ភ្នំពេញៈ រាជរដ្ឋាភិបាលនឹងធ្វើបុណ្យតាមប្រពៃណីខ្មែរ ប្រសិនបើលោក កឹម សុខា អតីតប្រធានគណបក្សសង្គ្រោះជាតិស្លាប់ក្នុងពន្ធនាគារត្រពាំថ្លុងមែននោះ ។ នេះបើតាមអះអាងរបស់លោក សុខ ឥសាន អ្នកនាំពាក្យគណបក្សប្រជាជនកម្ពុជា។

ការអះអាងរបស់អ្នកនំាពាក្យគណបក្សកាន់អំណាចនេះ បន្ទាប់ពីក្រុមមេធាវីការពារក្តីឲ្យលោកកឹម សុខា ចោទសំណួរទៅចៅក្រមថា តើដាក់ពន្ធនាគារលោក កឹម សុខា ដល់ស្លាប់ឬ?

លោក សុខ ឥសាន អ្នកនាំពាក្យគណបក្សប្រជាជនកម្ពុជា បានឲ្យដឹងនៅថ្ងៃទី១១ មីនា ឆ្នាំ ២០១៨នេះថា បើ កឹម សុខា ស្លាប់ក្នុងគុក តើអ្នកណាទទួលខុសត្រូវ ? មិនមែនជារឿងពិបាកយល់ទេ បើសិនជា កឹម សុខា ស្លាប់នៅក្នុងគុកនោះ តើអ្នកណាទទួលខុសត្រូវ ?

លោកបញ្ជាក់ថា « កឹម សុខា ជាអ្នទទួលខុសត្រូវខ្លួនឯងពីព្រោះស្លាប់ខ្លួនឯង អត់មានអ្នកណាស្លាប់ជាមួយទេ?។ មេក្លោងដែលបញ្ជាឲ្យ កឹម សុខា ប្រព្រឹត្តអំពើក្បត់ជាតិ ជាអ្នករួមទទួលខុសត្រូវ ដែលបណ្តាលឲ្យ កឹម សុខា ត្រូវចាប់ខ្លួន ដោយអំពើក្បត់ជាតិ »។

លោកក៏បានគូសបញ្ជាក់យ៉ាងដូច្នេះទៀតថា « បើសិនជា កឹម សុខា ស្លាប់មែន រាជរដ្ឋាភិបាលកម្ពុជា មានការទទួលខុសត្រូវក្នុងការយកសពទៅបញ្ចុះ ឬ បូជា ស្របតាមទំនៀមទម្លាប់ប្រពែណីខ្មែរ» ។

សូមជម្រាបថា បើតាមសារព័ត៌មានក្នុងស្រុកមួយបានស្រង់សំដីក្រុមមេធាវីការពារក្តីឲ្យលោក កឹម សុខា ផ្សាយថា ក្រុមមេធាវីបាន ចោទសួរនៅចំពោះមុខចៅក្រមតុលា ការកំពូលកាលពីថ្ងៃទី៩ មីនា ឆ្នាំ២០១៨ថា អ្នកណាទទួលខុសត្រូវបើកូនក្តីរបស់ពួកគេស្លាប់ នៅក្នុងពន្ធនាគារដោយសារតែការមិនអនុញ្ញាត ឲ្យទទួលការព្យាបាលជំងឺពីពេទ្យជំនាញនៅខាងក្រៅ។

ក្នុងបន្ទប់សវនាការក្រុមមេធាវីលើកឡើងថា លោក កឹម សុខា កំពុងតែធ្លាក់ខ្លួនឈឺដល់កម្រិតធ្ងន់ធ្ងរ គឺគេងមិនលក់ដោយសារជំងឺគៀបសរសៃ ទឹកនោមផ្អែម និង លើសឈាម ធ្វើទុក្ខ ហើយថា ពេលនេះកូនក្តីរបស់ពួកគេស្គមខ្លាំង និងហើមភ្នែកដោយសារមិនបានគេង។

លោក ជូង ជូងី មេធាវីការពាក្តីម្នាក់បានលើកឡើងថា លោកបារម្ភខ្លាំងថា កូនក្តីរបស់លោកអាចស្លាប់ ហើយលោកសួរថា តុលាការជាអ្នកទទួលខុសត្រូវករណីនេះ ឬ យ៉ា ងណា?

មេធាវីម្នាក់ទៀតលោក ចាន់ ចេន ប្រាប់ចៅក្រមថា ពេទ្យក្នុងពន្ធនាគារមិនមានសម្ភារៈ ដើម្បី សង្គ្រោះជីវិតលោក កឹម សុខា បានទេ។ លោកបន្តថា លោក កឹម សុខា រាល់យប់គេងបានតែមួយចំហៀងខ្លួន ដោយសារតែឈឺចាប់ពីជំងឺគៀបសរសៃហើយ ពេលនេះកំពុងហើមមួយចំហៀងខ្លួន។

បន្ទាប់ពីការដេញដោលហេតុផល ដោយមានភាពតានតឹងជាង២ម៉ោងនោះ ក្រុមមេធាវីការពារក្តីទាំង៧រូប បានសម្រេចចិត្តដើរចេញពីបន្ទប់សវនាការ ដោយមិនរង់ចាំស្តាប់សេចក្តីសម្រេចទេ ដោយសារពួកគេថា មិនមានជំនឿលើចៅក្រុម ឲ្យកូនក្តីរបស់ពួកគេនៅក្រៅឃុំនោះទេ៕

ប្រភព៖ Campost

The post រាជរដ្ឋាភិបាល នឹងធ្វើបុណ្យតាមប្រពៃណី បើសិនលោក កឹម សុខា ស្លាប់ក្នុងពន្ធនាគារ appeared first on Khmer Readers.

នៅថ្ងៃទី ១១ ខែមីនា ឆ្នាំ២០១៨ ថ្មីៗកន្លងទៅនេះ សារព័ត៌មាន Fresh News ដែលជាសារព័ត៌មានបក្សកាន់អំណាច សរសើរមិនដាច់ពីមាត់ ធ្លោយចេញសារព័ត៌មាន ដែលធ្វើឲ្យសមាជិកគណបក្សសម្ព័ន្ធដើម្បីប្រជាធិបតេយ្យ ធ្វើការសើចចម្អកជាខ្លាំងទៅលើរឿងនេះ និងបាននិយាយថា ជាល្បិចបំប៉ោងរឿងរបស់បក្សកាន់អំណាច ដើម្បីធ្វើឲ្យអ្នកគាំទ្របក្សដទៃទៀតបាក់ទឹកចិត្ត ចំពោះគណបក្សខ្លួនរត់ទៅចុះចូលជាមួយបក្សកាន់អំណាច ។

នេះបើតាមលោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ លោកបានចោទសំណួរទៅកាន់ Fresh News ដែលចុះផ្សាយថា តើសំគាល់ស្អីថាជាLDP? ត្រង់ចំណុចនេះ លោកបាននិយាយបែបសើចចម្អកដល់ Fresh News ថា លោកមិនដែលគ្រប់គ្រង LDP ឬសមាជិកណាម្នាក់ ឬបញ្ជាក់ពីការសម្គាល់ខ្លួនរបស់សមាជិកទាំងនោះទេ ហើយក៏គ្មានប័ណ្ណសមាជិករបស់បក្សនោះដែរ ត្រង់ន័យនេះ លោក ខឹម វាសនា ហាក់ដូចជាមានអារម្មណ៍សើចចម្អកទៅកាន់សារព័ត៌មាននេះ ដែលព្យាយាមបំប៉ោងព័ត៌មាននេះ ។

មានសមាជិកដទៃទៀតជាច្រើនទៀតផងដែរ ដែលធ្វើការ Comment ជុំវិញបញ្ហានេះ ដោយអត្ថន័យបែបសើចចម្អកផង មើលងាយផង ទៅកាន់សារព័ត៌មានដែលពុំមានអ្នកចាប់អារម្មណ៍នឹងអាន ក៏ព្រោះតែសារព័ត៌មាននេះ ធ្វើការសរសេរគាំទ្រលម្អៀងទៅកាន់រដ្ឋាភិបាលតែមួយគត់ ដែលជារឿងដែលធ្វើឲ្យមនុស្សគ្រប់គ្នាបាត់បង់ជំនឿចិត្តលើសារព័ត៌មានមួយនេះ រហូតដល់ចុះផ្សាយម្ដងៗ មនុស្សមិនច្រើនប៉ុន្មាននោះទេ ដែលធ្វើការមើលព័ត៌មាននេះ ។

សូមអានព័ត៌មានពិស្ដាររបស់ Fresh News ដូចខាងក្រោមនេះ ៖​

The post លោក ខឹម វាសនា សើចចំអកដល់ សារព័ត៌មាន Fresh News រឿង LDP ចុះចូលបក្សកាន់អំណាច appeared first on Khmer Readers.

ជាទូទៅបងប្អូនប្រជាពលរដ្ឋដែលជាអ្នកគាំទ្រ គណបក្សសម្ព័ន្ធដើម្បីប្រជាធិបតេយ្យ គឺតែងតែពាក់មួកដែលមានសញ្ញាសម្គាល់របស់គណបក្ស គឺ អក្សថា LDP។ ដែលពាក្យថា LDP នេះជាពាក្យកាត់អក្សឡាតាំងរបស់គណបក្ស ដែលមានពាក្យពេញថា League for Democracy Party។ គ្រប់គណបក្សទាំងអស់តែមានសញ្ញាសម្គាល់របស់ខ្លួនដែលមាននៅលើមួក អាវ ជាដើម។ ប៉ុន្តែអ្វីដែលគួអោយចាប់អារម្មណ៍នោះគឺ អ្នកគាំទ្រគណបក្សនេះ ភាគច្រើនពាក់មួកដែលមានសញ្ញាសម្គាល់នេះ ស្ទើតែគ្រប់កន្លែង ដែលអាចពាក់បាន មិនថាតែពេលហែរបក្ស ឬពេលទៅណាមកណានោះទេ។

តើបងប្អូនចង់ដឹងពីមូលហេតុដែរឬទេ ថាហេតុអ្វីទើបពួកគេឧស្សាពាក់មួក ឬអាវដែលមានសញ្ញាសម្គាល់នេះដែរឬទេ? សូមអានអត្ថបទសាច់រឿងមួយខាងក្រោម ដែលដកស្រង់ចេញពីរឿងពិតដែលផុសក្នុងគណនេយ្យមួយរបស់អ្នកគាំទ្រគណបក្សសម្ព័ន្ធដើម្បីប្រជាធិបតេយ្យ។

ប្រភពបានឲ្យដឹងថា បុរសម្នាក់ដែលជាអ្នកទិញម៉ូតូតាមភូមិដែលជាអ្នកយល់សម្ព័ន្ធ បានធ្វើការចោទសួរសំណួររបស់ខ្លួនទៅកាន់បុរសចំណាស់ម្នាក់ ដែលមានមួក LDP នៅលើក្បាល តែក្រោយពីសួរនាំរួចមក បានបញ្ជាក់ថា គាត់មិនស្គាល់ LDP នោះឡើយ ដោយរឿងហេតុនេះធ្វើឲ្យបុរសម្នាក់ដែលយល់សម្ព័ន្ធ សុំទិញមួកពីគាត់ និងបានពន្យល់គាត់ដូចដំណើររឿងខាងក្រោមនេះ ៖

ម្សិលមិញដើរទិញម៉ូតូជួបលោកអ៊ុំម្នាក់ពាក់មួក LDP នៅផ្ទះមេភូមិ គាត់មកធ្វើសំបុត្រការកូន ខ្ញុំឃើញក៏សួរគាត់ថាអ៊ុំទៅណា មកណា?អ៊ុំមកធ្វើសំបុត្រការកូនក្មួយ។ចុះក្មួយទៅណាដែរអ៊ុំមិនស្គាល់ក្មួយទេ?ខ្ញុំដើររកទិញម៉ូតូចូលសួរម៉ូតូអ៊ុំមេភូមិ ខ្ញុំឃើញអ៊ុំមានមួក LDP ក៏សួរអ៊ុំ តើអ៊ុំស្តាប់ពូបានយូនៅ?

ស្តាប់ពូណាក្មួយ?ចុះមួកដែលអ៊ុំពាក់ណឹងអ៊ុំបានពីណាមក?អូ!មួកណឹងរបស់កូន ចុះកូនអ៊ុំជាអ្នកស្តាប់គណះបក្សសម្ព័ន្ធដើម្បីប្រជាធិបតេយ្យមែនទេអ៊ុំ?ទេអ៊ុំមិនដឹងដែរតែឃើញតែវាបានអាវបានមួកណឹងមកពាក់តែរហូតហើយវាឧស្សាហ៍និយាយប្រាប់អ៊ុំអោយស្តាប់អោយមើលដែរតែអ៊ុំមិនដែលរវីរវល់ទេមិនដឹងថាវាស្តាប់អ្នកណាអីណាអ៊ុំមិនដឹងទេ ។

អុីចឹងអ៊ុំ ក្មួយសុំទោស!ក្មួយសុំមួកនេះបានទេ?របស់កូនទេ អីុចឹងខ្ញុំសុំទិញបានទេ?អត់ទេខ្លាចកូនវាថាអោយ ចុះហេតុអីបានក្មួយមកចង់ទិញមួកនេះពីអ៊ុំវិញអីុចឹង?

