទៀត! ធ្លាប់ទៅសាកឬអត់? appeared first on Khmer Readers.

↧

ចង់ទៅកន្លែងណាជាងគេ ក្នុងចំណោម៨កន្លែងនេះ? ណាត់គ្នាដើរម្ដងទៅ

May 13, 2018, 10:59 pm

≫ Next: សម្រស់ “ពពកហោះថ្មដា”ស្អាតមិនចាញ់ បូកគោ និងមណ្ឌលគិរីឡើយ

≪ Previous: តែគុជតម្លៃតែ២០០០រៀលទេ? ល្បីថាឆ្ងាញ់ហើយថោកទៀត! ធ្លាប់ទៅសាកឬអត់?

ទីបំផុតថ្ងៃបុណ្យចូលឆ្នាំចិនដែលម្នាក់ៗ ទន្ទឹងរង់ចាំជាយូរមកហើយនោះបានឈានចូលមកដល់ហើយ។បន្ទាប់ពីរៀបចំសែនព្រេនយ៉ាងសប្បាយរីករាយរួចហើយ ដល់ពេលដើរលេងតែម្តង មានគម្រោងចង់ទៅកម្សាន្តនៅរមណីយដ្ឋានណាមួយហើយឬនៅហ្នឹង? បើមិនទាន់មានទេ ពីសប្បាយដើរថ្ងៃសូមណែនាំជូននូវ រមណីយដ្ឋាន៨កន្លែង សុទ្ធសឹងជាកន្លែងដែលមានទេសភាពស្អាតៗ បរិយាកាសល្អ សក្តិសមបំផុតសម្រាប់ការជួបជុំគ្រួសារដ៏សែនរីករាយនេះ។

១. ភ្នំក្រោម

ស្ថិតនៅក្នុងទឹកដីខេត្តសៀមរាប លោកអ្នកអាចអង្គុយបរិភោគអាហារឆ្ងាញ់ៗតាមបែបលក្ខណៈស្រុកស្រែ ជួបជុំគ្នា ក្នុងតូបដែលនៅដាច់ៗពីគ្នា សង់ពីឈើ ដំបូលប្រក់ស្បូវ គយគន់ទេសភាពមាត់បឹង សួនផ្កាចម្រុះពណ៌ ខ្យល់បក់រំភើយៗ វាជាពេលវេលាមួយដែលមិនអាចបំភ្លេចបាន។

ព័ត៌មានលម្អិត៖ ភ្នំក្រោម

២. កំពង់ភ្លុក

ផ្ទះខ្ពស់ៗ សសរច្រូងច្រាងខ្វាត់ខ្វែង ជាប់នឹងមាត់ច្រាំងនៃបឹងទន្លេសាប ស្ថិតក្នុងខេត្តសៀមរាប ដែលគេគ្រប់គ្នាតែងតែហៅថា “ភូមិអណ្ដែតទឹកកំពង់ភ្លុក” ។ លោកអ្នកអាចរីករាយជាមួយនិងការជិះទូកតូចៗគយគន់មើលទេសភាពព្រៃលិចទឹកដែលមានទំហំ៤៨ហិចតាដែលមានតាំងយូរណាស់មកហើយ។

ព័ត៌មានលម្អិត៖ កំពង់ភ្លុក

៣. ត្រាវកុដ្ឋ

ជារមណីយដ្ឋានដ៏ប្រណិត និងមនោរម្យមួយកន្លែងស្ថិតនៅឃុំ បល្ល័ង្ក ស្រុក ប្រាសាទ បាគង ខេត្តសៀមរាប។ រមណីយដ្ឋានមួយនេះស្ថិតនៅចំកណ្ដាលរវាងក្រុងសៀមរាប និងភ្នំគូលែន ប្រាសាទបន្ទាយស្រី ប្រាសាទបាគង ប្រាសាទបឹងមាលា និងតំបន់អង្គរដោយបើកបរប្រហែល២០នាទី ពីប្រលានយន្តហោះថ្មី និងពីក្រុងសៀមរាប។

ព័ត៌មានលម្អិត៖ ត្រាវកុដ្ឋ

៤. ក្ដាតសាណាកា

មានទីតាំងឋិតនៅផ្លូវជាតិលេខ៣ ចន្លោះកំពត-កំពង់សោម ក្បែរជើងភ្នំបូកគោ ជាប់ដៃសមុទ្រនាភូមិក្ដាត ដែលមានចម្ងាយប្រមាណ១៩គីឡូម៉ែត្រ ពីទីរួមខេត្តកំពត។ លោកអ្នកនឹងបានស្រស់ស្រាយសប្បាយអារម្មណ៍ជាមួយនឹងការហូបអាហារសមុទ្រស្រស់ៗ និងការស្នាក់នៅក្នុងពិភពធម្មជាតិពិតៗ។

ព័ត៌មានលម្អិត៖ ក្ដាតសាណាកា

៥. ល្អាងកំពង់ត្រាច

ស្ថិតនៅក្នុងឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត។ ល្អាងកំពង់ត្រាចមិនត្រឹមតែជាកន្លែងសម្រាប់ទេសចរប៉ុណ្ណោះទេ តែវាជាកន្លែងសម្រាប់ធ្វើសក្ការបូជាថែមទៀតផង។ ប្រជាជនមកពីទីជិតឆ្ងាយ ទាំងជាតិនិងអន្តរជាតិមកទស្សនាហើយ ក៏អាចបួងសួងសុំសេចក្ដីសុខថែមទៀតផង។

ព័ត៌មានលម្អិត៖ ល្អាងកំពង់ត្រាច

៦. ឧទ្យានដងព្រែក

មានទីតាំងស្ថិតនៅជិតតំបន់ទឹកធ្លាក់ទឹកឈូ ដែលនៅឆ្ងាយពីខេត្តកំពតប្រហែល ១០គីឡូម៉ែត្រ។ លោកអ្នកអាចកម្សាន្តជាមួយនឹងការជិះទូកនៅក្នុងទឹកព្រែកដែលមានទឹកថ្លាយង់ គយគន់ទេសភាពនៅតាមមាត់ព្រែក ។ ហើយលោកអ្នកក៏អាចសាកល្បងល្បែងកម្សាន្តថ្មី បែបព្រឺព្រួច នោះគឺការជិះខ្សែរ៉តចេញពីដើមឈើកម្ពស់ជាង ១០ម៉ែត្រ ដើម្បីឆ្លងពីត្រើយម្ខាងទៅត្រើយម្ខាងទៀតដែលមានប្រវែងប្រមាណ ២០០ម៉ែត្រ។

ព័ត៌មានលម្អិត៖ ឧទ្យានដងព្រែក

៧. ទឹកធ្លាក់ល្បាក់ខោន ឬទឹកជ្រោះសុភមិត្រ

មានទីតាំងស្ថិតនៅភាគខាងជើងនៃមាតុភូមិកម្ពុជាត្រូវបានគេស្គាល់យ៉ាងច្បាស់ថា ទីនោះជាកន្លែងដែលទឹកទន្លេមេគង្គបានហូរធ្លាក់យ៉ាងគំហុកកាត់តាមថ្មដា ដែលមានកម្ពស់រហូតដល់២៦ម៉ែត្រ ហើយក៏ជាព្រំសីមានៃព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យ ប្រជាមានិតឡាវដែរ។

ព័ត៌មានលម្អិត៖ ទឹកធ្លាក់ល្បាក់ខោន ឬទឹកជ្រោះសុភមិត្រ

៨. អូរជាំ

មានទីតាំងស្ថិតនៅភូមិអូរជាំ ឃុំកំពង់ល្ពៅ ស្រុកសំឡូត ខេត្តបាត់ដំបង។ លក្ខណៈពិសេសសម្រាប់តំបន់កម្សាន្តមួយនេះគឺលោកអ្នកនឹងទទួលបាននូវបទពិសោធន៍ដ៏ល្អពីការធ្វើដំណើរទៅកាន់ទឹកជ្រោះ កាត់ព្រៃព្រឹក្សា ជាមួយមគ្គុទ្ទេសក៍ប្រចាំតំបន់។ ជាងនេះទៀត គឺការងូតទឹកលេង ភ្លក់រសជាតិអាហារពិសេសៗ ការបោះតង់ក្បែរទឹកជ្រោះ និងស្វែងយល់ពីជីវភាពរស់នៅរបស់ប្រជាជនដែលរស់នៅទីនោះផ្ទាល់។ ក្រៅពីការកម្សាន្តជាមួយធម្មជាតិពិតៗហើយ លោកអ្នកក៏អាចកម្សាន្តអារម្មណ៍ជាមួយនិងការជិះគោយន្តទស្សនាចម្ការដំណាំរបស់អ្នកស្រុកមានដូចជា ពោត មៀន ម្រេច ស្រកានាគ ព្រមទាំងអាចភ្លក់ផ្លែឈើថ្មីៗ ស្រស់ៗក្នុងចម្ការដោយផ្ទាល់តែម្ដង។

ព័ត៌មានលម្អិត៖ អូរជាំ, អត្ថបទ៖ Khou Sophy, ប្រភព ៖ Sabay ដើរ

The post ចង់ទៅកន្លែងណាជាងគេ ក្នុងចំណោម៨កន្លែងនេះ? ណាត់គ្នាដើរម្ដងទៅ appeared first on Khmer Readers.