អ៊ុំមួកនេះអ្នកស្តាប់គណះបក្សសម្ព័ន្ធយល់បានអាចពាក់បាន បើអ្នកមិនយល់មិនអោយពាក់ទេអ៊ុំ! ហេតុអីក្មួយ?
ព្រោះ​មួកនេះតំណាងអោយអ្នកស្តាប់យល់គណះបក្សសម្ព័ន្ធដើម្បីប្រជាធិបតេយ្យ មនុស្សដែលស្តាប់គណះបក្សនេះយល់ជាទូទៅបានកែប្រែខ្លួនពីមនុស្សមិនល្អ មកជាមនុស្សល្អមនុស្សដែលញ្ញាណស្រាល្បែងស្រី មកជាមនុស្សល្អត្រឹមត្រូវស្មោះត្រង់លែងញៀនស្រាល្បែងស្រី ។ បើអ្នកមិនយល់ហើយគាត់ពាក់មួកណឹង គាត់អាចពាក់ទៅអង្គុយហូបស្រា លេងល្បែងឫក៏ធ្វើសកម្មភាពអីមួយដែលមិនត្រឹមត្រូវ គឺវានាំអោយប៉ះពាល់ដល់អ្នកយល់នឹងគណះបក្ស។អូចឹងក្មួយអ៊ុំមិនដឹងទេ អ៊ុំឃើញនៅពាក់ក្រោមផ្ទះក៏ទាញមកពាក់មកកុំអោយក្តៅ អ៊ុំមិនដឹងថាមួកណឹងគេហាមចឹងទេក្មួយ បើក្មួយមិននិយាយក៏អ៊ុំមិនដឹងដែរ ថ្ងៃក្រោយអ៊ុំលែង យកពាក់ហើយ។ អ៊ុំអាចពាក់បានតែចាំអ៊ុំស្តាប់គណះបក្ស LDP យល់សិនណាអ៊ុំ ។

លោកមេភូមិឆ្លើយ គណះបក្សណឹងស្អីក៏លក់ដែរកេញលុយតែពីអ្នកគាំទ្រណឹង! ចុះអ៊ុំធ្វើសំបុត្រការធ្វើប្លង់ដីយកលុយដែរអត់ចុះ?អានេះជាមនោសញ្ចេត្តនាដែលគេអោយខ្ញុំតើ! អ្នកដែលគាត់អោយលុយអ៊ុំមិនមែនដោយសារមនោសញ្ចេតនានោះទេ គាត់អោយអ៊ុំគឺព្រោះតែគាត់ភ័យខ្លាចអ៊ុំមិនធ្វើអោយគាត់ទេអ៊ុំ ។

តែអ្នកដែលគាត់ចូលលុយទិញស្អីៗពីគណះបក្ស LDP ព្រោះតែគាត់ស្រលាញ់មាននោសញ្ចេតនាចំពោះគណះបក្ស LDP ពួកគាត់យល់ថាស្អីៗរបស់គណះបក្សណឹងវាមានតំលៃណាស់ គាត់យល់អំពីតំលៃរបស់ដែលគាត់ទិញណឹង​បានគាត់ទិញគាត់ចូលលុយ មិនមែនគាត់ចូលគាត់ទិញព្រោះតែគាត់ភ័យខ្លាចនោះទេ ពេលដែលគាត់ចូលលុយទៅពួកសប្បាយចិត្តខ្លាំងណាស់។ខុសពីអ្នកអោយលុយមកអ៊ុំ ពួកគាត់មិនសប្បាយចិត្តក្នុងការអោយនោះទេ។ ដូចពេលនេះចឹងហេតុអីបានជាខ្ញុំសួរនាំគាត់ហើយពេលដឹងថាគាត់មិនយល់ក៏សុំទិញពីមួកនេះពីគាត់វិញចឹង? ព្រោះមួកណឹងវាមានតំលៃណាស់មិនអាចចេះតែអោយអ្នកមិនយល់ពាក់តាពីសតាពាសនោះទេ ខុសពីគណះបក្សផ្សេងៗអ្នកណាក៏អាចពាក់បានដែរ ទោះមនុស្សនោះឆ្កួតផឹកស្រាលេងល្បែងជក់ថ្នាំមិនស្មោះត្រង់កុហកបោកប្រាស់ចោរក៏ពាក់បានដែរអត់ខ្វល់នោះទេ ។

គណះបក្សផ្សេងៗមិនមែនគេមិនចង់លក់ទេ ចង់លក់ តែដោយសារលក់ទៅអត់មិនមានអ្នកទិញ កុំថាឡើយដល់ទិញ អោយណឹងភ័យខ្លាចតែគេមិនយកផង ។

The post មួក និងអាវបក្សជួង មិនមែនចេះតែពាក់ផ្ដេសផ្ដាសទេ ប្រយ័ត្នជួបហេតុការណ៍បែបនេះ! appeared first on Khmer Readers.

បុរសម្នាក់ដែលជាអ្នកយល់សម្ព័ន្ធម្នាក់លក់ដូរ មានបិទឡូហ្គូ LDP តូចមួយនៅតូប ស្រាប់តែអ្នកម៉ៅការថ្នល់បានធ្វើការ និយាយដៀមដាមមកលើ LDP ស្រាប់តែគាត់ដែលជាអ្នកយល់លក់ដូរនោះ បានចេញមុខការពារបក្ស LDP ដោយមានរឿងរ៉ាវដូចខាងក្រោម ៖

ខ្ញុំបិទឡូគោបក្សតូចមួយនៅជាប់ទូលក់ទូរស័ព្ឌ ពួកអ្នកម៉ៅការផ្លូវវាមកឃើញ ក៏និយាយថាអីុយ៉ា!..បិទផ្លាកកណ្តឹងព្រួយទៀតណា..បក្សណឹងប្រដៅមិនអោយកូនដឹងគុណម៉ែឪ ហើយអ្នកស្តាប់បក្សណឹងលែញប្តីលែញប្រពន្ធ កុំខំប្រឹងពេកប្រយ័ត្នលែញប្រពន្ធដូចខឹមវាសនា គេនិយាយហើយគ្នាគេ៧,៨នាក់នាំគ្នាសើចទឹលៗ…ខ្ញុំដើរចេញមកក្រៅហើយទាញតុអោយពួកគាត់អង្គុយសិន ហើយខ្ញុំសួរគាត់ថាបងច្បាស់អត់ថាពូវាសនានិយាយប្រដៅមិនអោយកូនដឹងគុណម៉ែឪនឹងថាពូវាសនាលែញប្រពន្ធមានភស្តុតាងអត់?គាត់ឆ្លើយខ្ញុំលឺគេថា មិនមានសម្លេងទេ ។

ខ្ញុំប្រាប់គាត់ថាបង!.មនុស្សគេយកសម្តីៗជាឯកណាបង មនុស្សតែសម្តីមិនថ្លៃ អាស្អីៗក៏វាមិនថ្លៃដែរ បងមើលមកគ្រួសារខ្ញុំយល់សម្ព័ន្ធទាំងអស់គ្មាននណាម្នាក់លែញប្តីលែញប្រពន្ធទេ ចុះមនុស្សម៉ាគរនលើពិភាពលោកណឹងគេយល់សម្ព័ន្ធដែរចុះអ្នកលែញប្តីលែញប្រពន្ធណឹង? ទោះប្បីជាមានអ្នកយល់សម្ព័ន្ធលែញប្តីលែញប្រពន្ធក៏បងមិនត្រូវអូសមកនិយាយសរុបថាមកពីយល់សម្ព័ន្ធដែរ នៅក្នុងគ្រួសារមួយៗវាមានរឿងរ៉ាវច្រើនណាស់ដែលយើងមិនដឹង ចុះគ្រាន់តែឃើញអ្នកយល់សម្ព័ន្ធលែញគ្នាបងម៉ៅទៅអីុចឹង? បងមើលមកគ្រូសារខ្ញុំនៀករាល់ងៃ ដីខ្ញុំទិញផ្ទះខ្ញុំធ្វើប្រាំបន្ទប់អោយប្អូននឹងម៉ែឪរស់នៅជាមួយ បាយហូបជាមួយគ្នារាប់ឆ្នាំមិនដែលមានបញ្ហាឈ្លោះគ្នាអីទេ។

បងមើលអ្នកនៅជុំវិញខ្ញុំម៉ែនឹងកូននៅជាមួយគ្នាមិនដែលបានយូទេ(កូនដែលរៀបការរួច)យ៉ាង៣ថ្ងៃដឹងតែនៅជាមួយគ្នាលែញបានហើយ កូនឈ្លោះជាម៉ែតែរឿងសុីចេញមិនស្មើគ្នា បងប្អូនបង្កើតវិញធ្វើរបងតែដីមួយចំអាមក៏ជេរគ្នារកកាប់សម្លាប់គ្នាហើយពួកណឹងទៅវត្តមិនដែលបាត់មុខមួយសីលណាទេ អត់មានយល់សម្ព័ន្ធណា បងទៅសួរមើល!..

បងដឹងថាសង្គ្រោះជាតិវារលាយដោយសារអីទេ? វាមិនមែនរលាយដោយសារតែភាពត្រឹមត្រូវទេ គឺវារលាយដោយសារតែទង្វើថោកទាបរបស់វា បក្សណឹង អ្នកគាំទ្រវាតាំងពីលើរហូតដល់ក្រោមធ្វើតែអាការងារថោកទាប វាដើរនិយាយកាច់មួលលាភពណ៍បន្លប់គ្រប់យ៉ាង សួររកការពិតភស្តុតាងមិនដែលមានទេ ដល់គេដេញជើងទាន់ទៅធ្វើមុខម៉េះម៉ុញៗ និយាយប្រកែកទំលាក់ទៅនេះទំលាក់ទៅនោះ ថោកនោះមហាថោកពួកណឹង។ ពាក្យសម្តីបងឯងប៉ុណ្ណឹងអាចចូលគុគបានណាបងខ្ញុំថតបានទាំងអស់(តែការពិតមិនបានថតទេហាហា..) អាងអីជាអ្នកម៉ៅការថ្នល់ណឹងចង់និយាយអីក៏បានមែន? នាំគ្នាស្ងាត់ឈឹងហើយមើលមុខខ្ញុំឡិងឡង់ៗ ដើរទៅចូលឡានវិញអោយតាត្រុក ។

The post ឃើញឡូហ្គូ LDP មួយតូចបិទនៅតូប ដៀមដាមប៉ះពាល់ LDP ចេញមកឆ្អែតម្នាក់ៗ appeared first on Khmer Readers.

ភ្នំពេញ​ ៖ នេះ​ជា​លើក​ទី​១​ហើយ​ដែល ឯកឧត្ដម​ នាយ​ឧត្ដមសេនីយ៍ កែ គឹមយ៉ាន ឧបនាយករដ្ឋមន្ត្រី និង​ជា​ប្រធាន​ប្រធាន​អាជ្ញាធរ​ជាតិ ប្រយុទ្ធ​ប្រឆាំង​គ្រឿងញៀន បាន​ថ្លែង​រិះគន់ ស្ថាប័ន ជំនាញ ដោយ ឯកឧត្ដម​ លើក​ឡើង​ថា ជនល្មើស​ដែល​ជាប់​ពាក់ព័ន្ធ នឹង​បទល្មើស​គ្រឿងញៀន​មួយ​ចំនួន មានតែ​ឈ្មោះ​ក្នុង​បញ្ជី​ជាប់ពន្ធនាគារ ប៉ុន្តែ​មនុស្ស​វិញ ចេញ​រកស៊ី​គ្រឿងញៀន​នៅ​ខាងក្រៅ ​ហើយ​ធំ​ជាង​មុន​ទៀត។

ការ​ថ្លែង​របស់​ឯកឧត្ដម នាយ​ឧត្ដមសេនីយ៍​ កែ គឹមយ៉ាន ​ឧបនាយករដ្ឋមន្ត្រី និង​ជា​ប្រធាន​ប្រធាន​អាជ្ញាធរ​ជាតិ ប្រយុទ្ធ​ប្រឆាំង​គ្រឿងញៀន បាន​ធ្វើ​ឡើង ក្នុង​ពិធី​ផ្សព្វផ្សាយ​ផែនការ​សកម្មភាព និង​ការ​បណ្ដុះបណ្ដាល​ជន​បង្គោល របស់​គណៈកម្មការ​ទទួល​បន្ទុក​ផ្សព្វផ្សាយ​អប់រំ នៃ​យុទ្ធនាការ​ប្រយុទ្ធ​ប្រឆាំង​គ្រឿងញៀន នៅ​ក្រសួងមហាផ្ទៃ នា​ថ្ងៃ​ទី​០៧ ខែ​មីនា ឆ្នាំ​២០១៧​ នៅ​ទីស្ដីការ​ក្រសួង។

ឯកឧត្ដម​នាយ​ឧត្ដមសេនីយ៍ បន្ថែមថា ករណីនេះ លោក​មិន​ចេះតែ​លើក​នោះទេ «​ដែល​ខ្ញុំ​ថា ចាប់​ដំបូង​តិច ចេញ​មកវិញ​ខ្លាំង ខ្ញុំ​ស្គាល់​តើ វា​មក​ជួល​ផ្ទះ​កូនចៅ​ខ្ញុំ​ទៀត ដល់​ឥឡូវ​បន្ធូរ​ចុះ​បន្ធូរ​ឡើង សល់​តែ​៣​ឆ្នាំ​»​។

ឯកឧត្ដម​នាយ​ឧត្ដមសេនីយ៍​ កែ គឹមយ៉ាន បាន​បញ្ជាក់ថា បើ​គិតពី​ស្ថាន​ទម្ងន់​ទោស អ្នកខ្លះ​ត្រូវ​ជាប់ពន្ធនាគារ​មួយ​ជីវិត តែ​បាន​៣​ឆ្នាំ ឃើញ​ចេញ​វិញ​បាត់​។​ ឯកឧត្ដម​បាន​បន្តថា បុគ្គល​ដែល​ឯកឧត្ដម​លើកឡើង​នោះ មាន​ទាំង​ម៉ាស៊ីន​ផលិត​គ្រឿងញៀន ដាក់​លើ​រថយន្ត បើក​ចល័ត​ទៅ​ផលិត​គ្រប់​ទីកន្លែង​ទៀត នេះ​ជា​រឿង​ជាក់ស្ដែង ហើយ​បាន​រិះគន់ថា «​បើ​នៅតែ​ធូររលុង​បែបនេះ កម្លាំង​សមត្ថកិច្ច​អ្នកអនុវត្ត​ច្បាប់ គេ​គ្មាន​ទឹកចិត្ត​អនុវត្ត​ទេ អ៊ីចឹង​ហើយ ចាប់យក​លុយ​ដែរ​ទៅ​»​។​

សូមបញ្ជាក់ថា ​លទ្ធផល​នៃ​យុទ្ធនាការ​ប្រយុទ្ធប្រឆាំង​គ្រឿងញៀន​លើក​ទី​១ ប្រចាំខែ​កុម្ភៈ ឆ្នាំ​២០១៧ កម្លាំង​សមត្ថកិច្ច​នៅ​ទូទាំងប្រទេស ចេញ​បង្ក្រាបបាន ៩២១​ករណី ឃាត់ខ្លួន ២,០៥៣​ករណី ក្នុងនោះ​មាន​ស្ត្រី ២១៥​នាក់ ក្នុងនោះ ករណី​ជួញដូរ​មាន ៥៨២​ករណី ឃាត់ខ្លួន ១០២៧​នាក់ និង​ករណី​ប្រើប្រាស់ ៣៣៨​ករណី ឃាត់ខ្លួន ១,០២៦​នាក់​។ ប្រតិបត្តិ​ការបង្ក្រាប​ពេញ​មួយខែ​កុម្ភៈ សមត្ថកិច្ច​បាន​ចាប់យក​គ្រឿងញៀន ៧ ២៥១.២៨​ក្រោម និង​កញ្ឆា ៩៧,៤៧៨​ដើម ដកហូត​រថយន្ត ១៥​គ្រឿង ម៉ូតូ​២០៨​គ្រឿង ទូរស័ព្ទដៃ ៦៣៩​គ្រឿង ៕

ប្រភព ៖ កម្ពុជាថ្មី

The post លោក ​កែ គឹមយ៉ានថា​ ខ្លះឈ្មោះជាប់គុក ប៉ុន្តែ​មនុស្សចេញ​រកស៊ី​គ្រឿងញៀន​នៅ​ខាងក្រៅ​ appeared first on Khmer Readers.