↧

សម្រស់ “ពពកហោះថ្មដា”ស្អាតមិនចាញ់ បូកគោ និងមណ្ឌលគិរីឡើយ

May 13, 2018, 11:03 pm

≫ Next: ៣ វិធីយកឈ្នះមនុស្សច្រណែន ឈ្នានីសអ្នក ដោយមិនបាច់សងសឹក

≪ Previous: ចង់ទៅកន្លែងណាជាងគេ ក្នុងចំណោម៨កន្លែងនេះ? ណាត់គ្នាដើរម្ដងទៅ

ថ្មដា ជាឃុំមួយក្នុងស្រុកវាលវែង ខេត្តពោធិ៍សាត់ ជាតំបន់ទេសចរណ៍ថ្មីសន្លាងមួយ កំពុងទាក់ទាញភ្ញៀវទេសចរទាំងជិតទាំងឆ្ងាយ។ តំបន់ទេសចរណ៍មួយនេះ នៅជាប់ព្រំប្រទល់កម្ពុជា-ថៃ ដែលថ្មដា ជាច្រកមួយឆ្លងចូលប្រទេសថៃផងដែរ។

រីឯទេសភាពនៅលើភ្នំថ្មដា មើលមួយភ្លែតស្មានតែសមុទ្រឈើដូចនៅមណ្ឌលគិរី និងពពកហោះលើភ្នំបូកគោ ។ ថ្មដានៅពេលព្រឹកព្រលឹមមានពពករសាត់ទាបៗជាប់នឹងងជើងភ្នំ ត្រជាក់សព្វរាងកាយ។ ចង់ដឹងសម្រស់ស្អាតប៉ុណ្ណានោះ សូមទស្សនារូបភាពត្រជាក់ភ្នែកខាងក្រោមនេះ៖

អត្ថបទ៖ ស៊ិន សាវ៉េត រូបភាព ៖ លោក ពៅ ភិរុណ ប្រភព ៖ Sabay News

The post សម្រស់ “ពពកហោះថ្មដា” ស្អាតមិនចាញ់ បូកគោ និងមណ្ឌលគិរីឡើយ appeared first on Khmer Readers.

↧

៣ វិធីយកឈ្នះមនុស្សច្រណែន ឈ្នានីសអ្នក ដោយមិនបាច់សងសឹក

May 13, 2018, 11:06 pm

≫ Next: ២៥ឆ្នាំ ទោះមិនទាន់សល់អីធំដុំ ឲ្យតែមាន៦យ៉ាងនេះ ទុកថាខ្លាំងបំផុតហើយ

≪ Previous: សម្រស់ “ពពកហោះថ្មដា”ស្អាតមិនចាញ់ បូកគោ និងមណ្ឌលគិរីឡើយ

ជឿជាក់ថា អ្នកគ្រប់គ្នាប្រាកដជាធ្លាប់ជួបបញ្ហាដែលត្រូវគេច្រណែន និយាយមួលបង្កាច់ ។ល។ ហើយមិនដឹងថាត្រូវធ្វើដូចម្ដេចល្អ។ អ្នកប្រាកដជាមិនចង់ “បន្ទាបខ្លួន” ទៅឈ្លោះ ឬអធិប្បាយការពិត ឲ្យអ្នករាល់ៗគ្នាដែល “ត្រចៀកស្រាល” នោះឡើយ ព្រោះទោះបីខំបកស្រាយយ៉ាងណា ក៏មនុស្សប្រភេទនេះនៅតែរករឿងបង្ខូចអ្នកទាល់តែបាន ដោយព្យាយាមនិយាយយកតែឈ្នះ គ្មានហេតុផល ក្បាលកន្ទុយអ្វីឡើយ។

(រូបតំណាង)

មូលហេតុគឺដោយសារគោលបំណងរបស់គេ មិនមែន “ចង់បានការពិត” នោះទេ ប៉ុន្តែគឺ “ត្រូវការឲ្យអ្នកអាប់ឱន” ទើបពួកគេអាចសប្បាយចិត្ត (មនុស្សដែល “មើលឃើញតម្លៃខ្លួនឯងទាប” រមែងរិះរកវិធីធ្វើបាបអ្នកដទៃ ដើម្បីឲ្យខ្លួនឯងមានអារម្មណ៍ខ្ពស់បន្តិច)។

បើអ្នកទៅឈ្លោះគ្នាជាមួយមនុស្សទាំងអស់នេះ បញ្ហានឹងគ្មានថ្ងៃបញ្ចប់ឡើយ តែផ្ទុយទៅវិញការឈ្លោះគ្នានេះ នឹងបំផ្លាញភាពស្ងប់សុខរបស់អ្នក។ ខាងក្រោមនេះ គឺជាវិធីខ្លះៗដើម្បីមកចែករំលែកដល់ប្រិយមិត្តទាំងអស់គ្នាសម្រាប់ដោះស្រាយបញ្ហាបែបនេះ៖

១. កុំភ្លេចថា មនុស្សដែលច្រណែន មានគំនិតអាក្រក់ ស្អប់ខ្ពើមអ្នកដទៃ គឺប្រៀបដូច “ធ្លាក់នរកទាំងរស់” បាត់ទៅហើយ

ចិត្តក្ដៅឆួល ក្រហល់ក្រហាយ ស្ត្រេស… ទាំងនេះហើយគឺជា នរក។ ធ្លាប់ឮគេនិយាយឬអត់ថា “ឋានសួគ៌នៅក្នុងចិត្ត នរកក៏នៅក្នុងចិត្ត”? ចិត្តច្រណែន ស្អប់ខ្ពើមអ្នកដទៃ គឺជា “ការដាក់ទោស” មនុស្សទាំងអស់នោះ ស្រាប់ទៅហើយ ហើយជាកម្មពៀរដែលយើងអាចឃើញភ្លាមៗផ្ទាល់នឹងភ្នែក។

កុំទៅគិតសងសឹកពួកគេអី ទុកឲ្យ “កម្មពៀរ” ជាអ្នកចាត់ការពួកគេទៅ គឺល្អបំផុត ព្រោះបើអ្នកតបទៅវិញដោយផ្លូវអាក្រក់នោះ អ្នកនឹងអាចប្រឡូកប្រឡាក់កម្មពៀរដែរ។

(រូបតំណាង)

២. ចំណុចសំខាន់គឺ កុំបណ្ដោយឲ្យមនុស្សបែបនេះទាញអ្នកចូល “នរកក្នុងចិត្ត” ជាមួយគេដែរ

អ្នកត្រូវជ្រើសរើសយក “ឋានសួគ៌នៅក្នុងចិត្ត” ដោយមិនបាច់ចុះទៅ “កើតទុក្ខ” ជាមួយពួកគេឡើយ ទោះបន្តិចបន្តួចក៏ដោយ ព្រោះបើអ្នកព្រមកាត់បន្ថយក្ដីសុខ និងក្ដីស្ងប់ក្នុងចិត្ត នោះអ្នកនឹងមានទុក្ខច្រើន ដោយសារមនុស្សរបៀបនេះ។ មានន័យថា “គេយកឈ្នះអ្នកបានហើយ”។

ផ្ទុយទៅវិញ មនុស្សដែលច្រណែនអ្នក ស្អប់អ្នក នឹងកាន់តែពិបាកក្នុងខ្លួននៅពេលដែលឃើញអ្នកមានក្ដីសុខ។ ដូច្នេះហើយ ទើបគេនិយាយថា “ការសងសឹកដែលល្អបំផុត គឺត្រូវជោគជ័យកាន់តែខ្លាំង!”

៣. Take Action បញ្ចេញសកម្មភាពការពារខ្លួនឯង

ការមិនព្រមឲ្យទឹកមាត់អ្នកដទៃ មកក្លាយជា “ថ្នាំពិស” ក្នុងចិត្តរបស់អ្នក មិនមែនមានន័យថា អ្នកយល់ព្រមធ្វើជា “កម្រាលជូតជើង” ឲ្យអ្នកដទៃនោះទេ។ ដំណោះស្រាយល្អអ្នកត្រូវ

១. ការពារចិត្តមិនឲ្យ គិតអវិជ្ជមាន និងកើតទុក្ខទៅតាមអ្នកដទៃដែលគិតអាក្រក់មកលើយើង
២. មានវិធានការការពារខ្លួនឯង ព្រោះយើងត្រូវធ្វើជា “មនុស្សឆ្លាត និងចេះវៃ” ដែរ។

សរុបមក ក្ដីសុខទាំងអស់របស់អ្នក គឺអ្នកជាអ្នកគ្រប់គ្រង ១០០% ព្រោះក្ដីសុខស្ថិតនៅក្នុងចិត្តរបស់អ្នកផ្ទាល់។ កុំបន្ទាបខ្លួនទៅឈ្លោះតបជាមួយមនុស្សអាក្រក់ ដោយវិធីអាក្រក់ដូចគ្នា ព្រោះពួកគេពូកែជាងអ្នកទៅទៀត ចំពោះវិធីថោកទាបបែបនោះ ៕

ប្រភព៖ Kanha ប្រែសម្រួល៖ ស្វាយ វ៉ាន់ថន

The post ៣ វិធីយកឈ្នះមនុស្សច្រណែន ឈ្នានីសអ្នក ដោយមិនបាច់សងសឹក appeared first on Khmer Readers.