វេទិកាជួបជាមួយនឹងសហជីព កម្មករ កម្មការិនីរោងចក្រ ព្រមទាំងអ្នកគាំទ្រគណបក្ស ​នៅសណ្ឋាគារសុខាដែលមានអាសយដ្ឋានស្ថិតនៅតាមបណ្តោយ ផ្លូវ២ធ្នូ ក្រុងព្រះសីហនុ ខេត្តព្រះសីហនុ ។ វេទិកានេះបានធ្វើនៅថ្ងៃច័ន្ទ ទី១២ ខែមីនា ឆ្នាំ២០១៨ ។

លោក ខឹម វាសនា បានបញ្ចាក់ពីកម្មករ ដែលធ្វើការបកស្រាយជាច្រើនដែលពាក់ព័ន្ធទៅនឹង មេរៀនជីវិត ដែលលោកបាននិយាយពន្យល់ចរិតលក្ខណៈរបស់មនុស្ស ដែលមាន ៥ ប្រភេទ ដែលមានដូចជា ៖ មនុស្សសទេវោ មនុស្សៈមនុស្សោ មនុស្សតិរច្ឆានោ មនុស្សនិរយកោ ឲ្យបានស្គាល់ច្បាស់ក្នុងរឿងនេះ ។

លោកបានពន្យល់បកស្រាយពាក់ព័ន្ធទៅនឹង ប្រភពបញ្ហាដែលពាក់ព័ន្ធទៅនឹងរោងចក្ររបស់អ្នកចូលរួមក្នុងវេទិការសាធារណៈនោះផងដែរ ដោយលោកបានលើកហេតុផលដើម្បីឲ្យអ្នកចូលរួមកាន់តែច្បាស់ពីការធ្វើការងារ និងការប្រាស័្រយទាក់ទងគ្នា ។

សូមស្ដាប់ការបកស្រាយរបស់លោក ខឹម វាសនា ពីដើមរហូតដល់ចប់នូវវីដេអូខាងក្រោមនេះ ៖

The post លោក ខឹម វាសនា និយាយអ្វីខ្លះ ជាមួយតំណាងសហជីព និងកម្មករនៅសណ្ឋាគារផ្កាយ ៥ ខេត្តព្រះសីហនុ? appeared first on Khmer Readers.

តើវាអស្ចារ្យយ៉ាងណាទៅ នៅពេលដែលក្រោយកើតហេតុ សន្ដិសុខវ័យក្មេងម្នាក់ឆ្លៀតឱកាសលួចយកលុយ និងទ្រព្យសម្បត្តិមានតម្លៃរបស់លោកបណ្ឌិត និងសាស្រ្តាចារ្យសាកលវិទ្យាល័យកម្ពុជាថ្មីៗនេះ ។

ការថតវីដេអូ និងសកម្មភាពនានា បានធ្វើឲ្យប៉ូលីសចាប់ផ្ដើមកំណត់សញ្ញាជនសង្ស័យក្នុងហេតុការណ៍នេះ យ៉ាងច្បាស់លាស់ និងឈានទៅរកចាប់ខ្លួនផងដែរ ដោយហេតុដែលគួរឲ្យអស្ចារ្យនោះ គឺអ្នកដែលលួចលុយ បន្លំក្នុងការប្រទ្រុស្ដសារ៉ាយជាមួយរថយន្ដនោះ ត្រូវបានជាមន្រ្តីសន្ដិសុខខាងផ្នែកអាវុធហត្ថទៅវិញ ។

សូមមើលរូបភាពខាងក្រោមនេះ និងពិចារណាទាំងអស់គ្នា ៖

ឈាមស្រែកស្បែកហៅ ហើយ ! ស្គាល់អត្តសញ្ញាណ អាជនទំនើងដៃដល់ វាយដំថ្មរ និងលូកយកចិញ្ជៀន ជាង ១មុឺនដុល្លា របស់លោក ស៊ុយ ហើយ ! វាគឺជាសន្តិសុខខណ្ឌដូនពេញរហ័សនាម ដៃឆៅ ចិត្តចោរ គ្មានមេត្តា ។

Share និង Like អោយវាចូលគុក ស្អែកនេះ ។

និងមហាជន សំណូមពរដល់ TVFB យកពត៍មានអោយគ្រប់ជ្រុងសិន ចាំផ្សាយ ! កុំអោយធ្វើដូចរាល់ដង ងាប់គេឯងអស់ហើយ ។

នោះកាន់តែធ្ងន់ក ហើយ អ្នកវាយ គ្រូបង្រៀន !

ឆ្លងកាត់ការ ស្រាវជ្រាវអង្កេតរឿងអស់ ១យប់១ព្រឹកនេះ
ឃើញថា លោក ស៊ុយ អត់មានបានបុកអ្នកណាស្លាប់ទេ ! ហើយគាត់ ក៏មិនបានផឹកស្រា ស្រវឹង ផងដែរ គឺដើមរឿង មានដូច តទៅ •

1. គឺ មានម៉ូតូ ១ក្រុមចេញពីហាងផឹកសុី ថ្ងៃត្រង់ ក៏ ជិះ រេចុះ រេឡើង ប៉ះនិង ឡានរបស់ លោកគ្រូ ស៊ុយ ហៅ (ស៊យ )
ក៏ គ្នាគេ និងបក្សពួក ស្រែកថាអោយឈប់ , ពេលនោះ លោក ស៊ុយ ហៅស៊យ គាត់ មិនបានឈប់ឡើយ ដោយ
ភាគីម្ខាងទៀត ស្រែក ឆោឡោ កាន់តែខ្លាំង មនុស្សម្នា
នៅក្បែនោះក៏នាំគ្នា ដេញ និងស្រែក បន្ត ធ្វើអោយ អ្នកបើកបរ កាន់តែមានការស្លន់ស្លោ ភ័យខ្លាំង បាត់បង់ម្ចាស់ការ ក៏បើកគ្មានទឹសដៅ រហូត បើកទៅមុខលែងរួច ត្រូវបាន មហាជន ស្រែកពាក្យចចាមរាមថា បុកគេស្លាប់ ហើយនាំគ្នា បង្កការប្រើអំពើហឹង្សា យ៉ាងសាហាវ ខ្វះការពិចារណា លោកលើកស៊ុយ ផងដែរ ។

ទាំងនេះជាមេរៀន និង បំរាម អោយមហាជន ឈប់ទៅ គ្រាន់តែឭគេថា ក៏នាំគ្នា ព្រួតវាយ សម្លាប់គេ បាត់ទៅហើយ ។

The post គិតយ៉ាងណាដែរ! សន្ដិសុខឥតក្របខណ្ឌ ធ្វើចោរលួចលុយលោកបណ្ឌិត ត្រូវបានគេថតពេញមុខ appeared first on Khmer Readers.

អ្នកចម្រៀងសម្លេងសារិការ ជើងចាស់ម្នាក់ ដែលប្រជាពលរដ្ឋខ្មែរតែងតែទទួលស្គាល់ថា មានទឹកដមពិរោះ និងមានច្រៀង ជាចម្រៀងប្រពៃណីផងដែរនោះ នាពេលថ្មីៗនេះ បានចេញមុខបង្ហោះខ្សែវីដេអូរបស់ធម្មកធិក ម្នាក់ដែលមានឈ្មោះថា ឡុង ចន្ថា ដែលទេសនា និយាយដើមញាតិញោមដែលប្រគេនលុយខ្លួនតិច ដោយមិនតាំងខ្លួនជាសង្ឃបែរជាអន់ចិត្តនឹងអ្នកប្រគេនទៅវិញ ។

ក្នុង Clip Video បុគ្គលប្រវ័ញ្ចលាភក្នុងសាសនា ឡុង ចន្ថា បាននិយាយថា ញាតិញោមម្នាក់នៅអូស្រ្តាលី ប្រគេនគ្រាន់បើជាងអ្នកអាមេរិក ដោយប្រគេន ១០០រូពី ដែលមិនស្មើរនឹងមួយម៉ឺនរៀលផង ចេះតែប្រគេនដែរ ដោយនិយាយថា ក្ដៅក្រហាយ ចង់យកលុយនោះ ទៅញ៉ុកមាត់អ្នកប្រគេនទៀតផង ដោយលោកថាប្រគេន ៣០០ទៅ ៥០០ដុល្លារអីទៅគ្រាន់បើបន្ដិច ។

អ្នកចម្រៀងនេះបាននិយាយជាមួយនឹងការបង្ហោះវីដេអូនេះថា ៖

ការពិតមិនចង់​ Share នាំចង្អៀតទេ​ តែក្នុងនាមជាខ្មែរកាន់សាសនាព្រះពុទ្ធ​ថែមទាំងគោរពស្ម័គ្រស្មោះអស់ពីចិត្ត​ ពិតជាមិនសប្បាយចិត្តទេនៅពេលដែលឧស្សាហ៍ឃើញគេយកស្បង់ចីវរដែលគ្រប់គ្នាមិនថាចាស់ក្មេង​ ឬឋានៈប៉ុណ្ណាតែងលត់ជង្គង់ក្រាបសំពះដល់ធរណី​ មកស្រោបពីក្រៅខ្លួនបុគ្គលអសីល​បែបនេះ​ជាហូរហែរតែគ្មានឃើញវិធានការណ៍ណាមួយមកទប់ស្កាត់​ និងលប់បំបាត់បានសោះ​ ? ? ផ្ទុយទៅវិញ​បែរជាកើតមានប្លែកៗ​ ដូចករណីនេះ​…តើមកពីច្បាប់ធូរលុងពេក​ ឬមកពីអ្នកកាន់ច្បាប់មិនច្បាស់លាស់​ ? ? ? ខ្ញុំមាន​យោបល់នេះគឺដើម្បីទាំងអស់គ្នា​ និងការពារសាសនា​ព្រះពុទ្ធដែលជាសាសនារដ្ឋ​ប៉ុណ្ណោះ គ្មានបំណងអវិជ្ជមានណាមួយទេ​ តែបើជនណាហ៊ានយកសម្តីខ្ញុំនេះទៅកាឡៃសាច់រឿងក្នុងន័យអាក្រក់ដូចកាលរឿងលុយខ្មែរទៀត​ គឺជន​នោះជាជនបំផ្លាញជាតិ​ ។ 
ប្រភព ៖ Account Fb Ravy Phun

ខាងក្រោមនេះជាសម្ដីរបស់តារាចម្រៀងម៉េង កែវពេជ្ជតា ដែលបាននិយាយទាក់ទងនឹងការឆ្លើយតបរបស់អ្នក Comment នៅលើបណ្ដាញសង្គមហ្វេសប៊ុកកន្លងទៅនាពេលថ្មីៗនេះ ៖

មានព្រះសង្ឃមួយអង្គក៏យល់ស្របទៅតាមគំណិតរបស់អ្នកចម្រៀងម្នាក់នេះដែរ ដោយបាននិយាយថា ៖

ត្រូវហើយអ្នកបងរឿងបុគ្គលជាប់ដោយអាញ់ច្រើនពេកចឹងហើយ ខូចសាសនាអស់ហើយរឿងនេះហើយដែលព្រះពុទ្ធទ្រង់បានសម្ដែងថា សាសនាតថាគតរលត់ទៅដោយបុគ្គលបួនពួកនឹងមាន ភិក្ខុ សាមណេរ ឧបាសក ឧបាសិកា

The post តារាចម្រៀងម៉េង កែវពេជ្ជតា រិះគន់ ឡុង ចន្ថា រឿងទេសនារកតែលុយ និងសម្ដីដូចអ្នកលេង appeared first on Khmer Readers.

បន្ទាប់ពីមានការប្រទ្រុស្ដសារ៉ាយ រវាងប្ដីម្ចាស់អាខោននេះរួចមក ធ្វើឲ្យ Facebook Page ដែលបង្ហោះរូបខាងក្រោម ត្រូវបានបាត់ពីបណ្ដាញសង្គមភ្លាមៗ ព្រោះខ្លាចគេស្រាវជ្រាវឃើញ ដោយរូបនេះ មិនមែនជាម្ចាស់ដើមដែលឆាតញ៉ែជាមួយសង្ឃនៅ វត្តទួលសន្តិវ័ន ហៅ វត្តទួលអស់លោកនោះទេ ហេតុដូចនេះសូមបញ្ជាក់ថា អាខោននេះទំនងត្រូវបានគេ Hack យកបាត់ទៅហើយ និងបញ្ចេញសារដ៏គួរឲ្យខ្មាសអៀនមកនេះ ។

យើងខ្ញុំសូមបង្ហាញតែរូបភាព និងសារដែលពាក់ព័ន្ធទៅនឹងការឆាតប៉ុណ្ណោះ ត្រង់រូបណាដែលមានរូបភាពមិនសមរម្យ យើងខ្ញុំនឹងធ្វើការលុបចោល ឬមិនដាក់បង្ហាញនោះទេ កុំឲ្យប៉ះពាល់ដល់ក្មេងៗដែលមិនដឹងអី!

បើតាមប្រភពពីសារប៉ុន្មានក្នុងរូបភាពនេះ បានបញ្ជាក់ថា សង្ឃកំហូចដែលស្នាក់នៅក្នុង  វត្តទួលសន្តិវ័ន ហៅ វត្តទួលអស់លោក បានធ្វើការឆាតសុំស្នេហ៍រហូតដល់មានការព្រមព្រៀងគ្នា រួមរ័ក្សនៅកុដិទាំងយប់ ដោយគ្រាន់តែមើលសារក៏ព្រឺព្រួច និងគួរឲ្យស្រៀវផងដែរ ។

មុនដំបូងសុំស្គាល់គ្នា ដោយមិនទាន់ស្គាល់ច្បាស់ផង ក៏ហៅអូនពេញៗមាត់បាត់ទៅហើយ ប៉ុន្តែមិនជាបញ្ហាទេ ខាងស្រីក៏មិនណយដែរ ហៅចឹងក៏អត់បញ្ហាដែរ សំខាន់លោកសង្ឃអង្គនេះមានលុយ ។

លោកសង្ឃអង្គនេះ និងស្រីម្នាក់នេះបានធ្វើការឆាតផ្ញើររូបឲ្យគ្នាមើលទៅវិញទៅមក ដែលមានរូបដូចខាងក្រោមនេះ ៖

ខាងក្រោមនេះជាសកម្មភាពនៃការរួមរ័ក្សរវាងសង្ឃ និងនាងម្នាក់ខាងលើ ប៉ុន្តែគ្រាន់តែជា Screen Shot ចេញពីទូរស័ព្ទប៉ុណ្ណោះ ដែលរូបនេះគឺសង្ឃកំហូចនោះថតទុកមើលពេលក្រោយ ។

សង្ឃកំហូចម្នាក់នេះ បាននិយាយថាអាចស៊ីចុកបានទៀតផង ពេលនាងផ្ញើរសាររូបប្រដាប់របស់នាងទៅកាន់សង្ឃកំហូចម្នាក់នោះ ។ សង្ឃនោះបាននិយាយថា ខ្លួនអាចបាន (រួមរ័ក្ស) ឬអត់ពេលនាងមកដល់កុដិ?

សង្ឃអង្គនេះនិយាយថា គ្រាន់តែស្រោចទឹកមួយធុងក៏គ្រប់ដែរ ថ្លៃទូរស័ព្ទមួយគ្រឿងគ្មានបញ្ហាទេ រឿងលុយកាក់នោះ លោកបាននិយាយថាមិនមែនជាកូនអ្នកមានអ្វីនោះទេ ។

សង្ឃកំហូច និងស្រីម្នាក់នេះ ក៏ធ្វើការណាត់គ្នា ដើម្បីជួបគ្នាថ្ងៃសៅរ៍ ឬអាទិត្យ ប៉ុន្តែដោយសាររវល់សង្ឃនេះក៏ប្រាប់ថា ទៅស្រោចទឹកឲ្យគេសិន ៖

ពេលវេលាណាត់ជួបគ្នាបានមកដល់សង្ឃអង្គនេះក៏បានផ្ញើរសារជាសម្លេង ទំនងសុំនាងរួមរ័ក្សនៅកុដិរបស់លោកផ្ទាល់ ហើយសង្ឃកំហូចក៏ថារឿងអីមិនហ៊ាន គឺពិតជាហ៊ាន ។

បន្ទាប់ពីរួមរ័ក្សរួច សង្ឃអង្គនេះ បានឆាតសួរនាងថា ស្រួលឬអត់យប់ម៉ិញ នាងក៏ឆ្លើយថាមិនស្រួលទេ ឈឺចប់ងាប់ទៅហើយ ។

នាងក៏បាននិយាយពីផលវិបាកដែលគ្មានកុដិថ្មទុករួមរ័ក្សពេលក្រោយ តែសង្ឃនេះថាគេមិនឲ្យធ្វើ តែនាងបង្វែរថាចាំធ្វើផ្ទះថ្មខ្លួនរួច ចាំនាំលោកសង្ឃនេះទៅលេងផ្ទះខ្លួនវិញម្ដង ។

សង្ឃកំហូចនេះបានសួរថាម៉េចបាន ប្រដាប់របស់នាងខ្មៅយ៉ាងនេះ?

ប្រភព៖ Facebook

The post បែកធ្លាយសារ! សង្ឃវត្តទួលអស់លោក ឆាតសុំស្រីស្នេហ៍រួមរ័ក្សបានសម្រេច ថែមទាំងឲ្យលុយស្រីធ្វើផ្ទះទុកថ្ងៃក្រោយទៀត appeared first on Khmer Readers.

ភ្នំពេញ៖ រដ្ឋមន្រ្តីក្រសួង​ពត៌មានលោក ខៀវ កញ្ញារិទ្ធិ នៅថ្ងៃព្រហស្បត្ត៏ ទី ១៥ ខែ មិនា ឆ្នាំ ២០១៨ នេះបានចេញមកសសេរ​សារិះគន់តាម​Facebook ទៅលើព្រះសង្ឃ ឡុង ចាន់ថា ដែលល្បីល្បាញរឿង​​ទេសនាស្ដី​​អោយចាស់ៗនិងនិងមាន​សង្ឃដីការ កប្លែងសើចចុក​ពោះ​​មិនចាញ់​អ្នកលេងកប្លែង​របស់​ទូរទស្សន៏​ស៊ីធីប៉ុន្មាននោះ​ទេ ដោយលោករដ្ឋមន្រ្តីបានហៅ​ព្រះសង្ឃអង្គនេះ​ថាជា«ព្រះសង្ឃបំផ្លាញ»។

បើតាមលោករដ្ឋមន្រ្តី​ក្រសួងពត៌មានបង្ហោះសារ​តាមFacebook នោះគឺលោករដ្ឋមន្រ្តី​ចង់រិះគន់ថា ព្រះសង្ឃ ឡុង ចាន់ថា ជាអ្នកបំផ្លាញ​ព្រះពុទ្ធសាសនា​ដែលប្រជាពលរដ្ឋ​ខ្មែរជាង​៩០ភាគរយបានគោរព​ប្រតិបត្តិ។ ព្រោះតាមរយៈការទេសនាកន្លងម​ករបស់ព្រះសង្ឃ ឡុង ចាន់ថា គឺបានបង្ហាញ​ពីការមានសង្ឃដីការ​កម្លែង​លេងសើច ស្ដីបន្ទោសអោយ​ចាស់ៗនិងពេលខ្លះស្ដីអោយ​ម្ចាស់កម្មវិធីរឿង​ចូលបញ្ច័យតិចតួចតែចង់បានបុណ្យច្រើន ដោយព្រះអង្គចង់យកបញ្ច័យនេះទៅញុកមាត់អ្នកចូលបញ្ច័យតិចថែមទៀតផង។

អត្ថបទពី KhmerShare.News

បើតាមវីដេអូ Clip ដែលចេញដោយសង្ឃ ឡុង ចន្ថា បានធ្វើឡើងបន្ទាប់ពីមានការណែនាំដោយផ្ទាល់ពីដៃគូរសន្ទនា ទេសនារបស់លោក ហើយលោកបានបកស្រាយថា លោកនិយាយកំប្លែងលេងសើចនោះ មិនមែនជាការពិតអ្វីនោះទេ ។ សង្ឃអង្គនេះបានបន្ដទៀតថា ដោយសារខ្លួនរៀនបានតិចតួចបើសិនជាការទេសនាមានការខុសឆ្គងសូមមេត្តាខន្ដីអធ្យាស្រ័យដល់លោកផង ។

លោកសង្ឃអង្គនេះចាប់ផ្ដើមមានសង្ឃដីការទៀតថា អាត្មាដូចជាភ្លាត់ដែរក្នុងការនិយាយស្ដី ហើយថាប្រសិនបើការ Live មានការប៉ះពាល់ក៏សូមឈប់ធ្វើការ Live មួយរយៈ ហើយថាបើសិនជាអារម្មណ៍លោកមិនមូល មិនសប្បាយចិត្ត លោកនឹងមិន Live ហើយបើសិនជាមូលក៏ធ្វើការ Live ធម្មតា ។

លោកសង្ឃអង្គនេះបានបន្ដទៀតថា ប្រសិនបើអ្នកស្ដាប់តាមបណ្ដាញសង្គមហ្វេសប៊ុក មិនចូលចិត្តស្ដាប់ មិនគាំទ្រលោកនឹងមិន Live នោះទេ ដែលក្នុងគោលបំណងលោកចង់បានការគាំទ្រសិនមុននឹង Live ដែលក្នុងន័យនេះលោកគិតតែខ្លួនលោកប៉ុណ្ណោះ ។

លោកថា ក្នុងការប្រើប្រាស់ពាក្យសម្ដី អស់ញាតិញោមមិនយល់អធ្យាស្រ័យលោកបែរជាខឹង ហើយប្រសិនបើមានការខុសឆ្គងសង្ឃអង្គនេះនិយាយថា ឲ្យលោកសុំទោសផងទៅចុះ ។

ក៏ប៉ុន្តែជាក់ស្ដែង មានអ្នក Comment មួយចំនួនបានរិះគន់លោកសង្ឃអង្គនេះថាមិនទាន់បានធ្វើការសុំទោសដោយសុទ្ធចិត្ត និងបញ្ជាក់ថាខ្លួនដឹងកំហុសនោះទេ ពោលគឺលោកសុំទោសឲ្យរួចតែពីមាត់លោកប៉ុណ្ណោះ ហើយនឹងប្រព្រឹត្តិរឿងនេះ បន្ដទៀត ។

ទោះជាយ៉ាងណាក៏ដោយ មានប្រិយមិត្តម្នាក់បានធ្វើការ Comment ថាកុំតែរដ្ឋមន្រ្តីក្រសួងព័ត៌មានចេញមុខរិះគន់ចំៗទេ កុំអីលោកនឹងមិនចេញមុខសុំទោសបែបនេះនោះឡើយ ។

ប្រភព៖ ព្រះមហាថេរប្បញ្ញោឡុងចន្ថា Facebook Page

The post ឡុង ចន្ថា កោសខ្យល់ផង ភ័យស្លន់ស្លោរមាត់ឡើងស្វាយ ចេញមុខសុំទោសជាសាធារណៈ appeared first on Khmer Readers.

ប្រភព DNT News ៖ ​បន្ទាប់ពី​កញ្ញា ធី សុវណ្ណ​ថា ដែល​សាធារណៈជន​ស្គាល់​ថា ជា​តារា​នយោបាយ​យ៉ាង​ល្បីឈ្មោះ ត្រូវបាន​គណៈកម្មការ ជ្រើសរើស​យកទៅ​ប្រកួត​សម្រស់​នៅ​ប្រទេស​កូរ៉េ​ដោយ​ស្វ័យ​ប្រ​វ​ត្ដិ​មក គេ​សង្កេតឃើញថា មួយរយៈ​នេះ​នាង​កាន់តែ​ប្រឡូក​ចូលក្នុង​វិថី​សិល្បៈ​យ៉ាងជ្រៅ​ ។​

​មហាជន​ជាច្រើន​បាន​ទៅកាន់​ផ្សារ​ទំនើប​អ៊ី​អន​ម៉​ល កាលពី​ប៉ុន្មាន​ថ្ងៃមុន​មានការ​ភ្ញាក់ផ្អើល​ជាខ្លាំង​គ្រា​ដែល​បានឃើញ តារា​ទើបនឹង​រះ​ធី សុវណ្ណ​ថា ដើរ​បង្ហាញ​ម៉ូដ​ផលិតផល​គ្រឿងសម្អាង​មួយ​ប្រភេទ​ដែល​គេ​បានដឹងថា ជា​របស់​កញ្ញា​ឌួង ហ្សូ​រី​ដា​ ។

​អ្វីដែល​ធ្វើ​ឱ្យគេ​សឹងតែ​មិន​ជឿ​នោះ​គឺ​នាង​បាន​តុ​ប​តែ​ខ្លួន​យ៉ាង​ស្រស់ស្អាត​ជាមួយនិង​ដំណើរ​ដ៏​សមសួន​មិន​ខុសពី​តារា​ដើរ​ម៉ូដ​អាជីព​នោះទេ​។​ខណៈ​កម្មវិធី​នេះ​មានការ​ចូលរួម​សុទ្ធតែ​តារា​ល្បី​ដូចជា អ្នកនាង​ច​ន ច័ន្ទ​លក្ខិណា​, យ៉ែម ស្រី​ពេជ្រ​, អ៊ឹង និមល និង​អាចិន ជាដើម ​។​

​ជាមួយ​ព្រឹ​ត្ដិ​ការណ៍​នេះ​ក៏មាន​អ្នកទស្សនា​ខ្សឹបខ្សៀវ​គ្នា អ្នកខ្លះ​លាន់មាត់​ថា ”​មិន​នឹកស្មានថា​ធី សុវណ្ណ​ថា ស្រស់ស្អាត​ដល់​ថ្នាក់​ហ្នឹង​សោះ តើ​នាង​ពិតជា​ចូល​សិល្បៈ​មែនឬ​?

គួរ​បញ្ជាក់ថា កម្មវិធី​ដែល​កញ្ញា​ធី សុវណ្ណ​ថា ត្រៀម​ទៅ​ប្រកួត​នៅ​ប្រទេស​កូរ៉េ​ឈ្មោះថា ការប្រឡង​សម្រស់​អន្តរជាតិ Queen of the Spa ត្រូវ​ប្រកួត​ជា​ផ្លូវការ​នៅ​ប្រទេស​កូរ៉េ​នៅ​ថ្ងៃទី​៩ ដល់ ថ្ងៃទី​១៣ ខែមេសា ឆ្នាំ ២០១៨​នាពេល​ឆាប់ៗ​ខាងមុខនេះ ​។​

​បេ​ក្ខ​នារី​ចូលរួម​មិន​សំដៅលើ​នៅ​លីវ ឬ​រៀបការ​រួច​ទេ គ្រាន់​តែមាន​អាយុ​ចាប់ពី​១៨​ឆ្នាំ រហូតដល់​៣៥​ ។ ក្រៅពី​មាន​រូប​សម្រស់​ស្អាត ពួកគាត់​ត្រូវមាន​កិរិយាមារយាទ​ល្អ​ផងដែរ​។​ ក្នុងនោះ​កម្ពុជា​គ្រោង​នឹង​នាំ​ស្ត្រី​ខ្មែរ​ចំនួន​១៥​រូប​ចេញទៅ​ប្រទេស​កូរ៉េ ដើម្បី​ដណ្ដើមយក​ជ័យលាភី​៦​ម៉ឺន​ដុល្លារ បូក​និង​ម្កុដ​ពេជ្រ​មានតម្លៃ​ជាង​៣​ម៉ឺន​ដុល្លារ ​៕

ប្រភព៖ DNT-News

The post អីយ៉ាស់! ធី សុវណ្ណ​ថា ត្រៀម​ទៅ​ប្រកួត ការប្រឡង​សម្រស់​អន្តរជាតិ នៅកូរ៉េខែក្រោយ appeared first on Khmer Readers.

នៅក្នុងពិភពលិល្បៈ តារាចម្រៀងទើបរះក្ដី រះមកជាយូរហើយក្ដី តែងតែខ្លាចរអារក្នុងការតតាំងនឹងទង្វើអាក្រក់ផ្សេងៗ ព្រោះតែខ្លាចប៉ះពាល់ដល់អាជីពរបស់ខ្លួន ដែលនាពេលបច្ចុប្បន្ននេះ គឺមានបណ្ដាញសង្គម Facebook ដ៏ទូលាយផង ក៏កាន់តែធ្វើឲ្យពួកគេខ្លាចរអារ មិនសូវហ៊ានចេញសកម្មភាពណាមួយដែលជាចំណុចអាក្រក់របស់ខ្លួនឡើយ ព្រោះមានមហាជនម្នាក់ៗចាំដាក់ពិន្ទុនៅលើដៃរបស់ពួកគេផ្ទាល់ទាំងក្នុងស្រុក និងក្រៅស្រុក ។

ប៉ុន្តែ តារាចម្រៀង ម៉េង កែវពេជ្ជតា នាពេលកន្លងទៅ ដោយសារជាតារាចម្រៀងល្បីឈ្មោះតាំងពីដើមរៀងមកផង មានសម្លេងពិរោះក្រអួនក្រអៅផង ធ្វើឲ្យទស្សនិកជន និងអ្នកស្ដាប់ទទួលស្គាល់ច្រើននៅក្នុងអាល់ប៊ុមចម្រៀងនានា ដែលខុសអំពីតារាសម្ដែង ដែលមានតែនៅក្នុងកុន និងអត្តចរិតខាងក្រៅខុសស្រឡះពីការសម្ដែង ដែលតារាខ្លះ ពិសពុលខាងក្រៅ ល្អក្នុងរឿង អ្នកខ្លះកាចក្នុងរឿង តែស្លូតខាងក្រៅ សឹងមិនគួរឲ្យជឿ ។

តារាចម្រៀងម្នាក់នេះ បើទោះបីកន្លែងណាក៏អាចច្រៀងទៅបាន បើទោះជាអត់ភ្លេងមានភ្លេង ឲ្យតែមានអ្នកស្ដាប់ខ្លះ គឺយើងតែងតែឃើញគាត់បង្ហោះវីដេអូ និង Live នៅលើបណ្ដាញសង្គមដើម្បីឲ្យទស្សនិកជន និងអ្នកស្ដាប់បានទទួលសម្លេងរបស់នាង ដែលមិនដែលផ្លាស់ប្ដូរសោះឡើយ បើវ័យកាន់តែច្រើនក្ដី ។