↧

២៥ឆ្នាំ ទោះមិនទាន់សល់អីធំដុំ ឲ្យតែមាន៦យ៉ាងនេះ ទុកថាខ្លាំងបំផុតហើយ

May 13, 2018, 11:10 pm

≫ Next: លោកខឹម វាសនា៖ រដ្ឋាភិបាលសព្វថ្ងៃដឹកនាំប្រទេស ធ្វើឲ្យពលរដ្ឋខ្មែរ ពិបាករស់ជាទីបំផុត

≪ Previous: ៣ វិធីយកឈ្នះមនុស្សច្រណែន ឈ្នានីសអ្នក ដោយមិនបាច់សងសឹក

លើលោកនេះមានរបស់ជាច្រើនមនុស្សអាចទិញបាន តែមួយចំនួនក៏ទិញមិនបានដែរ។ តួយ៉ាងពេលវេលា ទោះជាមានលុយច្រើនប៉ុណ្ណា ក៏គ្មាននរណាអាចទិញបានដែរ ពេលវេលាមិនអាចបកក្រោយនោះទេ។ ដូចនេះហើយ មនុស្សម្នាក់ៗ ត្រូវប្រើពេលវេលាឱ្យមានតម្លៃ បើដូច្នោះពេលវេលាចេះតែទៅមុខ វ័យកាន់តែចាស់ ហើយមិនទាន់មានអ្វីជាទម្ងន់ជីវិត។ ចុះបើអាយុ ២៥ឆ្នាំមនុស្សគ្រប់គ្នាគួរមានអ្វីខ្លះក្នុងជីវិត?

១.ការងារដែលជាក់លាក់ និងតំណែងសមរម្យ

មកដល់វ័យ ២៥ឆ្នាំហើយ គួរមានការងារមួយជាក់លាក់ តំណែងសមរម្យ និងទទួលបានចំណូលសមរម្យ មិនមែននៅធ្វើការប្រាក់ខែចាយមិនគ្រប់ខ្វះមុខខ្វះក្រោយនោះទេ។ ២៥ ឆ្នាំជាវ័យមួយ ដែលគួរមានអ្វីឱ្យច្បាស់លាស់ មិនថាតែចាការងារទេ ពោលគឺជំនាញអ្វីក៏ដោយ ត្រូវឱ្យច្បាស់ ព្រោះមិនមែនជាវ័យដូចកាលសិក្សានៅវិទ្យាល័យ ឬសាកលវិទ្យាល័យទេ។ ដូច្នេះហើយត្រូវខិតខំប្រឹងប្រែងពីក្មេងឱ្យហើយ ត្រូវផ្ដល់តម្លៃឱ្យពេលវេលា កុំចេះតែបណ្ដែតបណ្ដោយខ្លួនរហូតដល់វ័យកាន់តែជ្រេ មិនមានអ្វីក្នុងខ្លួននោះ។

២. មានផែនការច្បាស់លាស់ក្នុងជីវិត

ទន្ទឹមនឹងមានការងារជាក់លាក់ ប្រាក់ចំណូលសមរម្យហើយនោះ គឺត្រូវកំណត់ផែនការរយៈពេលវែង ថាប៉ុន្មានឆ្នាំទៀត ត្រូវមានគ្រួសារ ហើយប៉ុន្មានឆ្នាំទៀតត្រូវមានផ្ទះ មានទ្រព្យសម្បត្តិ? ដូចនេះទាមទារឱ្យកំណត់ឱ្យច្បាស់ និងរកផ្លូវដើរឆ្ពោះទៅរកអ្វីដែលបានកំណត់នោះ មិនមែនចេះតែកំណត់ តែមិនអនុវត្តនោះឡើយ។ វ័យ២៥ឆ្នាំ បើមិនទាន់បានកំណត់រឿងទាំងនេះទេ ជីវិតរៀងពិបាកបន្តិចហើយ ព្រោះមិនដឹងដើរទៅផ្លូវណា ដើរដល់ណានោះទេ។

៣. មានភាពជាអ្នកដឹកនាំ និងចាស់ទុំ

នៅត្រង់ចំណុចនេះ មានន័យថា វ័យ២៥ឆ្នាំ គឺត្រូវម៉ឺងម៉ាត់ ច្បាស់លាស់បន្តិច មិនមែននៅក្មេងទៀតទេ។ ភាពជាអ្នកដឹកនាំ គឺត្រូវចេះអភិវឌ្ឍខ្លួនឯង ពីមួយជំហានទៅមួយជំហាន ហ៊ានសម្រេចចិត្តធ្វើនូវអ្វីដែលខ្លួនគិតថា ល្អប្រសើរ ហ៊ានលះបង់អ្វីដែលគិតថា ឥតប្រយោជន៍។ ដំណាក់កាលនេះត្រូវហ៊ានប្រឈមបញ្ហា ហ៊ានឆ្លងកាត់អ្វីៗដែលលំបាក ហ្វឹកហាត់ខ្លួនឯងឱ្យរឹងមាំ ចេះអត់ធ្មត់ ចេះគ្រប់គ្រងអារម្មណ៍ ជាដើម។ បើវ័យ ២៥ឆ្នាំ មិនមានចំណុចទាំងនេះទេ មានន័យថា យើងនៅមិនទាន់មានភាពជាអ្នកដឹកនាំ និងចាស់ទុំនៅឡើយទេ។

៤. សល់លុយកាក់និងទ្រព្យសម្បត្តិខ្លះ

អាយុ ២៥ឆ្នាំហើយ គួរសល់លុយកាក់ ឬទ្រព្យសម្បត្តិខ្លះទោះតិចឬច្រើនក្ដី មិនមែនដល់វ័យនេះហើយគ្មានអ្វីដែលជារបស់ខ្លួនឯងនោះទេ។ ត្រង់ចំណុចនេះ សំដៅថា គួរមានសល់លុយខ្លះសម្រាប់សន្សំ ដើម្បីសម្រេចផែនការអនាគត ឬអាចសល់ជាទ្រព្យសម្បត្តិខ្លះក៏បាន តាមរយៈការខិតខំប្រឹងប្រែងឱ្យអស់ពីសមត្ថភាព ចំណេះដឹងដែលខ្លួនឯងមាន។

៥. ឯករាជ្យភាពលើខ្លួនឯងកុំធ្វើជាបន្ទុកគ្រួសារតទៅទៀត

ចំណុចនេះ កាន់តែសំខាន់ ២៥ឆ្នាំ មិនមែនជាវ័យលាដៃសុំលុយឪពុកម្ដាយទៀតឡើយ តែជាវ័យគួរតែមានលុយជូនឪពុកម្ដាយទើបជាការប្រសើរ។ សាស្ត្រាចារ្យសេដ្ឋកិច្ចរូបនេះ លើកឡើងថា បើមិនបានជួយអ្វីដល់គ្រួសារច្រើន ប៉ុន្តែកុំធ្វើជាបន្ទុកទៀតអី គួរមានការសម្រេចចិត្តដោយខ្លួនឯង និងរៀនរស់ដោយខ្លួនឯងហើយ ជាពិសេសនោះគឺការជួយសម្រួលដល់គ្រួសារវិញ គឺជារឿងល្អបំផុត។

៦. សម្រេចភាពជោគជ័យមួយចំនួនក្នុងជីវិត

ទោះជាមិនទាន់បានសម្រេចជោគជ័យអ្វីជាដុំកំភួនតែវ័យនេះ គួរសម្រេចជោគជ័យខ្លះៗ ដូចជាបញ្ចប់ការសិក្សា មានការងារជាក់លាក់ មានផែនការក្នុងជីវិត មានភាពជាអ្នកដឹកនាំ មានហ្វឹកហាត់អប់រំចិត្តជាមនុស្សមានឧត្ដមគតិខ្ពស់ អាចជួយដល់គ្រួសារ ជាដើម។ ចំណុចទាំងនេះហើយគួរតែធ្វើឱ្យបានក្នុងវ័យនេះ ហើយជារឿងដ៏ល្អបំផុត សម្រាប់មនុស្សម្នាក់ៗ៕

ប្រភព ៖ Sabay News

The post ២៥ឆ្នាំ ទោះមិនទាន់សល់អីធំដុំ ឲ្យតែមាន៦យ៉ាងនេះ ទុកថាខ្លាំងបំផុតហើយ appeared first on Khmer Readers.