នាពេលថ្មីៗនេះ តារាចម្រៀងម្នាក់នេះ បានធ្វើការតបតទៅកាន់អ្នកបួសម្នាក់ដែលមហាជនរិះគន់ថា ទេសនាមិនសមជាសង្ឃសាវ័កដែលត្រូវបួសរៀនប្រតិបត្តិក្នុងពុទ្ធសាសនានោះទេ តែតារាចម្រៀងម៉េង កែវពេជ្ជតា យល់ថាជាការបំផ្លាញពុទ្ធសាសនាទៅវិញ ដោយនាងបានសរសេររិះគន់ចំៗទៅកាន់សង្ឃអង្គនេះ ដែលមានព្រះនាមថា ឡុង ចន្ថា ដោយសេចក្ដីយ៉ាងដូច្នេះថា ៖

ការពិតមិនចង់​ Share នាំចង្អៀតទេ​ តែក្នុងនាមជាខ្មែរកាន់សាសនាព្រះពុទ្ធ​ថែមទាំងគោរពស្ម័គ្រស្មោះអស់ពីចិត្ត​ ពិតជាមិនសប្បាយចិត្តទេនៅពេលដែលឧស្សាហ៍ឃើញគេយកស្បង់ចីវរដែលគ្រប់គ្នាមិនថាចាស់ក្មេង​ ឬឋានៈប៉ុណ្ណាតែងលត់ជង្គង់ក្រាបសំពះដល់ធរណី​ មកស្រោបពីក្រៅខ្លួនបុគ្គលអសីល​បែបនេះ​ជាហូរហែរតែគ្មានឃើញវិធានការណ៍ណាមួយមកទប់ស្កាត់​ និងលប់បំបាត់បានសោះ​ ? ? ផ្ទុយទៅវិញ​បែរជាកើតមានប្លែកៗ​ ដូចករណីនេះ​…តើមកពីច្បាប់ធូរលុងពេក​ ឬមកពីអ្នកកាន់ច្បាប់មិនច្បាស់លាស់​ ? ? ? ខ្ញុំមាន​យោបល់នេះគឺដើម្បីទាំងអស់គ្នា​ និងការពារសាសនា​ព្រះពុទ្ធដែលជាសាសនារដ្ឋ​ប៉ុណ្ណោះ គ្មានបំណងអវិជ្ជមានណាមួយទេ​ តែបើជនណាហ៊ានយកសម្តីខ្ញុំនេះទៅកាឡៃសាច់រឿងក្នុងន័យអាក្រក់ដូចកាលរឿងលុយខ្មែរទៀត​ គឺជន​នោះជាជនបំផ្លាញជាតិ​ ។ 

សូមបញ្ជាក់ផងដែរថា ការចេញវីដេអូនេះ មានមតិរិះគន់ទៅកាន់តារាចម្រៀងជាច្រើន និងមតិគាំទ្រច្រើនផងដែរ ដោយមតិខ្លះយល់ថា វីដេអូនេះគឺកាត់តដោយសមាជិកគណបក្សនយោបាយដែលប្រឆាំងនឹងសង្ឃបែបនេះយូរមកហើយ គឹគណបក្សសម្ព័ន្ធដើម្បីប្រជាធិបតេយ្យ ហើយនាងយកមកដាក់និងវាយប្រហារប្រៀបដូចជានាងគាំទ្រទង្វើបក្សនេះ ។ ប៉ុន្តែនាងយកវីដេអូនេះ គឺចង់ការពារវិស័យពុទ្ធសាសនាប៉ុណ្ណោះ ហើយថ្កោលទោសតែសង្ឃឈ្មោះឡុង ចន្ថាប៉ុណ្ណោះ មិនមែនព្រះសង្ឃល្អៗដទៃទៀតនោះឡើយ ។ សូមមើល Comment ខាងក្រោម និងការឆ្លើយតបរបស់អ្នកនាងទៅកាន់ អ្នកដែលគិតថានាងកំពុងរិះគន់ខុស ៖

ដោយសារ រឿងរ៉ាវនេះ បានលេចលឺដល់សង្ឃកំហូចម្នាក់នេះ ភ្លាមៗនោះ លោកសង្ឃអង្គនេះបានចេញសារ និងឆាតគម្រាមដល់អ្នកនាងផ្ទាល់ទៀតផង តែអ្នកនាងក៏មិនខ្លាចនឹងតតាំងដែរ ដោយបានបញ្ចេញសារមកវិញលើបណ្ដាញសង្គមហ្វេសប៊ុក ម្ដងទៀតដែលលើកនេះទំនងធ្ងន់ជាងពេលមុនៗ ដោយនាងបានសរសេរយ៉ាងដូច្នេះថា ៖

ល្ងង់មិនមែនជាកំហុស​ តែដែលខុសគឺត្រង់ច្រលំថាខ្លួនឯងចេះ​ ! 
សង្ឃអង្គនេះខុសជ្រងោ​ តែលោកគិតថាលោកត្រូវ​ និងបានផ្ញើពាក្យគំរាមមកថែមទៀត ..ប្រសើរណាស់​គុណម្ចាស់​អឺយ តបឆ្លើយបានល្អ​បំផុត ស័ក្តិសមជាសង្ឃកាន់សីល១០ឥតខ្ចោះ​ ! ! មិនបាច់ឆ្ងល់ទេ​ថាសំដៅលើសង្ឃណា​ ?​ គឺគុណម្ចាស់ ឡុង​ ចន្ថា​ ហ្នឹងហើយ​ ! គុណម្ចាស់កំពុងប្រព្រិត្តប្រាសចាក​វិន័យ​​ធម៌នៃព្រះសម្មាសម្ពុទ្ធ ភ្លេចថាខ្លួនជាសង្ឃ ក្បត់ទឹកចិត្តគោរពដ៏ជ្រះថ្លាពីសំណាក់​ពុទ្ធសាសនិក​ យកលុយជាធំ​ ក្អេងក្អាង​ និងតែងតែយកវេលាទេសនាមករិះគន់ពេបជ្រាយតែរឿងបច្ច័យច្រើនជាងការផ្សព្វផ្សាយធម៌អប់រំល្អ ។ ណ្ហើយ​កុំវែងឆ្ងាយ​ គុណម្ចាស់ចង់ព្រលះអោយជ្រះក្អែល​ពីរឿងអី សូមនិមន្តតាមសប្បាយ​ចុះ​ ព្រោះមើលទៅគុណម្ចាស់ចូលចិត្តសប្បាយក្នុងហឹង្សា​ការឈ្លោះ​បញ្ចេញចង្កូម​​បែបអ្នកលេង​ខ្លាំងណាស់ ។ ! ឆាប់ព្រលះទៅដើម្បីគុណម្ចាស់ឆាប់បានដល់បរិនិព្វានលឿនដែរ​ តែគុណម្ចាស់កុំភ្លេចប្រើនេត្រា​មើល​មក Comment របស់ប្រជាពលរដ្ឋទាំងនេះផង​ គុណម្ចាស់នឹងជ្រាបថាគុណម្ចាស់កំពុងមានមោទ​នៈភាព​យ៉ាងក្រៃលែងដែលបានធ្វើអោយវិស័យព្រះពុទ្ធសាសនា​ត្រូវល្អក់កករ​ រងក្តីអាម៉ាស់​ និងអាចហិនហោច​បាន ឯព្រះសង្ឃល្អជាច្រើនត្រូវប្រជាពលរដ្ឋបាត់បង់ជំនឿ​ និងអាចឈានទៅរកការដាច់ចង្ហាន់ជាបណ្តើរៗ ! បើដូច្នេះគុណម្ចាស់កុំភ្លេចឆៀងចូលទៅយកពានពីក្រសួងធម្មការផង ព្រោះខាងក្រសួងអាចកំពុងត្រៀមប្រគេនពានបំផ្លាញវិស័យព្រះពុទ្ធសាសនាដែលជាសាសនារដ្ឋនេះដល់គុណម្ចាស់ហើយ ។ សូមអស់យោបល់សិន​ ។ សារនេះ​មិនបានចង់តតាំងជាមួយលោកទេ​ ព្រោះយ៉ាងណាលោកជាព្រះសង្ឃដែល​មានចំណុចខ្សោយច្រើនណាស់​ តែចរិតខ្ញុំមិនចូលចិត្តធ្វើបាបអ្នក​ទន់ខ្សោយ ដូច្នេះខ្ញុំគ្រាន់តែមានបំណងត្រឹម​ ទីមួយចង់ជម្រាបជូនពុកម៉ែយាយតាបងប្អូនជាទីស្រលាញ់ទាំងឡាយថា​ អ្នកណាក៍ចង់ធ្វើ​បុណ្យដែរ​ ឯផលតបស្នងនឹង​ទទួលបានវិញដោយប្រសើរ​ប្រសិនបើសង្ឃដែលយើងធ្វើបុណ្យជាមួយនោះបរិសុទ្ធ​ តែបើធ្វើប៉ះចំសង្ឃទ្រុស្តសីល​បែបនេះដូចយក​លុយ​ទៅជះចោល​ ។ ស្តាយកម្លាំងណាស់បងប្អូន​ ម្នាក់ៗខំធ្វើការយ៉ាងលំបាកបានប្រាក់បន្តិចបន្តួចថា​យកទៅធ្វើបុណ្យបែជាប៉ះសង្ឃចិត្តពាលមិនស្គាល់គុណតម្លៃនៃសទ្ធាហើយចំអកថែមទៀតដូច្នេះគួរអោយឈឺចាប់ណាស់ ។ ទីពីរ​ ៖​ សូមអោយបងប្អូនប្រជាពលរដ្ឋខ្មែរ​ខមិន​ បញ្ចេញមតិទាំងអស់គ្នា​ព្រោះទាំងនេះជាការបំភ្លឺទៅកាន់ក្រសួង​ធម្មការ​ និងក្រសួងពាក់ព័ន្ធ​ អោយចុះធ្វើចំណាត់ការលើសង្ឃប្រភេទនេះបានឆាប់ផង ដើម្បីរក្សាភាពស្អាតស្អំនៃសាសនា​ ក៍ដូចជារក្សាតម្លៃដល់ព្រះសង្ឃត្រឹមត្រូវដទៃទៀតអោយស្ថិតក្នុងសេចក្តីគោរពអំពីគ្រប់មជ្ឍដ្ឋាន​ ។ សង្ឃឹមថាខាងក្រសួងលោកនឹងមិនទុករឿងដ៏ក្តៅក្រហាយនេះចោលទេ​ ។​ ព្រះរាជាណាចក្រកម្ពុជាគឺជាប្រទេសឯករាជ្យអព្យាក្រិត្យ​ និងមានការដឹកនាំអភិវឌ្ឍន៍ក្រោមបាវច្ចនា​ ជាតិ​ សាសនា​ ព្រះមហាក្ស័ត្រ​ ! សូមកុំភ្លេចចូលរួមថែរក្សា​វប្បធម៌​ អរិយធម៌​ និងសាសនារបស់យើងអោយបានគង់វង្ស​ ព្រោះទាំងអស់នេះជាអត្តសញ្ញាណរបស់យើងដែរ​ ។ 
សេចក្តីគួរពុំគួរសូមអធ្យាស្រ័យ​ សូមអរគុណ
រាជធានីភ្នំពេញ​ ថ្ងៃពុធ​ ១៣រោច​ ខែផល្គុន​ ឆ្នាំរកា​ នព្វស័ក​ ព.ស.​២៥៦១ ត្រូវនឹងថ្ងៃទី១៤​ ខែ​ មិនា​ ឆ្នាំ​ ២០១៨

សូមមើល Comment ខាងក្រោមដែលជា Comment ដែលគាំទ្រដោយមតិភាគច្រើនក្នុងសង្គម ៖

ខាងក្រោមនេះជាសារដែលនាងតបតទៅកាន់អ្នកដែលរិះគន់ និងវាយប្រហារនាង តែនាងតបតទៅវិញដោយមិនខ្លាចរអារអ្វីទេ ព្រោះអ្នកនាងយល់ថានេះជារឿងត្រឹមត្រូវ ៖

មិនទាន់បានប៉ុន្មានផង អ្នកនាងម៉េង កែវពេជ្ជតា ចាប់ផ្ដើមប្រើធម៌ក្ដៅ ទំនងជាចង់ដាក់ពាក្យទៅកាន់ក្រសួងធម្មការ និងសាសនា ដើម្បីឲ្យជួយផ្សឹកលោកសង្ឃអង្គនេះ ចេញពីវិស័យព្រះពុទ្ធសាសនា ដើម្បីកុំឲ្យទេសនា និងបង្ខូចសាសនានេះបន្ដទៅទៀត ។

មិនទាន់បានប៉ុន្មានផង ព័ត៌មាននេះក៏លេចលឺទៅកាន់រដ្ឋមន្រ្តីក្រសួងព័ត៌មាន លោក ខៀវ កញ្ញរិទ្ធ បានធ្វើការរិះគន់ផងដែរ និងចង់ឲ្យចាត់វិធានការទៅកាន់សង្ឃអង្គនេះ ដែលធ្វើខុសនឹងវិន័យសង្ឃផង ទេសនាតាមរបៀបជនពាលផង ដែលធ្វើឲ្យសង្ឃ ឡុង ចន្ថា ធ្វើការចេញមុខសុំទោសទាំងស្លន់ស្លោរ ៖

ឡុង ចន្ថា កោសខ្យល់ផង ភ័យស្លន់ស្លោរមាត់ឡើងស្វាយ ចេញមុខសុំទោសជាសាធារណៈ

ភ្នំពេញ៖ រដ្ឋមន្រ្តីក្រសួង​ពត៌មានលោក ខៀវ កញ្ញារិទ្ធិ នៅថ្ងៃព្រហស្បត្ត៏ ទី ១៥ ខែ មិនា ឆ្នាំ ២០១៨ នេះបានចេញមកសសេរ​សារិះគន់តាម​Facebook ទៅលើព្រះសង្ឃ ឡុង ចាន់ថា ដែលល្បីល្បាញរឿង​​ទេសនាស្ដី​​អោយចាស់ៗនិងនិងមាន​សង្ឃដីការ កប្លែងសើចចុក​ពោះ​​មិនចាញ់​អ្នកលេងកប្លែង​របស់​ទូរទស្សន៏​ស៊ីធីប៉ុន្មាននោះ​ទេ ដោយលោករដ្ឋមន្រ្តីបានហៅ​ព្រះសង្ឃអង្គនេះ​ថាជា«ព្រះសង្ឃបំផ្លាញ»។