↧

លោកខឹម វាសនា៖ រដ្ឋាភិបាលសព្វថ្ងៃដឹកនាំប្រទេស ធ្វើឲ្យពលរដ្ឋខ្មែរ ពិបាករស់ជាទីបំផុត

May 13, 2018, 11:17 pm

≫ Next: លោក ខឹម វាសនា ៖ សម្តេចហ៊ុន សែន កំពុងឈ្លក់វង្វេងនឹងតំណែង ជានាយករដ្ឋមន្ត្រីយូរជាងគេ

≪ Previous: ២៥ឆ្នាំ ទោះមិនទាន់សល់អីធំដុំ ឲ្យតែមាន៦យ៉ាងនេះ ទុកថាខ្លាំងបំផុតហើយ

នៅព្រឹកថ្ងៃអាទិត្យ ទី២៩ចុងខែមេសានេះ គណបក្សសម្ព័ន្ធដើម្បីប្រជាធិបតេយ្យ បានរៀបចំប្រារព្ធធ្វើវេទិកាសាធារណៈមួយកន្លែងទៀត បន្ទាប់ពីវេទិកាខេត្តបាត់ដំបង ត្រូវបានបញ្ចប់កាលពីម្សិលមិញ ដើម្បីបន្តជួបជុំសមាជិក និងអ្នកគាំទ្រគណបក្ស ដែលមានទីតាំងស្ថិតនៅតាមបណ្តោយផ្លូវជាតិលេខ៦ ក្នុងភូមិស្ពានក្អែក ឃុំអណ្តែក ស្រុកប្រាសាទបាគង ខេត្តសៀមរាប ដែលមានប្រជាពលរដ្ឋចូលរួមក្នុងវេទិកានេះសរុបប្រមាណជាង២ពាន់នាក់។

នៅក្នុងវេទិកានេះ លោក ខឹម វាសនា ប្រមុខចលនាបដិវត្តន៍ផ្នត់គំនិត បានលើកឡើងថារដ្ឋាភិបាលដែលដឹកនាំដោយគណបក្សកាន់អំណាច ដឹកនាំប្រទេសបង្កើតបានទៅជាបរិយាកាសសង្គមមួយ ធ្វើអោយប្រជាពលរដ្ឋខ្មែរពិបាករស់នៅជាទីបំផុត សេដ្ឋកិច្ចធ្លាក់ចុះ និងពោលពេញទៅដោយអំពើអយុត្តិធម៌ អំពើពុករលួយសព្វគ្រប់បែបយ៉ាង ជាពិសេសប្រព័ន្ធតុលាការជាដើម ដែលលោកបានប្រដូចការដឹកនាំបែបនេះ ទៅនឹងការបង្កើតបរិយាកាសមួយដូចភ្លើងឆេះផ្ទះ ចំណែកឯប្រជាពលរដ្ឋដែលរស់នៅ រងការឈឺចាប់ពីបក្សកាន់អំណាច ក៏ត្រូវចាញ់បោកគណបក្សប្រឆាំង ដែលឆ្លៀតឳកាស ពីការចង់បានការផ្លាស់ប្តូររបស់ប្រជាពលរដ្ឋថែមទៀត។

នៅក្នុងបរិយាកាសនយោបាយកម្ពុជា ពេញពាសទៅដោយក្រុមមនុស្សបោកប្រាស់ គេងចំណេញ គិតតែពីផលប្រយោជន៍ផ្ទាល់ខ្លួនបែបនេះហើយ ទើបធ្វើអោយលោកស៊ូទ្រាំនឹងការមិនបើកបង្ហាញការពិតទាំងនេះបាន ប៉ុន្តែអ្វីដែលធ្វើអោយលោកទទួលបានត្រឡប់មកវិញ គឺការជេរប្រមាថ និងការចោទប្រកាន់ពីសំណាក់ប្រជាពលរដ្ឋខ្លួនឯងថា ជាអាយ៉ងគណបក្សកាន់អំណាចទៅវិញ។

លោក ខឹម វាសនា បានបន្តលើកឡើងពីព្រឹត្តិការណ៍នយោបាយចុងក្រោយ នៅពេលលោក កឹម សុខាកំពុងតែឃុំខ្លួននៅក្នុងពន្ធនាគារ ការនៅស្ងៀមស្ងាត់គឺជាជំរើសរបស់លោកកឹម សុខា ដើម្បីអោយរដ្ឋាភិបាលជួយបន្ធូបន្ថយទោស ឬជាចង់បានការដោះលែង ក៏ប៉ុន្តែចំពោះលោកសម រង្ស៊ីវិញ មិនបាននៅស្ងៀមនោះទេ បែរជាចេញទៅគៀងគរអ្នកគាំទ្របង្កើតបានទៅជាចលនាសង្គ្រោះជាតិ ដែលមានទីតាំងនៅឯបរទេស ធ្វើអោយបក្សកាន់អំណាច កាន់តែមានភាពក្តៅក្រហល់ក្រហាយថែមទៀត។

រំលឹកដល់ចំណុចនេះ ធ្វើអោយលោកខឹម វាសនា នឹកឃើញនូវពាក្យសំដីខ្លួនឯង ដែលធ្លាប់ប្រាប់លោកកឹម សុខា អោយប្រយ័ត្នចំពោះលោកសម រង្ស៊ី ដែលជាមនុស្សសំបូរទៅដោយល្បិចកលកាលពីកន្លងមក មុនពេលបង្កើតគណបក្សសិទ្ធិមនុស្ស តែនៅទីបំផុត លោកកឹម សុខា ក៏ត្រូវរងគ្រោះពីលោកសម រង្ស៊ីជៀសមិនរួចឡើយ។

ប្រមុខគណបក្សសម្ព័ន្ធដើម្បីប្រជាធិបតេយ្យរូបនេះ បាននិយាយពីការបែកបាក់ផ្ទៃក្នុងរបស់មន្ត្រីគណបក្សសង្គ្រោះជាតិជាបន្តបន្ទាប់ ដោយថ្មីៗនេះ មន្ត្រីជាន់ខ្ពស់មួយរូប គឺលោកគង់ គាំ បានបង្គាប់អោយកូនប្រុសបង្កើតរបស់ខ្លួន ចេញមុខបង្កើតគណបក្សថ្មីមួយដើម្បីចូលរួមការបោះឆ្នោតនាពេលដល់ខ្លីខាងមុខ រហូតធ្វើអោយមានទំនាស់ពាក្យសំដី ឆ្លើយឆ្លងគ្នាមិនទាន់ចប់ផង ពីរថ្ងៃក្រោយមក ស្រាប់តែកូនប្រុសបង្កើតរបស់លោក អេង ឆៃអ៊ាង ប្រកាសបង្កើតគណបក្សថ្មីមួយទៀត ដែលរូបភាពទាំងនេះ សបញ្ចាក់អោយឃើញកាន់តែច្បាស់ ពីការប្រេះឆាផ្ទៃក្នុង ៕

ប្រភព ៖ នយោបាយ

The post លោកខឹម វាសនា៖ រដ្ឋាភិបាលសព្វថ្ងៃដឹកនាំប្រទេស ធ្វើឲ្យពលរដ្ឋខ្មែរ ពិបាករស់ជាទីបំផុត appeared first on Khmer Readers.

↧

លោក ខឹម វាសនា ៖ សម្តេចហ៊ុន សែន កំពុងឈ្លក់វង្វេងនឹងតំណែង ជានាយករដ្ឋមន្ត្រីយូរជាងគេ

May 13, 2018, 11:23 pm

≫ Next: លោកខឹម វាសនា វិភាគពាក្យ “ដេកផ្ទះ ឈ្នះឯង”របស់លោក សមរង្ស៊ី

≪ Previous: លោកខឹម វាសនា៖ រដ្ឋាភិបាលសព្វថ្ងៃដឹកនាំប្រទេស ធ្វើឲ្យពលរដ្ឋខ្មែរ ពិបាករស់ជាទីបំផុត

នេះជាលើកទី១ហើយ សម្រាប់ចលនាគណបក្សសម្ព័ន្ធដើម្បីប្រជាធិបតេយ្យ ដែលបានរៀបចំប្រារព្ធធ្វើវេទិកាជួបជុំសមាជិកនឹងអ្នកគាំទ្រ នៅលើទឹកដីសម្បូរទៅដោយកម្រងដែនកោះជិត៧ពាន់កោះ និងមានទំហំ៩៧ភាគរយ នៃផ្ទៃដីសរុបរបស់ប្រទេសជប៉ុន ដែលស្ថិតនៅក្នុងតំបន់អាស៊ីភាគខាងកើត ។