បើតាមលោករដ្ឋមន្រ្តី​ក្រសួងពត៌មានបង្ហោះសារ​តាមFacebook នោះគឺលោករដ្ឋមន្រ្តី​ចង់រិះគន់ថា ព្រះសង្ឃ ឡុង ចាន់ថា ជាអ្នកបំផ្លាញ​ព្រះពុទ្ធសាសនា​ដែលប្រជាពលរដ្ឋ​ខ្មែរជាង​៩០ភាគរយបានគោរព​ប្រតិបត្តិ។ ព្រោះតាមរយៈការទេសនាកន្លងម​ករបស់ព្រះសង្ឃ ឡុង ចាន់ថា គឺបានបង្ហាញ​ពីការមានសង្ឃដីការ​កម្លែង​លេងសើច ស្ដីបន្ទោសអោយ​ចាស់ៗនិងពេលខ្លះស្ដីអោយ​ម្ចាស់កម្មវិធីរឿង​ចូលបញ្ច័យតិចតួចតែចង់បានបុណ្យច្រើន ដោយព្រះអង្គចង់យកបញ្ច័យនេះទៅញុកមាត់អ្នកចូលបញ្ច័យតិចថែមទៀតផង។

អត្ថបទពី KhmerShare.News

បើតាមវីដេអូ Clip ដែលចេញដោយសង្ឃ ឡុង ចន្ថា បានធ្វើឡើងបន្ទាប់ពីមានការណែនាំដោយផ្ទាល់ពីដៃគូរសន្ទនា ទេសនារបស់លោក ហើយលោកបានបកស្រាយថា លោកនិយាយកំប្លែងលេងសើចនោះ មិនមែនជាការពិតអ្វីនោះទេ ។ សង្ឃអង្គនេះបានបន្ដទៀតថា ដោយសារខ្លួនរៀនបានតិចតួចបើសិនជាការទេសនាមានការខុសឆ្គងសូមមេត្តាខន្ដីអធ្យាស្រ័យដល់លោកផង ។

លោកសង្ឃអង្គនេះចាប់ផ្ដើមមានសង្ឃដីការទៀតថា អាត្មាដូចជាភ្លាត់ដែរក្នុងការនិយាយស្ដី ហើយថាប្រសិនបើការ Live មានការប៉ះពាល់ក៏សូមឈប់ធ្វើការ Live មួយរយៈ ហើយថាបើសិនជាអារម្មណ៍លោកមិនមូល មិនសប្បាយចិត្ត លោកនឹងមិន Live ហើយបើសិនជាមូលក៏ធ្វើការ Live ធម្មតា ។

លោកសង្ឃអង្គនេះបានបន្ដទៀតថា ប្រសិនបើអ្នកស្ដាប់តាមបណ្ដាញសង្គមហ្វេសប៊ុក មិនចូលចិត្តស្ដាប់ មិនគាំទ្រលោកនឹងមិន Live នោះទេ ដែលក្នុងគោលបំណងលោកចង់បានការគាំទ្រសិនមុននឹង Live ដែលក្នុងន័យនេះលោកគិតតែខ្លួនលោកប៉ុណ្ណោះ ។

លោកថា ក្នុងការប្រើប្រាស់ពាក្យសម្ដី អស់ញាតិញោមមិនយល់អធ្យាស្រ័យលោកបែរជាខឹង ហើយប្រសិនបើមានការខុសឆ្គងសង្ឃអង្គនេះនិយាយថា ឲ្យលោកសុំទោសផងទៅចុះ ។

ក៏ប៉ុន្តែជាក់ស្ដែង មានអ្នក Comment មួយចំនួនបានរិះគន់លោកសង្ឃអង្គនេះថាមិនទាន់បានធ្វើការសុំទោសដោយសុទ្ធចិត្ត និងបញ្ជាក់ថាខ្លួនដឹងកំហុសនោះទេ ពោលគឺលោកសុំទោសឲ្យរួចតែពីមាត់លោកប៉ុណ្ណោះ ហើយនឹងប្រព្រឹត្តិរឿងនេះ បន្ដទៀត ។

ទោះជាយ៉ាងណាក៏ដោយ មានប្រិយមិត្តម្នាក់បានធ្វើការ Comment ថាកុំតែរដ្ឋមន្រ្តីក្រសួងព័ត៌មានចេញមុខរិះគន់ចំៗទេ កុំអីលោកនឹងមិនចេញមុខសុំទោសបែបនេះនោះឡើយ ។

ប្រភព៖ ព្រះមហាថេរប្បញ្ញោឡុងចន្ថា Facebook Page

គួររំលឹកផងដែរថា អ្នកនាង ម៉េង កែវពេជ្ជតា បានធ្វើការតបតនូវតារាចម្រៀង និងសម្ដែងផ្សេងទៀតនៅក្នុងជួរសិល្បៈ ដែលជាប្រភពនៃគូរប្រកួតប្រជែងពិសពុលផងដែរ ដែលចុងក្រោយគ្មាននណាអាចតតាំងនឹងអ្នកនាងបាននោះទេ ដោយសារតែភាពត្រឹមត្រូវ ជាខ្នងបង្អែក និងមានឋានៈស្មើរគ្នា ក្នុងសង្គមកាលពីឆ្នាំ២០១៧កន្លងទៅ ៖

គួរបញ្ជាក់ផងដែរថា តារាចម្រៀង ម៉េង កែវពេជ្ជតា ក៏បានតវ៉ាទៅនឹងបទចម្រៀង ចេន សានចៃ ដែលយកបទភ្លេងម្ចាស់ដើមទៅប្រើដោយមិនបានសុំផងដែរ ដែលសារព័ត៌មាននគរធំត្រូវបានចុះផ្សាយយ៉ាងដូច្នេះថា ៖

ម៉េង កែវ​ពេជ្ជតា ប្រតិ​កម្ម​នឹង​បទ​ចម្រៀង “រាំវង់​អន្លង់​រមៀត”

ភ្នំពេញ ៖ តារាចម្រៀងស្រីល្បីឈ្មោះបោះសំឡេងនិងមានទឹកដមសំនៀងក្រអួនក្រអៅ ជាប់ក្នុងក្រអៅបេះដូងមហាជនទូទៅ អ្នកនាង ម៉េង កែវពេជ្ជតា បានបញ្ចោញនូវប្រតិកម្មធ្ងន់ៗ ទាក់ទងទៅនឹងការចេញបទចម្រៀងថ្មីរបស់ ផលិតកម្មថោន ដែលមានចំណងជើង “រាំវង់ អន្លង់រមៀត” ច្រៀងដោយតារាចម្រៀងស្រី ចេន សាយចៃ ដោយអ្នកនាងម៉េង កែវពេជ្ជតា បានបញ្ជាក់ថា ទង្វើនេះគឺជាការមិនគោរពកម្ម- សិទ្ធិបញ្ញា ពិសេសមិនគោរពសិទ្ធិបុគ្គលតែម្តង ខណៈដែលបទចម្រៀងមួយនេះ អ្នកនាងផ្ទាល់ គឺជាម្ចាស់បទ និងម្ចាស់សំឡេងដើម។

គួរបញ្ជាក់ថា កាលពីថ្ងៃទី១៩ ខែកុម្ភៈ ឆ្នាំ២០១៧ កន្លងទៅ ទំព័រហ្វេសប៊ុករបស់ ផលិតកម្មថោន បានបង្ហោះនូវបទចម្រៀងរាំវង់ មួយបទដែលមានចំណងជើង “រាំវង់អន្លង់រមៀត” ព្រមទាំងបានសរសេរបញ្ជាក់ថា “អ្នកណាខ្លះ ចូលចិត្តចង្វាក់រាំវង់? តោះមករាំលេងកម្សាន្ត ជាមួយអ្នកនាងចេន សាយចៃ ក្នុងបទចម្រៀង មរតកដើម “រាំវង់អន្លង់រមៀត” ចេញលក់ក្នុង ពេលឆាប់ៗនេះ។

– បទ ៖ រាំវង់អន្លង់រមៀត

– ច្រៀង ៖ ចេន សាយចៃ

– និពន្ធទំនុកច្រៀង និងបទភ្លេង ៖ មរតកដើម

– សម្រួលបទភ្លេង ៖ ដា ភ្លេង”។

បន្ទាប់មក នៅរសៀលថ្ងៃទី២០ ខែកុម្ភៈ ឆ្នាំ២០១៧ តារាចម្រៀង ម៉េង កែវពេជ្ជតា បានបញ្ចោញនូវប្រតិកម្មចំពោះការចេញបទ ចម្រៀង “រាំវង់អន្លង់រមៀត” របស់ផលិតកម្ម ថោន តាមរយៈទំព័រហ្វេសប៊ុកផ្ទាល់ខ្លួនយ៉ាង ដូច្នេះថា “ជម្រាបសួរពុកម៉ែ បងប្អូន ពូមីង និង មិត្តជាទីគោរពស្រលាញ់ ក្រោយការដាក់បង្ហោះ ផ្សព្វផ្សាយបទចម្រៀង “រាំងវង់អន្លង់រមៀត” លើទំព័រសង្គមពីផលិតកម្មមួយ រួចមក ចម្ងល់ សំណួរ ប្រតិកម្ម និងមតិជាច្រើនបានផុសឡើង ជាបន្តបន្ទាប់ក្នុងន័យមិនពេញចិត្តនូវទង្វើរបស់ ផលិតកម្មមួយនោះ ដែលមិនត្រឹមមិនគោរព ច្បាប់នៃកម្មសិទ្ធិបញ្ញា មិនគោរពសិទ្ធិបុគ្គល មិន ដឹងកំហុស តែបែរជាចេញមកដោះសារដោយ ប្រើពាក្យមិនសមគួរបែបចំអកច្រាសឱ្យអ្នក គាំទ្រទៅវិញ។ នៅគ្រានេះដែរ សំណូមពរឱ្យ មានការបកស្រាយពីនាងខ្ញុំក្នុងនាងជាម្ចាស់ សំឡេងម្ចាស់បទចម្រៀងក៏ច្រើន។ ដូច្នេះនាង ខ្ញុំសូមអនុញ្ញាតចូលរួមយោបល់បន្តិចតាមការ ពិត។

ពីដំបូងបទនេះ សាច់ភ្លេងដើមច្រៀង ដោយអធិរាជសំឡេងខ្មែរ ស៊ិន ស៊ីសាមុត មាន ចំណងជើងថា “ស្រណោះណាស់” ហើយត្រូវ បានបង្កើតទំនុកច្រៀងថ្មី ជាបទស្រីនិពន្ធដោយ លោកបី ប៊ុនធួក ក្នុងផលិតកម្មឆ្លងដែន មាន ចំណងជើងថា “រាំងវង់អន្លង់រមៀត” ច្រៀង ដោយនាងខ្ញុំពេជ្ជតា និងសម្រួលតន្ត្រីថ្មី ដោយ លោកម៉ិញ សុធីវណ្ណ ហៅតូ។ បទទាំងពីរនេះ មិនមានទំនុកដូចគ្នាទេ រីឯសាច់ភ្លេង ក៏មាន កន្លែងខុសគ្នាបន្តិចៗដែរ។ បើតាមខ្ញុំចងចាំ បទនេះ (រាំងវង់អន្លង់រមៀត) លោកប៊ុនធួក គាត់និពន្ធតាំងពីឆ្នាំ១៩៧៥ ដោយយកតែសាច់ ភ្លេងចាស់របស់លោកស៊ិន ស៊ីសាមុត ប៉ុណ្ណោះ ឯទំនុកជាបទស្រី តែមិនទាន់បានថតទេ ព្រោះ ចូលរបបប៉ុលពត។ ទើបតែឆ្នាំ១៩៩៥ ទើប លោកយកមកឱ្យនាងខ្ញុំច្រៀង ថតបញ្ចូលស៊ីឌី ក្នុងផលិតកម្មឆ្លងដែន។ រាប់ពីពេលនាងខ្ញុំថត មកដល់បច្ចុប្បន្នបទនេះ មានអាយុ២២ឆ្នាំហើយ ហើយការគាំទ្រនៅតែមាន បើទោះបទនេះត្រូវ បានអ្នកចម្រៀងស្រករក្រោយយកមកច្រៀង តាមក្នុងផលិតកម្មផ្សេងក្តី។

ប៉ុន្តែកាលពីប៉ុន្មានថ្ងៃមុននេះមិត្តអ្នកគាំទ្រ បានប្រទះឃើញបទនេះត្រូវបានផលិតកម្មក្នុង ស្រុកមួយយកមកថតចេញលក់ ដោយយក ទំនុកពីបទរបស់ពេជ្ជតា ក្នុងផលិតកម្មឆ្លងដែន ទាំងស្រុង ប៉ុន្តែបែរជាដាក់ថាជា “មរតកដើម” ទៅវិញ? ត្រង់នេះខ្ញុំចង់សួរថា ៖

-តើពាក្យមរតកដើមរបស់អ្នក មានន័យ ថាម៉េច? សង្ឃឹមថា ពាក្យមរតកដើមនេះមិន សំដៅទៅលើបទចម្រៀងដែលម្ចាស់បទស្លាប់ អស់នោះទេ មែនទេ?

-ចុះបើអ្នកចាត់ទុកថា បទនេះ មិនមែន ជាស្នាដៃនិពន្ធផ្ទាល់របស់អ្នកនិពន្ធក្នុងផលិតកម្ម ខ្លួនទៅហើយ ហេតុអីអ្នកមិនស្រាវជ្រាវឱ្យច្បាស់ រួចសុំស្នើពីម្ចាស់គេផងទៅ បើម្ចាស់គេនៅរស់ ជ្រងោៗនៅឡើយនេះ?

-តើការធ្វើមិនស្គាល់ម្ចាស់ដើម វាអាច ក្លាយជាវប្បធម៌ជាន់ពន្លិចដែរទេ?

-តើការគោរពសិទ្ធិម្ចាស់ដើមវាពិបាក សម្រាប់អ្នកខ្លាំងណាស់ ឬយ៉ាងណា? បើតាម ស្គាល់ផលិតកម្មនេះ ខ្ញុំគិតថា អ្នកមិនមែនជា មនុស្សបែបហ្នឹងទេ តែថ្ងៃនេះខ្ញុំមិនយល់ឡើយ។ ថ្ងៃនេះខ្ញុំចង់ប្រាប់អ្នកថា ខ្ញុំមិនអន់ចិត្តទេ ដែល អ្នកយករបស់ខ្ញុំទៅញ៉ាំ តែវាអាក្រក់មើលបំផុត ដែលអ្នកភ្លេចគុណខ្ញុំ។ ពិតជាខកចិត្តនឹងផលិតកម្មអ្នកខ្លាំងណាស់”។

ជុំវិញការបញ្ចោញប្រតិកម្មរបស់តារាចម្រៀង ម៉េង កែវពេជ្ជតា ខាងលើនេះ “នគរធំ” នៅ មិនទាន់អាចទាក់ទងសុំការបំភ្លឺ ឬឆ្លើយតបពី ភាគីផលិតកម្មថោន បាននៅឡើយ កាលពី ម្សិលមិញ។ យ៉ាងណា យើងរង់ចាំការបកស្រាយ បំភ្លឺពីគ្រប់ភាគីពាក់ព័ន្ធទាំងអស់៕

ប្រភព បណ្ដាញសង្គមហ្វេសប៊ុក Meng Keo Pichenda – ពេជ្ជតា

The post ម៉េង កែវពេជ្ជតា ប្រឆាំងនឹងអំពើអាក្រក់ក្នុងសង្គម មិនខ្លាចខូចកេរ្តិ៍ឈ្មោះ តែកាន់តែល្បីទៅវិញ appeared first on Khmer Readers.