Image may contain: one or more people, crowd and indoor

នៅក្នុងវេទិកានេះ លោក ខឹម វាសនា បានថ្លែងនៅចំពោះយុវជន ដែលភាគច្រើនជាសិស្សនិស្សិត និងធ្វើការនៅប្រទេសជប៉ុន ថាសម្តេចនាយករដ្ឋមន្ត្រីហ៊ុន សែន កំពុងតែឈ្លក់វង្វេង នឹងតំណែងជានាយករដ្ឋមន្ត្រីដឹកនាំប្រទេសកម្ពុជាបានយូរជាងគេ លោកខឹម វាសនា បញ្ជាក់៖ “ដោយគ្រាន់តែចង់បានផលប្រយោជន៍ផ្ទាល់ខ្លួនអោយគេសរសើរ ជាមនុស្សអស្ចារ្យជាងគេ បើត្រឹមតែរស់ដើម្បីខ្លួនឯងគ្មានអ្វីត្រូវពិបាកទេ គេថាបើវាមិនចង់បានធ្វើជានាយករដ្ឋមន្ត្រីទេ មិនមែនវាមកធ្វើនោះទេ តួនាទីនាយករដ្ឋមន្ត្រី គឺគេសំដៅថាជាផលប្រយោជន៍ផ្ទាល់ខ្លួន ពូ(លោក ខឹម វាសនា)ប្រាប់ទៅវិញថា សម្រាប់ចិត្តពូ អ្នកណាចង់បានប្រយោជន៍ផ្ទាល់ខ្លួន រួចហើយទៅធ្វើជានាយករដ្ឋមន្ត្រី ពូថាឆ្គួតសុទ្ធ បើលោកនាយករដ្ឋមន្ត្រីហ៊ុន សែនជាពូវិញ យក១០លានទៅដេកស៊ីបាត់ហើយ អាណាដឹកអីដឹកទៅហត់ណាស់។

លោកបានសង្កត់ន័យម្តងទៀតថា បើចង់បានផលប្រយោជន៍ផ្ទាល់ខ្លួន រួចហើយទៅធ្វើដូចលោកនាយករដ្ឋមន្ត្រីហ៊ុន សែន ពូថាជាមនុស្សវង្វេង បើពូវិញពូយកតែ១០លានទៅបាត់ហើយស្រួល។ វាអត់សំខាន់ជានាយករដ្ឋមន្ត្រី វាអត់សំខាន់អញ(នាយករដ្ឋមន្ត្រី)ល្បីនោះទេ ទៅណាគេនិយាយពីអញគ្រប់គ្នា វាអត់សំខាន់ទេក្មួយ វាសំខាន់តែចិត្តយើងជំពាក់នឹងអាហ្នឹង(តំណែងតួនាទី)អត់? បើចិត្តយើងមិនជំពាក់ អាតំណែងនាយករដ្ឋមន្ត្រីហ្នឹងវាលែងសំខាន់ហើយ ចំណែកលោកនាយករដ្ឋមន្ត្រីហ៊ុន សែន គិតតែចង់ធ្វើជានាយករដ្ឋមន្ត្រីបានយូរជាងគេ”។

Image may contain: one or more people, people sitting and indoor

លើសពីនេះ លោក ខឹម វាសនា បាននិយាយបែបចិត្តសង្វេគ ចំពោះចិត្តចង់បានរបស់លោកនាយករដ្ឋមន្ត្រីហ៊ុន សែន ថាបើលោក(ខឹម វាសនា)ជាកូនលោកនាយករដ្ឋមន្ត្រីហ៊ុន សែនវិញ លោកនឹងចំណាយពេលវេលាអង្គុយជាប់ដើម្បីតាមពន្យល់ឪពុករបស់ខ្លួនអោយយល់ពីផ្លូវជីវិត។

Image may contain: 1 person

Image may contain: one or more people, basketball court, crowd and indoor

The post លោក ខឹម វាសនា ៖ សម្តេចហ៊ុន សែន កំពុងឈ្លក់វង្វេងនឹងតំណែង ជានាយករដ្ឋមន្ត្រីយូរជាងគេ appeared first on Khmer Readers.

↧

លោកខឹម វាសនា វិភាគពាក្យ “ដេកផ្ទះ ឈ្នះឯង”របស់លោក សមរង្ស៊ី

May 16, 2018, 8:24 am

≫ Next: កក្រើក! រដ្ឋមន្ត្រីក្រសួងកសិកម្មដៀលខ្មែរថា «អគតិ» ត្រូវបានបុរសម្នាក់រិះគន់យ៉ាងចាស់ដៃ

≪ Previous: លោក ខឹម វាសនា ៖ សម្តេចហ៊ុន សែន កំពុងឈ្លក់វង្វេងនឹងតំណែង ជានាយករដ្ឋមន្ត្រីយូរជាងគេ

លោកខឹមវាសនា៖ រឿងទៅបោះឆ្នោតឬដេកនៅផ្ទះជាសិទ្ធិសំរេចរបស់ពលរដ្ឋម្ចាស់ប្រទេស ខ្ញុំគ្មានសិទ្ធិអ្វីទៅបង្ខំពួកគាត់ ហើយក៏គ្មានចិត្តអ្វីទៅជំរុញអោយពួកគាត់សំរេចបែបនេះឬបែបនោះដែរ។ តួនាទីរបស់ខ្ញុំគឺបំភ្លឺដោយការវែកញែកហេតុផលសំរាប់បានជាមូលដ្ឋានអោយពួកគាត់ពិចារណាតែប៉ុណ្ណោះ។

ដើម្បីច្បាស់ពីចិត្តលោកសម រង្សីុចំពោះសុខទុក្ខរបស់ពលរដ្ឋខ្មែរ ខ្ញុំសូមលើកយកការអំពាវរបស់លោកសម រង្សីុដែលសូមកុំអោយពលរដ្ឋទៅបោះឆ្នោតមកវែកញែករកមើលចិត្តរបស់គាត់ចំពោះពលរដ្ឋខ្មែរបន្តិច។ បើលោកសម រង្សីុមានចិត្តគិតដល់សុខទុក្ខមនុស្សខ្មែរមែន គាត់មិនអាចអំពាវនាវអោយពលរដ្ឋអ្នកគាំទ្រគាត់ កុំអោយទៅបោះឆ្នោតនោះទេ ព្រោះថាផ្លូវនេះជាហេតុធ្វើអោយចំណេញដល់CPPច្បាស់ណាស់ ព្រោះកៅអីតំណាងរាស្ត្រដែលត្រូវបានគណនា ត្រឹមតែចំនួនអ្នកទៅបោះឆ្នោត អោយទៅCPPយ៉ាងលើសលុប ព្រោះថាអ្នកគាំទ្រCPPនឹងចេញទៅបោះឆ្នោត ហើយCPPនឹងពន្យល់មហាជននិងអន្តរជាតិថា ទីមួយនៅកម្ពុជាគ្មានច្បាប់ចែងពីចំនួនឬភាគរយនៃអ្នកទៅបោះឆ្នោតដើម្បីអោយកាបោះឆ្នោតយកជាបានការនោះទេ។

ទីពីរ អតីតគណៈបក្សសង្គ្រោះជាតិ មិនអាចយកលេសថាអ្នកមិនទៅបោះឆ្នោតទាំងអស់សុទ្ធតែជាអ្នកគាំទ្រខ្លួនទេ ព្រោះថារៀងរាល់តែអាណត្តិដែលCNRPក៏ចូលរួមបោះឆ្នោតដែរនោះ ក៏មានអ្នកមិនទៅបោះឆ្នោតប្រហែលជាងពីរលាននាក់តែដដែលហ្នឹង អីចឹងវាជាហេតុផលមួយបញ្ជាក់យ៉ាងច្បាស់ថា អ្នកមិនទៅបោះឆ្នោតក្នុងអាណត្តិ២០១៨ខាងមុខនេះ មិនមែនសុទ្ធតែជាអ្នកគាំទ្របក្សសង្គ្រោះជាតិទាំងអស់នោះដែរ។

ម្យ៉ាងទៀតយើងត្រូវយល់អោយច្បាស់ថាទោះជាយ៉ាងណាក៏CPPមិនអាចអោយលទ្ធផលបោះឆ្នោតឆាចោលបានជាដាច់ខាត គេនឹងរកគ្រប់មធ្យោបាយដើម្បីបញ្ជាក់ថាការបោះឆ្នោតនេះជាការបោះឆ្នោតដែលអាចទទួលយកបាន។ យើងស្គាល់CPPហើយ គេធ្លាប់ឆ្លងកាត់រឿងបែបៗនេះរាប់ភ្លេច គេដឹងសន្ទុះចិត្តបរទេសចំពោះខ្មែរច្បាស់ណាស់ថាយូរឬឆាប់គង់តែជៀសទទួលស្គាល់ថារដ្ឋាភិបាលក្រោយការបោះឆ្នោះជារដ្ឋាភិបាលស្របច្បាប់មិនរួចទេ យើងអាច
ស្ទង់មើលសន្ទុះអន្តរជាតិក្រោយការរំលាយបក្សសង្គ្រោះជាតិ ដែលលោកសមរង្សីុ និងមន្ត្រីផ្សេងទៀតរបស់គាត់បានទៅបរទេសកៀងគររកការគាំទ្រនោះទៅមើល យើងនឹងអាចយល់របៀបដែលបរទេសប្រកាន់យកចំពោះខ្មែរហើយ។