ជម្លោះរវាង ម្ចាស់សារព័ត៌មានទាន់ហេតុការណ៍ សុវណ្ណ រិទ្ធី និង សាន ប៊ុនធឿន ក្នុងការឌឺដងគ្នា មិនទាន់ចបង់នៅឡើយទេ ថែមទាំងមាន Page មួយចំនួនបានធ្វើការកាត់តវីដេអូត្រូលពេញបណ្ដាញសង្គម ដោយសុវណ្ណ រិទ្ធី បានធ្វើការនិយាយក្នុងវីដេអូ Live ថាចង់បបួល លោក សាន ប៊ុនធឿន ចាងហ្វាងកាសែត សម្លេងស្នេហាជាតិ និងចូលចិត្តផឹកស្រាបៀ ABC ឡើងសៃវៀនប្រដាល់ CTN ឬប៉ុស្ដិ៍ណាក៏បាន វ៉ៃដាក់ក្ដារម្ឈូស ។

បើយោងតាមប្រភពនៃបណ្ដាញសង្គមហ្វេសប៊ុក ដែល Page ត្រូលពូម៉ូតូឌុប ចែកចាយបន្ដដោយជីវិតក្មេង កំព្រាឪពុក បានធ្វើការបង្ហោះខ្សែវីដេអូនេះ ដោយលោក សុវណ្ណ រិទ្ធី បានធ្វើការរិះគន់ទៅលើលោក សាន ប៊ុនធឿនកាលមានជម្លោះជាមួយ កញ្ញា ធី សុវណ្ណថា ដែលជាសកម្មជនជិតស្និទ្ធរបស់បក្សកាន់អំណាច និងបានសុំទោសកញ្ញា និងថែមទាំងឲ្យស្រាបៀ ABC ទៀតផង ដោយខ្លាចគេដែរ ។

ងាកមកចាងហ្វាងកាសែត សម្លេងស្នេហាជាតិម្ដង លោក សាន ប៊ុនធឿន ក៏បាននិយាយថា ការលើកលែងទោស និងការចាប់ខ្លួននោះ គឺមកពីស្រាជាអ្នកនិយាយមិនមែនលោកនិយាយឡើយ ក្នុងទំនងជាស្រវឹងស្រាតិចៗផង និងពាក់វ៉ែនតាខ្មៅ ។

ទន្ទឹមនឹងពេលនោះផងដែរ សារកាត់ត លោក សាន ប៊ុនធឿន បានបបួល សុវណ្ណ រិទ្ធីបាញ់គ្នាដោយប្រើប្រាស់កាំភ្លើង ៩១១ ដើម្បីបាញ់គ្នាសាកល្បង ដោយលោកចាងហ្វាងកាសែតរូបនេះ អះអាងថា បើមិនធ្វើខ្លាំងខ្លះ ក្មេងមើលងាយខ្លួន ។

លោក សុវណ្ណ រិទ្ធីបាននិយាយបន្ដថា លោកមិនចេះបាញ់ស្អីទេ តែបើវ៉ៃគ្នាលោកថាដាក់លើសៃវៀនណាក៏បានដែរ CTN ក៏បាន ប៉ុស្ដិ៍ណាក៏បានដែរ ដាក់ពាក្យឡើងវ៉ៃទៅ ហើយលោកថែមទាំងនិយាយថា វ៉ៃដាក់ក្ដាម្ឈូសក៏បានដែរ បើសិនជាឡើងវ៉ៃ ។

ជាក់ស្ដែងលោកសាន ប៊ុនធឿនបានតបតទៅវិញថា វ៉ៃម៉ោងប៉ុន្មានក៏បានដែរ ហើយថាទៀតថា ខ្លួនមានគីឡូធំជាង បើឡើងវ៉ៃខ្លួនយកតែពាក់កណ្ដាលទេ ព្រោះថា គីឡូរបស់ខ្លួនធ្ងន់ជាង រហូតដល់និយាយថា អួតខ្លួនទាត់ អេភូថង មួយជើងដួលទៀតផង ។

មិនត្រឹមតែប៉ុណ្ណោះ សាន ប៊ុនធឿនបាននិយាយថា នួន ភារម្យ សេន ប៊ុនថេន ក៏ទប់មិនជាប់ផង ដោយអួតថាខ្លួនអ្នកប្រដាល់ជំរុំធ្លាប់វ៉ៃជាមួយថៃច្រើនណាស់ ទៀតផង ។

សុវណ្ណ រិទ្ធីនិយាយថា ខ្លួនមិនជឿទេថា មួយដៃងាប់នោះទេ ធំប៉ុណ្ណឹងដែរ មាឌប៉ុណ្ណឹងដែរមិនសមនោះឡើយ លោកថាបើចង់សាកមើល៍ ។

The post សុវណ្ណ រិទ្ធី ម្ចាស់ TVFB បបួលអ្នកកាសែត សាន ប៊ុនធឿន ឡើងសៃវៀន ប្រដាល់វៃដាក់ក្ដាម្ឈូស appeared first on Khmer Readers.

តា James Sok ដែលនៅលើបណ្ដាញសង្គមតែងតែ Live ហើយអ្នកមើលមិនក្រោម ៥០០នាក់នោះទេ ជាទូទៅ លោកបាននិយាយបើកកកាយ ប្រវត្តិសាស្រ្តផង និងបង្កើតទស្សនៈនានាផង ដើម្បីឲ្យខ្មែរបានក្ដីសុខ ។

ប៉ុន្ដែនាថ្ងៃម្សិលមិញថ្មីៗនេះ តា James Sok ត្រូវបានបង្ហោះសារមកថា ខ្លួនត្រូវបានសកម្មជន របស់បក្សពួក សម រង្ស៊ី បានចោទលោកថា ជាយួន ដោយលោកបាននិយាយថា ៖

សំណើចថ្ងៃនេះ…ឲ្យតែ ជេមសុខ និយាយអ្វីប្រឆាំង រង្ស៊ី មនុស្ស ជេមសុខក្លាយជាយួន
– ពេល ជេមសុខ តវ៉ានឹងនយោបាយ រង្ស៊ី គាត់ក្លាយជាយួន។
– ពេល ជេមសុខ និយាយអំពី រង្ស៊ី បំបែករចនាសម្ព័ន្ធសង្គ្រោះជាតិនៅបរទេស គាត់ក្លាយជាយួន។
– ពេល ជេមសុខ និយាយអំពី រង្ស៊ី សន្យាផ្ដល់សិទ្ធស្វ័យភាពឲ្យម៉ុងតាញ៉ា គាត់ក្លាយជាយួន។
– ពេល ជេមសុខ និយាយអំពី រង្ស៊ី ទៅសេពគបនិងយួនហាណូយ គាត់ក្លាយជាយួន។ 

ក្នុងន័យនេះ មានអ្នកបញ្ចេញមតិនៅលើបណ្ដាញសង្គមភាគច្រើនបានធ្វើការនិយាយថា ខ្មែរលែងចេះស្ដាប់ហេតុផលទៀតហើយ ដោយប្រកាន់បក្សពួកជារឿងចាំបាច់ទៅវិញ ៖

បើទោះជាយ៉ាងនេះ ក្ដី លោកតា ជេម សុខ ក៏បានធ្វើការនិយាយថា ពួកគេទាល់តម្រិះ និងមិនប្រតិកម្មអ្វីច្រើននោះទេពាក់ព័ន្ធនឹងការចោទប្រកាន់ថា សម រង្ស៊ី​ជាកូនយួន ព្រោះដោយហេតុផលថា អ្នកដែលចោទអ្នកដទៃជាយួន ជាយួននោះឯង តែតា James Sok គ្រាន់តែនិយាយថា សម រង្ស៊ីទាល់តម្រិះ និងចង់ឲ្យរួបរួមគ្នាទៅវិញ ។

ប្រភព៖ Facebook James Sok

The post តាជេម សុខ ហួសចិត្ត បន្ទាប់ពីបញ្ចេញទស្សនៈប្រឆាំង សម រង្ស៊ី គេចោទថា «យួន» appeared first on Khmer Readers.

លោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ ធ្លាប់បកស្រាយរួចមកហើយនៅក្នុងវេទិការរបស់លោក តាំងពីឆ្នាំ២០១៤ មកម្លេះ ដោយលោកបានបកស្រាយចំណុចមួយៗរបស់ស្លាកសញ្ញានេះដូចតទៅ ៖

អត្ថប្រយោជន៍នៃរូបសញ្ញា របស់គណបក្ស

១ រូបសញ្ញាជួង ហៅខ្លីស្រួលចាំ

លោក ខឹម វាសនា បានបកស្រាយត្រង់រូបនេះ ដោយលោកមិនដែលបានខ្វល់ទៅលើរូបសញ្ញាអ្វី ឬពណ៌ជាអ្វីទេ ប៉ុន្តែលោកបាននឹកឃើញថា បើដាក់រូបជួង គឺស្រួលចាំ ។

២ រូបសញ្ញាដែលឥតរញ៉េរញ៉ៃ

មានរូបសញ្ញាដទៃជាច្រើនមានរូបសញ្ញា មនុស្សប្រុសមនុស្សស្រី រូបស្រូវ កសិកម្ម… ជាច្រើនប៉ុន្តែលោកបានរកនឹកដាក់ពាក្យថាជួងព្រោះខ្លីងាយស្រួលចាំ ដោយលោកបានគិតថា ខ្មែរមិនសូវជាចាំច្រើននោះទេ ពិសេសរឿងនយោបាយទៅទៀត ដោយដាក់ Logo ថាជួងមួយម៉ាត់គឺងាយចាំតែម្ដង ។

អត្ថន័យរបស់ Logo គណបក្ស

លោក ខឹម វាសនា បានបកស្រាយថា ជួងគឺមានអត្ថន័យដាស់ស្មារតី កូនខ្មែរគ្រប់រូបឲ្យចេះជួយខ្លួនឯង ចេះស្ដាប់ចេះពិចារណា ដោយលោកបាននិយាយក្នុងសារវីដេអូថា ការលើកស្លាកមិនមែនជាចំណុចសំខាន់ខ្លាំងពេកនោះទេ ព្រោះថាប្រសិនបើប្រជាពលរដ្ឋយល់ច្បាស់ទោះដល់កន្លៀតណាក៏រក Logo គណបក្សទាល់តែឃើញ ដោយលោកបានសង្កត់ធ្ងន់ថា បើប្រជាពលរដ្ឋយល់ពីចេតនាក្នុងការបើកគណបក្សរបស់ពួកយើង គឺគ្មានអ្នកណាជាន់ក្បាលបាននោះទេ ។

សូមស្ដាប់ Clip Video ខ្លីរបស់គណបក្សសម្ព័ន្ធដើម្បីប្រជាធិបតេយ្យលើអត្ថន័យស្លាកសញ្ញាគណបក្ស ៖

The post ស្ដាប់លោក ខឹម វាសនា បកស្រាយអត្ថន័យ ស្លាកសញ្ញាគណបក្សសម្ព័ន្ធដើម្បីប្រជាធិបតេយ្យ appeared first on Khmer Readers.

ភ្នំពេញ៖ ប្រធានរាជបណ្ឌិត្យសភា លោកបណ្ឌិតសភាចារ្យ សុខ ទូច បានធ្វើការអំពាវនាវ ឲ្យប្រជាពលរដ្ឋ និងអ្នកដែលលេងល្បែង នយោបាយ ដែលបានផ្កាប់មុខទៅរកបក្សម្ខាង កុំឲ្យយករឿងទឹកដីមកប្រើប្រាស់ ដើម្បីធ្វើជាចរន្តនយោបាយ ព្រោះរឿងទឹកដីផ្សេង រឿងនយោបាយផ្សឹង។

លោកបណ្ឌិត សុខ ទូច បានថ្លែងក្នុងពិធីសម្ពោធសៀវភៅ ទំនាស់ព្រំដែនកម្ពុជា-ឡាវ ចាប់ពីតំបន់ អូរអាឡៃ ដល់ចំណុចប្រសព្វខេត្តស្ទឹងត្រែង និងវចនានុក្រមអក្ខរា វិរុទ្ធនៃភាសាខ្មែរ នៅម៉ោង២រសៀល ថ្ងៃទី១៦ ខែមីនា ឆ្នាំ២០១៨ នៅសាលនាងនួន នៃរាជបណ្ឌិត្យសភាកម្ពុជាថា “អីចឹងទេ អ្នកខ្លះថា សម្ដេចនាយក ទៅដោះស្រាយរឿងព្រំប្រទល់ កម្ពុជា-ឡាវ ថាទៅយកក្រេឌីតពីប្រជាជន បង្ហាញថា ជិតបោះឆ្នោត ឃុំ-សង្កាត់ត្រូវធ្វើចឹង។ នែ៎! វាទៅអីចឹង សាកឲ្យឡាវយកមើល បើមិនជេរសម្ដេចនាយក អាក្បត់ជាតិឥឡូវ កាត់ដីឲ្យឡាវ ដល់ពេលគេទៅដោះស្រាយថា គេទៅយកពិន្ទុ ដើម្បីបោះឆ្នោតឃុំ-សង្កាត់ វាធ្វើៗចឹង ឲ្យឡាវមកធ្វើ ធ្វើឯងអីណា ទៅធ្វើការចចារដាក់កម្លាំងទ័ព ចង់ថា សម្ដេចនាយកហ្នឹង បង្ហាញកម្លាំងកងទ័ព ឲ្យគណបក្សមួយទៀតខ្លាច។  ចឹងមិនដឹងបង្ហាញតាមរយៈអី ធ្វើបង្កើតបញ្ហារឿងព្រំដែន ហ្នឹងទៅ”។

លោកបន្តថា “ចឹងសូមឲ្យអ្នកនយោបាយ សូមឲ្យជនរួមជាតិបើយើង ផ្កាប់មុខទៅខាងណា វាជារឿងនយោបាយ ប៉ុន្តែរឿងទឹកដី កុំយកមកប្រើប្រាស់ ជាចរន្តនយោបាយ ឲ្យសោះ ។ កុំៗយកធ្វើជាចរន្តនយោបាយ ឲ្យសោះ កន្លែងហ្នឹង ខ្ញុំសូមបញ្ជាក់ម្ដងទៀត គឺធ្វើអីក្បត់ចិត្តអី ធ្វើសប្បនិម្មិតចឹងធ្វើអត់បានទេ”។

ក្នុងឱកាសនោះដែរ លោកបានបញ្ជាក់ថា សៀវភៅទំនាស់ព្រំដែនកម្ពុជា-ឡាវ នេះមានសារសំខាន់ជាច្រើនដូចជា បើមានរឿងព្រំដែនថ្ងៃក្រោយទៀត សៀវភៅនេះមានមូលដ្ឋានច្បាប់គ្រប់គ្រាន់ ដែលអាចមានប្រៀបទៅលើភាគីឡាវបាន សម្រាប់ការពារទៅថ្ងៃមុខ។