ក្នុងករណីនេះ បើលោកសម រង្សីុជាមនុស្សមានសណ្តានជាអ្នកគិតដល់សុខទុក្ខប្រជាពលរដ្ឋជាចំបងជាងមុខមាត់ខ្លួនមែននោះ ផ្លូវគឺមានតែមួយគត់ៈ គឺលោកសម រង្សីុនឹងអំពាវប្រាប់ទៅអ្នកគាំទ្រខ្លួនថា យើងគ្មានជំរើសទេ ក្នុងករណីយើងមានបក្សសង្គ្រោះជាតិជាជំរើសនោះវាល្អហើយ តែជាក់ស្តែងយើងគ្មានទេ អីចឹងសូមបងប្អូនទៅបោះឆ្នោតអោយគណៈបក្សណាមួយតួយ៉ាងគណបក្សប្រជាធិបតេយ្យមូលដ្ឋានទៅ ទោះយ៉ាងណាក៏គ្រាន់ជាងទៅបោះឆ្នោតអោយCPPដែរណាបងប្អូន។ តែនេះ អោយតែមិនបានមកអញ គឺអញគ្មានជួយគិតរកផ្លូវបន្ទាប់អោយពលរដ្ឋអ្នកគាំទ្រគាត់ឡើយ។

កុំសូម្បីតែគ្មានបក្សណាល្អជាងបក្សសង្គ្រោះជាតិរបស់គាត់ សូម្បីតែមានបក្សល្អជាងបក្សសង្គ្រោះជាតិរបស់គាត់ ក៏គាត់នៅតែលាបពណ៌ថាសុទ្ធតែបក្សអាយ៉ង បក្សរណប បក្សអាប បក្សបង្គ្រប់កិច្ចជាដើម ព្រោះថាអោយតែមិនបានមកអញហើយ អញគ្មានគិតអោយអ្នកណាចំរើនអីទេ។ នេះឬជាចិត្តអ្នកស្នេហាជាតិហ៊ានប្តូរជីវិតដើម្បីក្តីសុខរបស់ពលរដ្ឋនោះ? អោយតែមិនបានមកអញ ទោះពលរដ្ឋទៅរើសបានបក្សណាល្អជាងបក្សខ្លួនក៏មិនព្រមដែរ សុខចិត្តនាំពលរដ្ឋទៅផ្លូវងាប់អោយតែបានសង្គ្រោះមុខមាត់ខ្លួន មិនជួយគិតពលរដ្ឋដើម្បីជ្រើសរើសជំរើសល្អបន្ទាប់ក្នុងករណីទាល់ច្រកនោះទេ។

មើលប៉ុណ្ណឹងមិនយល់សណ្តានចិត្តលោកសមរង្សីុចំពោះខ្លួនទៀតអ្នកគាំទ្របក្សសង្គ្រោះជាតិ។ ពិតជាគួរអោយសង្វេគស្រណោះដែលពួកគាត់ក្លាយទៅជាឈ្នាន់សំរាប់សំរេចមហិច្ឆិតារបស់មេដឹកនាំដែលធ្វើនយោបាយដើម្បីប្រយោជន៍ខ្លួនតួយ៉ាងលោកសម រង្សីុនិងមន្ត្រីទាំងឡាយរបស់គាត់៕

The post លោកខឹម វាសនា វិភាគពាក្យ “ដេកផ្ទះ ឈ្នះឯង” របស់លោក សមរង្ស៊ី appeared first on Khmer Readers.

↧

កក្រើក! រដ្ឋមន្ត្រីក្រសួងកសិកម្មដៀលខ្មែរថា «អគតិ» ត្រូវបានបុរសម្នាក់រិះគន់យ៉ាងចាស់ដៃ

May 17, 2018, 6:26 am

≫ Next: លោកផែង វណ្ណៈធ្លាក់ខ្លួនឈឺ ហើយរត់ទៅព្យាបាលនៅបរទេសដោយសាររដ្ឋមន្ត្រីក្រសួងកសិកម្ម

≪ Previous: លោកខឹម វាសនា វិភាគពាក្យ “ដេកផ្ទះ ឈ្នះឯង”របស់លោក សមរង្ស៊ី

ប៉ុន្មានថ្ងៃនេះ ពិតជាល្បីកក្រើកពេញបណ្ដាញសង្គមហ្វេសប៊ុក និងបណ្ដាញសង្គមនានាមែន ដោយសារតែរឿងរ៉ាវមួយដែលកើតឡើងនៅស្រុកខ្មែរ ដែលជារឿងមួយដ៏ហួសចិត្តគឺ វៀមណាមនឹងដាក់ទុកវិនិយោគលុយរាប់សិបលានដុល្លារនៅស្រុកខ្មែរក្នុងការដាំបន្លែផ្លែឈើ។ នៅក្នុងបណ្ដាញសង្គមហ្វេសប៊ុកដដែល មានបុរសម្នាក់ចេញមុខមករិះគន់លោករដ្ឋមន្ត្រីក្រសួងកសិកម្មយ៉ាងចាស់ដៃ ដែលលោករដ្ឋមន្ត្រីបានមើលងាយអ្នកដែលរិះគន់លោកថាជា «ជនអគតិ» ព្រោះអ្នកទាំងនោះបានរិះគន់ចំណាត់ការរបស់លោករដ្ឋមន្ត្រី ទាក់ទងទៅនឹងរឿងវៀតណាមមកដាក់ទុកវិនិយោគដាំបន្លែផ្លែឈើនៅស្រុកខ្មែរ។ បុរសម្នាក់នោះមានគណនេយ្យហ្វេសប៊ុកឈ្មោះថា «IMan KH ឬ នី ណាក់» បានរិះគន់ថា៖ «រដ្ឋមន្ត្រីអើយ…រដ្ឋមន្ត្រី បើហ៊ានហាមាត់និយាយដៀលកសិករថា «អគតិ» ទៅហើយ តើខួរក្បាលរបស់ឯកឧត្តមខ្លួនឯងត្រូវបានចូលទឹកមែនទេ? បញ្ហាយួនទំលាក់លុយ១០០០លានដុល្លា មកដាំបន្លែនៅខ្មែរ យួនបានធ្វើការសិក្សារួចហើយថា យួនអាចយក១ពាន់លានគុណនឹង១០០ដងត្រឡប់ទៅស្រុកវាវិញ។ យួនហ៊ានចំណាយប្រាក់និងការវិនិយោគទៅហើយ យួនឯណាល្ងង់ដូចឯកឧត្តមឯងនោះ? បើឯកឧត្តមមិនទទួលយកលុយក្រោមតុរបស់យួននោះទេ ក៏ប្រហែលជា ឯកឧត្តមមិននិយាយបែបនេះដែរ! បើឯកឧត្តម មានគតិបណ្ឌិតល្អមែននោះ ហេតុម្តេចមិនគិតពីផលប៉ះពាល់ដ៏ធំដូចជា កំណើនបោះបង់មុខរបរកសិកម្មរបស់កសិករខ្មែរក្នុងស្រុកចោលអស់ហើយ ដោយបង្ខំពួកគាត់រត់ទៅធ្វើការនៅក្រៅប្រទេស។ និសិ្សតដែលចេញពីសាលាកសិកម្ម រាប់ម៉ឺននាក់ក្នុងមួយឆ្នាំ ពួកគេត្រូវបង្ខំចិត្តធ្វើការផ្នែកផ្សេងខុសពីជំនាញ ដោយសារតែគ្មានការងារកសិកម្មសំរាប់ធ្វើ។ កសិករខ្មែរស៊ីបន្លែយួន ដែលពិភពលោកខ្លាចរអារបំផុតថាជាប្រទេសដែលប្រើគីមីថ្នាំពុលខ្លាំងបំផុត សូម្បីតែរដ្ឋាភិបាលយួនខ្លួនឯងក៏ហាមប្រាមពលរដ្ឋយួនមិនអោយបរិភោគបន្លែយួនដែរ។ យួននឹងប្រើកេរ្តិ៍ឈ្មោះបន្លែខ្មែរ យកទៅលក់នៅក្រៅប្រទេស ហើយដល់ពេលខូចឈ្មោះ គឺខូចកេរ្តិ៍ឈ្មោះខ្មែរ។ បើលោករដ្ឋមន្ត្រីកសិកម្មពូកែមែននោះ ហេតុអ្វីមិនលើកតំកើងវិនិយោគទុនក្នុងស្រុក? នៅមិនទាន់គិតដល់ ដីសម្បទានសេដ្ឋកិច្ច៩៩ឆ្នាំដែលយួនវាកាន់កាប់នៅឡើយ។ បើលោករដ្ឋមន្ត្រីពូកែពិតមែន សូមចេញមកជជែកពិភាក្សានៅវេទិការតុមូលផ្សាយបន្តផ្ទាល់តាមទូរទស្សន៍អោយមហាជនបានដឹងផង កុំពូកែបើកស៊ីប្រាក់ខែ ដេកក្រោមម៉ាស៊ីនត្រជាក់ ហើយមើលងាយរាស្ត្របែបនេះ! គួរតែទៅសំរាកឬដេកមើលចៅនៅផ្ទះ កុំអោយខ្មាស់គេច្រើនជាងនេះ៕ នី ណាក់!»

The post កក្រើក! រដ្ឋមន្ត្រីក្រសួងកសិកម្មដៀលខ្មែរថា «អគតិ» ត្រូវបានបុរសម្នាក់រិះគន់យ៉ាងចាស់ដៃ appeared first on Khmer Readers.

↧

លោកផែង វណ្ណៈធ្លាក់ខ្លួនឈឺ ហើយរត់ទៅព្យាបាលនៅបរទេសដោយសាររដ្ឋមន្ត្រីក្រសួងកសិកម្ម

May 17, 2018, 7:36 am

≫ Next: អតីតអ្នកគាំទ្រ សម រង្ស៊ី និងប្រវត្តិចង់រត់ចោលកន្លែងការងារ-រៀបការដើម្បីលុយ របស់ ហ៊ុន កុសល

≪ Previous: កក្រើក! រដ្ឋមន្ត្រីក្រសួងកសិកម្មដៀលខ្មែរថា «អគតិ» ត្រូវបានបុរសម្នាក់រិះគន់យ៉ាងចាស់ដៃ

លោកអ្នកប្រាកដជាស្គាល់លោកផែង វណ្ណៈ នៅតាមបណ្ដាញសង្គមហ្វេសប៊ុកហើយ ព្រោះលោកមានភាពល្បីល្បាញខាងរិះកន់មន្ត្រីគ្រាក់ៗម្នាក់នៅក្នុងសង្គម។ លោកផែង វណ្ណៈ បានបញ្ចេញមតិទាក់ទងទៅនឹងគម្រោងវិនិយោគទុកដាំបន្លែ ផ្លែឈើ រាប់សិបលានដុល្លាររបស់វៀតណាមនៅកម្ពុជា ហើយលោកក៏បានសួរសំណួរជាច្រើនទៅកាន់លោករដ្ឋមន្ត្រីក្រសួងកសិកម្មផងដែរ។ លោកបានសរសេរសារមួយនៅលើគណនេយ្យហ្វេសប៊ុករបស់លោកថា៖ «គ្រាន់តែបារម្ភពីសុខទុក្ខកសិករខ្មែរ ត្រូវរដ្ឋមន្ត្រីចាត់ទុកជាជនអគតិ ? គ្រាន់តែលឺដំណឹងថា មានក្រុមហ៊ុនវៀតណាម មានគម្រោងចង់មកវិនិយោគដាំបន្លែ ផ្លែឈើនៅប្រទេសយើង ខ្ញុំធ្លាក់ខ្លួនឈឺរត់មកពេទ្យនៅថៃតែម្ដង។ ហេតុអីបានភ័យព្រួយ? ព្រួយព្រោះបន្លែផ្លែឈើវៀតណាម ជាប់ឈ្មោះក្នុងបញ្ជីខ្មៅរបស់សហគមន៍អ៊ឺរ៉ុបថាជាបន្លែផ្លែឈើដែលមានផ្ទុកសារធាតុគីមីបង្ករគ្រោះថ្នាក់ដល់សុខភាពច្រើន។ ចំណែករដ្ឋាភិបាលវៀតណាមក៏ទទួលស្គាល់ថា បន្លែផ្លែឈើដាំនៅក្នុងប្រទេសវៀតណាមមានសារធាតុគីមីច្រើនដែរ រហូតដល់ថ្នាក់វៀតណាមបង្ខំចិត្តនាំបន្លែ ផ្លែឈើពីប្រទេសចិន និង ប្រទេសថៃ ទៅប្រើប្រាស់ក្នុងប្រទេសរបស់ខ្លួន ។ វៀតណាមដាំបន្លែ ផ្លែឈើ នៅក្នុងប្រទេសខ្លួនដែលមានច្បាប់តឹងរឹងផង នៅសំបូរសារធាតុគីមីច្រើន ចុះបើមកដាំនៅកម្ពុជា តើនឹងមានអ្វីកើតឡើង? តើក្រសួងកសិកម្មអាចគ្រប់គ្រងអំពីការប្រើថ្នាំគីមីលើសចំណុះបានទេ បើបន្លែ ផ្លែឈើ ត្រីសាច់ នាំចូលមានផ្ទុកគីមី គ្រប់គ្រងមិនបានផង?

ចំពោះក្ដីបារម្ភរបស់ពលរដ្ឋដូចជាគ្មានអ្វីខុសឆ្គងទេ ហេតុដូចម្ដេចក៏រដ្ឋមន្ត្រី ក្រសួងកសិកម្ម ចាត់ទុកអ្នកដែលបារម្ភអំពីសុខភាពពលរដ្ឋ បារម្ភអំពីវាសនាកសិករខ្មែរជាជនអគតិទៅវិញ? ឬមួយគម្រោងទឹកប្រាក់ ១០០០ លានដុល្លារ ធ្វើអោយឯកឧត្ដមមើលមិនឃើញពីក្ដីបារម្ភរបស់ពលរដ្ឋ? ម្យ៉ាងវិញទៀត បើពលរដ្ឋគ្រប់គ្នាមានចំណេះដឹងខ្ពង់ខ្ពស់ មិនមែនសុខចិត្តនៅជារាស្ត្រ ជាកសិករសាមញ្ញទេ ប្រហែលជាឡើងធ្វើរដ្ឋមន្ត្រីជំនួសឯកឧត្ដមបាត់ទៅហើយ៕»

The post លោកផែង វណ្ណៈធ្លាក់ខ្លួនឈឺ ហើយរត់ទៅព្យាបាលនៅបរទេសដោយសាររដ្ឋមន្ត្រីក្រសួងកសិកម្ម appeared first on Khmer Readers.

↧

អតីតអ្នកគាំទ្រ សម រង្ស៊ី និងប្រវត្តិចង់រត់ចោលកន្លែងការងារ-រៀបការដើម្បីលុយ របស់ ហ៊ុន កុសល

May 17, 2018, 9:06 pm

≫ Next: គ.ជ.ប ប្រកាសទទួលស្គាល់ គណបក្សសម្ព័ន្ធដើម្បីប្រជាធិបតេយ្យជាផ្លូវការ ក្នុងការចូលរួមបោះឆ្នោត

≪ Previous: លោកផែង វណ្ណៈធ្លាក់ខ្លួនឈឺ ហើយរត់ទៅព្យាបាលនៅបរទេសដោយសាររដ្ឋមន្ត្រីក្រសួងកសិកម្ម

នៅលើបណ្ដាញសង្គមហ្វេសប៊ុក បុគ្គលម្នាក់ឈ្មោះថា ហ៊ុន កុសល អតីតអ្នកគាំទ្រលោក សម រង្ស៊ី ដែលធ្លាប់បានបួសជាសង្ឃ និងមានប្រវត្តិដែលមនុស្សគ្រប់គ្នាបានដឹងថាជា ចោរក្នុងសាសនា បានធ្វើការសឹក និងធ្វើការនៅស្ថានីយ៍ទូរទស្សន៍ PNN និងមានប្រវត្តិចង់រត់ចោល PNN ទៅកាន់ NICE TV តែក៏ត្រឡប់មកកាន់ PNN វិញ ។ រឿងនេះត្រូវបានបកស្រាយដោយអ្នកលេងបណ្ដាញសង្គមហ្វេសប៊ុក ដូចតទៅ ៖

អាខោន Facebook ឈ្មោះថា Hout Sovanneary

ថ្ងៃនេះនាងខ្ញុំសូមបើកមុខជនថោកទាបមុខលុយមួយរូបគឺលោក ហ៊ុន កុសល អោយបងប្អូនទាំងអស់បានដឹងរួមទាំងPNN ផង មួយរយះមុននេះ លោក ហ៊ុន កុសល បានក្បត់សេចក្ដីទុកចិត្តពី PNN ដោយចង់ចូលNICE TV តែដល់ពេលចូលទៅ NiCE TV ចចារលុយមិនត្រូវ ជនថោកទាបដែលក្បត់សេចក្តីទុកចិត្តរបស់PNNរូបនេះ ក៏ រត់ត្រឡប់មកនPNN វិញ ។ ឯរឿងមួយទៀតគឺរឿង លោក រៀបការជាមួយនារីម្នាក់ទាំងខ្លួនមិនបានស្រលាញ់ដោយសារតែមើលឃើញតែទ្រព្យសម្បិត្តម្នាក់ខាងស្រីទើបបង្ខំខ្លួនលោករៀបការទាំងខ្លួនមិនបានស្រលាញ់ ហើយលោក ហ៊ុន កុសលផ្ទាល់ រំពឹងទៀតថាបន្ទាប់ពីរៀបការហើយគឺខ្លួននឹងអាចឡើងងារជា ឯកឧត្តម តាមរយៈខ្សែរខាងប្រពន្ធ។ នេះគឺជាទង្វើរដ៏ថោកទាបមួយមុខលុយរបស់ ជនថោកទាប ហ៊ុន កុសល ។

អាខោន Facebook ឈ្មោះថា Chou Chan Rith

មិនត្រឹមតែប៉ុណ្ណោះ លោក ហ៊ុន កុសល គឺជាអតីតអ្នកគាំទ្រលោក សម រង្ស៊ីដែលជាទណ្ឌិតរបស់កម្ពុជាផងដែរ ដែលកំពុងរត់គេចខ្លួនទៅក្រៅប្រទេស ដោយបុគ្គល ហ៊ុន កុសលម្នាក់នេះបានធ្វើការចែករំលែកវីដេអូ សម រង្ស៊ី ស្ដីពី ឬសគល់ពុករលួយរបស់រដ្ឋាភិបាល ដើម្បីគាំទ្រសម្ដីរបស់លោក សម រង្ស៊ី នៅលើវិទ្យុ VOA នាពេលកន្លងទៅ ។

The post អតីតអ្នកគាំទ្រ សម រង្ស៊ី និងប្រវត្តិចង់រត់ចោលកន្លែងការងារ-រៀបការដើម្បីលុយ របស់ ហ៊ុន កុសល appeared first on Khmer Readers.

↧

គ.ជ.ប ប្រកាសទទួលស្គាល់ គណបក្សសម្ព័ន្ធដើម្បីប្រជាធិបតេយ្យជាផ្លូវការ ក្នុងការចូលរួមបោះឆ្នោត

May 18, 2018, 12:02 am

≫ Next: បេឡាជាតិរបបសន្តិសុខសង្គម (ប.ស.ស)ថា បើកម្មករសន្លប់ពេលធ្វើការងារ វាជារឿងផ្ទាល់ខ្លួនតែប៉ុណ្ណោះ

≪ Previous: អតីតអ្នកគាំទ្រ សម រង្ស៊ី និងប្រវត្តិចង់រត់ចោលកន្លែងការងារ-រៀបការដើម្បីលុយ របស់ ហ៊ុន កុសល

ក្ដីទន្ទឹងរង់ចាំពីសំណាក់អ្នកគាំទ្រគណបក្សដទៃទៀត ដែលជាពិសេសគឺ គណបក្សសម្ព័ន្ធដើម្បីប្រជាធិបតេយ្យ ក្នុងការដាក់ពាក្យឈរឈ្មោះទាំង ២៥ខេត្តក្រុង ដែលមានការឃ្លាំមើលពីសំណាក់អតីតអ្នកគាំទ្រគណបក្សសង្គ្រោះជាតិ និងគណបក្សប្រជាជនកម្ពុជាព្រមទាំងគណបក្សដទៃទៀត ផងដែរ ពីដំណឹងនេះ បើទោះបីជាគណបក្សនេះ មិនទាន់មានអាសនៈក្នុងរដ្ឋសភា និងមិនទទួលយកអាសនៈរបស់អតីតបក្សសង្គ្រោះជាតិកាលពីពេលរំលាយក្ដី ដែលមាន ៦ កៅអី ដោយបដិសេដទាំងស្រុង ទៅលើការប្រគល់អាសនៈនោះមកឲ្យបក្ស LDP ។

បើតាមសារព័ត៌មាន Fresh News បានធ្វើការចុះផ្សាយយ៉ាងដូច្នេះថា ៖

(ភ្នំពេញ)៖ គណៈកម្មាធិការជាតិរៀបចំការបោះឆ្នោត (គ.ជ.ប) នាថ្ងៃទី១៨ ខែឧសភា ឆ្នាំ២០១៨នេះ បានប្រកាសទទួលស្គាល់ និងចុះបញ្ជីជូនគណបក្សនយោបាយចំនួន ២ទៀត ក្នុងនោះមានគណបក្សសម្ព័ន្ធដើម្បីប្រជាធិបតេយ្យ និងគណបក្សសំបុកឃ្មុំសង្គមប្រជាធិបតេយ្យ នាំឲ្យចំនួនគណបក្សដែល គ.ជ.ប បានចុះបញ្ជីរួចបានកើនដល់ ១០គណបក្សហើយ នេះបើយោងតាមលោក ឌឹម សុវណ្ណរុំ សមាជិកនិងជាអ្នកនាំពាក្យគជប។

លោក ឌឹម សុវណ្ណរុំ សមាជិកនិងជាអ្នកនាំពាក្យគជប

គណបក្សនយោបាយទាំង១០ ដែល គ.ជ.ប បានចុះបញ្ជីរួចនោះ រួមមាន៖
* គណបក្សសម្ព័ន្ធដើម្បីប្រជាធិបតេយ្យ ដាក់បេក្ខជនឈរឈ្មោះនៅ ២៥មណ្ឌល។
* គណបក្សសំបុកឃ្មុំសង្គមប្រជាធិបតេយ្យ ដាក់បេក្ខជនឈរឈ្មោះនៅ ២៥មណ្ឌល។
* គណបក្សប្រជាធិបតេយ្យមូលដ្ឋាន ដាក់បេក្ខជនឈរឈ្មោះនៅ ២៥មណ្ឌល។
* គណបក្សខ្មែរតែមួយ ដាក់បេក្ខជនឈរឈ្មោះនៅ ១៦មណ្ឌល។
* គណបក្សពន្លឺថ្មី ដាក់បេក្ខជនឈរឈ្មោះនៅ ១៣មណ្ឌល។
* គណបក្សប្រជាជនកម្ពុជា ដាក់បេក្ខជនឈរឈ្មោះនៅ ២៥មណ្ឌល។
* គណបក្សយុវជនកម្ពុជា ដាក់បេក្ខជនឈរឈ្មោះនៅ ១៧មណ្ឌល។
* គណបក្សសញ្ជាតិកម្ពុជា ដាក់បេក្ខជនឈរឈ្មោះនៅ ២៥មណ្ឌល។
* គណបក្សខ្មែររួបរួមជាតិ ដាក់បេក្ខជនឈរឈ្មោះនៅ ២៥មណ្ឌល។
* គណបក្សហ្វ៊ុនស៊ិនប៉ិច ដាក់បេក្ខជនឈរឈ្មោះនៅ ២៥មណ្ឌល។

គ.ជ.ប បានបញ្ជាក់ទៀតថា នារសៀលថ្ងៃទី១៨នេះ ខ្លួននឹងទទួលស្គាល់គណបក្សនយោបាយដទៃទៀតផងដែរ ខណៈគណបក្សនយោបាយដែល គ.ជ.ប មិនទាន់ទទួលស្គាល់ និងចុះបញ្ជីជូននោះនៅសល់ ១០គណបក្សទៀត។

សូមបញ្ជាក់ថា ការចុះឈ្មោះគណបក្សនយោបាយ និងបេក្ខភាពសម្រាប់ការបោះឆ្នោតជ្រើសរើសតំណាងរាស្ត្រ អាណត្តិទី៦ ត្រូវបានបិទបញ្ចប់នៅថ្ងៃទី១៤ ខែឧសភា ឆ្នាំ២០១៨។ គណបក្សនយោបាយដែលបានចុះឈ្មោះ និងដាក់បេក្ខភាពប្រកួតប្រជែងមានរហូតដល់ទៅ ២០គណបក្ស៕

ប្រភព ៖ Fresh News

The post គ.ជ.ប ប្រកាសទទួលស្គាល់ គណបក្សសម្ព័ន្ធដើម្បីប្រជាធិបតេយ្យជាផ្លូវការ ក្នុងការចូលរួមបោះឆ្នោត appeared first on Khmer Readers.

↧

ទី​ ១ រំលោភ​លើ​សិទ្ធិ​អ្នក​មាន​សិទ្ធិ​បោះឆ្នោត​។

ទី​ ២ ទង្វើ​នេះ​ជា​ការ​កេងចំណេញ​នយោបាយ​សុទ្ធសាធ​

ទី​ ៣ នេះ​ជា​ទង្វើ​យក​ឈ្នះ​ចាញ់​ចិត្ដ​ជាមួយ​លោក​នាយក​រដ្ឋមន្ដ្រី ហ៊ុន សែន របស់​លោក សម រង្ស៊ី​

ទី​ ៤ ទង្វើ​នេះ​ជា​ការ​ឆ្លៀតឱកាស​កាង​សង្កត់​មិន​ឲ្យ​បក្សនយោបាយ​ឈាម​ថ្មី​ក្រោក​រួច​របស់​លោក សម រង្ស៊ី​

១.​ ​ភ្នំ​ក្រោម

២.​ ​កំពង់​ភ្លុក

៣.​ ​ត្រាវកុដ្ឋ

៤.​ ក្ដាត​សាណាកា

៥.​ ល្អាង​កំពង់ត្រាច

៦.​ ឧទ្យាន​ដង​ព្រែក

៧.​ ទឹក​ធ្លាក់​ល្បាក់ខោន ឬ​ទឹក​ជ្រោះ​សុភ​មិត្រ

៨.​ អូរជាំ

១.​ការងារ​ដែល​ជាក់​លាក់ និង​តំណែង​សមរម្យ

២. ​មាន​ផែន​ការ​ច្បាស់​លាស់​ក្នុង​ជីវិត

៣. ​មាន​ភាព​ជា​អ្នក​ដឹក​នាំ​ និង​ចាស់​ទុំ

៤. ​សល់​លុយ​កាក់​និង​ទ្រព្យ​សម្បត្តិ​ខ្លះ

៥. ឯករាជ្យ​ភាព​លើ​ខ្លួន​ឯង​កុំ​ធ្វើ​ជា​បន្ទុក​គ្រួសារ​ត​ទៅ​ទៀត

៦. ​សម្រេច​ភាព​ជោគជ័យ​មួយ​ចំនួន​ក្នុង​ជីវិត