លោកថា សៀវភៅនេះ ជាផ្នែកច្បាប់ដែលបានប្រកាន់ ផែនទីខ្នាតមួយលើមួយរយពាន់ ហើយផែនទីនេះ ភាគីឡាវ និងកម្ពុជា ក៏បានមានការព្រមព្រៀងគ្នា រួចមកហើយ។ ឡាវក៏បានទទួលស្គាល់ និងបានបញ្ជាក់កងទ័ពទាំងអស់របស់ឡាវ ឲ្យដកចេញពីតំបន់អូរអាឡៃ និងមន្រ្តីរាជការបស់ឡាវទាំងអស់ ដែលធ្លាប់បានធ្វើអាជីវកម្ម នៅអូរអាឡៃដកចេញ ពីទឹកដីកម្ពុជា ។

សូមបញ្ជាក់ថា ទំនាស់ព្រំដែនកម្ពុជា-ឡាវនេះ បានចាប់ផ្តើមពីខែកុម្ភៈ ឆ្នាំ២០១៧ដោយ យោធាឡាវបានបង្កភាពតានតឹង នៅតាមបណ្តាយព្រំដែន ខេត្តស្ទឹងត្រែង និងខេត្ត អាតាពើ ដោយយោធាឡាវ បានឆ្លងទន្លេសេកុង មកជីកលេណដ្ឋាន និងឃាត់គ្រឿងចក្រ របស់កងវិស្វកម្មកម្ពុជា នៅចំណុចអូរតាក់ឡាវ។ ក្នុងខែមេសា ឆ្នាំ២០១៧ ទាហានឡាវ បានចូលមកបាញ់ថ្នាំលើដើមឈើ ដី និងផ្ទាំងថ្មនៅក្បែរតំបន់អូរអាឡៃ ក្នុងនោះដែរ កងអនុសេនាធំទី២ ទី៣ របស់វរសេនាតូចលេខ២១ ប្រមាណ៦០ ទៅ៨០នាក់របស់ឡាវ បានឆ្លងទន្លេសេកុង មកបោះទីតាំងនៅក្បាលអូរអាឡៃ និងចំណុចកំពស់១៣១ ក្នុងទឹកដីកម្ពុជា។

បន្ទាប់ពីមានបញ្ហានេះមក នាយករដ្ឋមន្រ្តីកម្ពុជា សម្តេចតេជោ ហ៊ុន សែន និងនាយករដ្ឋមន្រ្តីឡាវ លោក  ថង់ លួនស៊ីសូលីត បានជួបពិភាក្សាដោះស្រាយ ហើយក៏បានព្រមព្រៀង បញ្ចប់បញ្ហាទាំងអស់ផងដែរ៕

ប្រភព៖ Dap News

The post លោក សុខ ទូច ថាពលរដ្ឋផ្កាប់មុខទាំងឡាយ ជារឿងនយោបាយ ចឹងកុំយកទឹកដីមកឡូកឡំ appeared first on Khmer Readers.

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានទម្លាយអាថ៌កំបាំងថា លោកជុន ចាន់បុត្រ ជាអ្នកគ្រប់គ្រប់ វិទ្យុអាស៊ីសេរីជាខេមរភាសា ជាអ្នកប្រាប់ថា អាមេរិកជាអ្នកសម្លាប់ លោកបណ្ឌិត កែម ឡី ហើយក៏ជាអ្នកចារកម្មឲ្យសម្តេចផងដែរ ហើយសម្តេចបានអះអាងថា អ្នកដែលគាំទ្រអ្នកព័ត៌មាន របស់អាស៊ីសេរីនេះ គិតម៉េចដែរចំពោះបុគ្គលរូបនេះ ។

ក្នុងពិធីជួបសំណេះសំណាល ជាមួយពលរដ្ឋខ្មែរនៅទីក្រុងស៊ីដនី ប្រទេសអូស្ត្រាលី នៅថ្ងៃទី១៦ ខែមីនា ឆ្នាំ២០១៨នេះ សម្តេចតេជោ បានទម្លាយអាថ៌កំបាំង របស់លោក ជុន ចាន់បុត្រ និងរឿងកែម ឡី ខណៈប្រពន្ធលោកកែម ឡី អ្នកស្រីប៊ូ រចនា និងលោក ជុន ចាន់បុត្រ កំពុងស្នាក់នៅអូស្ត្រាលីស្រាប់។

សម្តេចបន្តថា សម្តេចមិនចង់ទម្លាយអាថ៌កំបាំងនេះទេ ប៉ុន្តែមកពីពួកគេបានចោទប្រកាន់សម្តេច ជាអ្នកសម្លាប់លោកកែម ឡី ខណៈមុនការស្លាប់របស់លោក កែម ឡី គឺសម្តេចបានគម្រោង ជួបលោកកែម ឡីផងដែរ។

សម្តេចនាយករដ្ឋមន្រ្តីថា អ្នកដែលដឹងរឿងនេះ មានចំនួនតិចតួច ប៉ុន្តែសម្តេចត្រូវតែទម្លាយ ដើម្បីបង្ហាញពីការស្មោះត្រង់ របស់សម្តេច ខណៈសម្តេចមិនបានដឹង អំពីការធ្វើឃាតលើលោកបណ្ឌិតនោះទេ។

សម្តេចតេជោបញ្ជាក់ថា “ជុន ចាន់បុត្រ បានទៅជួប ម៉ៅ សុផាន់ មុនពេលជួបហ៊ុនម៉ាណែត ដើម្បីឲ្យការពារខ្លាចអាមេរិក សម្លាប់ដូចកែម ឡី ហ៊ានស្បថអត់? មានបញ្ហារត់ចេញពី ប្រទេសមកប្រទេសក្រៅ។ អ្នកបញ្ជូនរឿងនេះមកខ្ញុំគឺកូនខ្ញុំ។ ខ្ញុំនិយាយនៅនេះ ទាល់ពេល ជុន ចាន់បុត្រ និងប្រពន្ធកែម ឡីនៅទីនេះ”។

ប្រមុខរាជរដ្ឋាភិបាលកម្ពុជាបន្តថា “ លោកស្រីប៊ូ រចនា គិតមើលក្នុងឋានៈជាម្តាយ តើចង់កូនងាប់ទេ លោកស្រីដឹងទេ ពីផែនការប្តីលោកស្រី ចង់ជួបខ្ញុំ”។ សម្តេចតេជោបានលើកឡើងទៀតថា លុយប្រមូលបានអំពីមូលនិធិកែម ឡីបាត់ទៅណា ប្រមូលបានយកទៅណា ហេតុអីជំពាក់ថ្លៃបបររបស់គេ រហូតអត់លុយឲ្យគេ និងខ្វះលុយធ្វើចេតីយ៍ ហើយសម្តេចបានឧបត្ថម្ភ ប្រមាណជា៧ម៉ឺនដុល្លារ ថែមទៀត។

សម្តេចនាយករដ្ឋមន្រ្តីសង្កត់ធ្ងន់ថា “ជុន ចាន់បុត្រហ៊ាន ឬមិនហ៊ាន ស្បថ ទេ លោកឯងជាមនុស្សធន់ណា អីចឹងយល់យ៉ាងម៉េច លោកឯង ជេរ ហ៊ុន សែន មកនិយាយជាមួយកូន ហ៊ុន សែន ។ លោកឯងមិនចេះខ្មាសអៀនទេអី។ ជុន ចាន់បុត្រ និយាយថា ប្រយ័ត្នអាមេរិកសម្លាប់ដូចកែម ឡី ។ ពីមុនខ្ញុំលាក់ តែឥឡូវខ្ញុំអត់លាក់ទេ ពីមុនអ្នកជាចារកម្មឲ្យខ្ញុំ តែខ្ញុំពេលនេះមិនទុកទេ ទម្លាយអស់ហើយ”៕

ប្រភព៖ ដើមអំពិល

The post សម្ដេច ហ៊ុន សែន ទម្លាយមេក្លោងសម្លាប់កែម ឡី មាន ជុន ច័ន្ទបុត្រ ជាសាក្សីក្នុងរឿងនេះ appeared first on Khmer Readers.

(ភ្នំពេញ)៖ សម្តេច ហ៊ុន សែន នាយករដ្ឋមន្រ្តីនៃកម្ពុជា បានថ្លែងប្រាប់អានិកជនខ្មែរ​ នៅប្រទេសអូស្រ្តាលីថា ចង់នរណាលាបពណ៌សម្តេចថាជាអាយ៉ងប្រទេសណាមួយនោះ គឺមិនសំខាន់នោះទេ ប៉ុន្តែអ្វីដែលសំខាន់បំផុតនោះ គឺត្រង់ថាសម្តេចគឺជាអ្នកបម្រើជាតិខ្មែរ ដ៏ស្មោះត្រង់ម្នាក់បានហើយ ។

ការលើកឡើងរបស់សម្តេច ហ៊ុន សែន បានធ្វើឡើងក្នុងពិធីសំណេះសំណាលជាមួយ ប្រជាពលរដ្ឋខ្មែរជិត១ពាននាក់ នៅទីក្រុងស៊ីដនី នារសៀលថ្ងៃទី១៦ ខែមីនា ឆ្នាំ២០១៨នេះ អំឡុងពេលសម្តេចអញ្ជើញទៅចូលរួមកិច្ចប្រជុំកំពូលអាស៊ាន-អូស្រ្តាលី ។

សម្តេច ហ៊ុន សែន បានថ្លែងយ៉ាងដូច្នេះថា៖ «មានអ្នកខ្លះគេថាកម្ពុជាលំអៀងទៅរកចិន ប៉ុន្តែខ្ញុំសូមសួរពេលនេះ ខ្ញុំមកដល់អូស្ត្រាលី តើថាយ៉ាងម៉េចដែរ?»។ សម្តេចបន្តទៀតថា «ដំបូងគេថាខ្ញុំប្រូជាមួយវៀតណាម ទៅជាអាយ៉ងវៀតណាម ប៉ុន្តែសួរទៅមើលវៀតណាម និងចិន ទំនាក់ទំនងរបស់ពួកគាត់មានល្អ និងមានមិនល្អ ឥឡូវខ្ញុំម្នាក់ឯងទៅជាអាយ៉ងជប៉ុនផង វៀតណាមផង ចិនផង ទៅរួចដែរ? ឥឡូវចង់នរណាថាអ្វីថាទៅ ! រឿងធំជាងគេ ឱ្យតែខ្ញុំបម្រើជាតិកម្ពុជាដោយស្មោះត្រង់ទៅបានហើយ» ។

សម្តេច ហ៊ុន សែន បានចាត់ទុកខ្លួនឯងថាជាមនុស្សអភ័ព្ធម្នាក់ ដោយសារតែនៅពេលដែលខិតខំដឹកនាំប្រទេស ក្រោយសង្រ្គាមនោះ ពិភពលោកបានចាប់ផ្តើមចែកប្លុកគ្នារវាងសេរី និងកុម្មុនីស្តិ៍។ សម្រាប់ប្រទេសកម្ពុជាពេលនោះ ត្រូវបានចាត់ទុកថា ជាប្រទេសទើបងើបពីសង្រ្គាម ដែលមិនមែនសេរី ហើយក៏មិនមែនកុម្មុយនីស្ត ។ សម្តេចបានបញ្ជាក់ថា នៅពេលដែលសម្តេចទៅប្រជុំនៅប្រទេសមួយចំនួន ពួកលោកសេរី បានហៅសម្តេចថាកុម្មុនីស្ត ហើយពួកកុម្មនីស្ត ក៏បែរជាហៅសម្តេចថា ជាពួកសេរីទៅវិញ ។

សម្តេចបានបញ្ជាក់ថា៖ ខ្ញុំឆ្អែតឆ្អន់ហើយ នូវការលាបពណ៌ ហើយខ្ញុំគឺជាមនុស្សអភ័ព្វម្នាក់ ។​ សម្តេចបន្តថា៖ «ប៉ូលមួយតំណាងកុម្មុនីស្ត គេថាឯងសេរី ឯប៉ូលមួយតំណាងសេរី គេបែរជាថាឯងកុម្មុនីស្ត» ។

ទោះជាយ៉ាងនេះក្តី សម្តេច ហ៊ុន សែន​បានចាត់ទុកថា ប្រទេសកម្ពុជា ដែលងើបពីសង្រ្គាមភ្លាមៗមានការលំបាកខ្លាំងណាស់ទាំងប្រជាពលរដ្ឋ និងរាជរដ្ឋាភិបាល។ GDP សម្រាប់ប្រជាពលរដ្ឋខ្មែរម្នាក់មានត្រឹមតែ៤០០ដុល្លារ ប៉ុណ្ណោះនៅឆ្នាំ២០០៤ ប៉ុន្តែក្រោយមកសេដ្ឋកិច្ចយើងចាប់ផ្តើមងើបជាបន្តបន្ទាប់រហូតដល់ GDP សម្រាប់មនុស្សម្នាក់កើនឡើងដល់ជិត១៥០០ដុល្លារ ដែលធ្វើឱ្យកម្ពុជារួចផុតពីប្រទេសក្រីក្រ ក្លាយជាប្រទេស មានចំណូលមធ្យមកម្រិតទាប។

សម្តេច ហ៊ុន សែន បានបន្ថែមទៀតថា ឆ្នាំ២០៣០ ខាងមុខនេះ កម្ពុជានឹងក្លាយជាប្រទេសមានចំណូលមធ្យមកម្រិតខ្ពស់ ដោយសារតែស្ថិរភាពនៃសេដ្ឋកិច្ច។ សម្តេចបានរំលឹកថា អំពើពុករលួយ គឺជាផលអវិជ្ជមានសម្រាប់ការអភិវឌ្ឍប្រទេស ហើយដើម្បីសម្រេចតាមផែនការកំណើនសេដ្ឋកិច្ចនេះ កម្ពុជាត្រូវខិតខំលុបបំបាត់អំពើពុករលួយផងដែរ៕

ប្រភព៖ Fresh News

The post សម្តេច ហ៊ុន សែន ៖ ខ្មែរថាឯងទៅរកចិន ប្រទេសកុម្មុយនីសថាឯងសេរី ប្រទេសសេរីថាឯងកុម្មុយនីស appeared first on Khmer Readers.

លោក សយ សុភាព រិះគន់ឥរិយាបថក្រអឺតក្រទម រដ្ឋមន្រ្តីការបរទេសវៀតណាម Pham Binh Minh ចំពោះមេដឹកនាំកម្ពុជា ដែលលោកបានបញ្ជាក់ថា នៅក្នុងឆ្នាំ ២០១២ តើវៀតណាមធ្វើយ៉ាងដូចម្ដេចពិសេស រដ្ឋមន្រ្តីការបរទេស វៀន ប៊ិន ម៉ិញ ដែលជាកូនរបស់ ងៀន កឺថាច់ ។

លោកបានបន្ដថា ក្នុងនោះវៀតណាមបានប្រើប្រាស់ខ្នងបង្អែកសហរដ្ឋអាមេរិក ហើយប្រទេសហ្វីលីពីន ជាអ្នកចេញមុខក្នុងរឿងនេះ ដោយលោកបានបញ្ជាក់ថា វៀតណាមមានឧបាយកលមិនល្អចំពោះកម្ពុជា ដោយផ្អែកលើយុទ្ធសាស្រ្តដែលបញ្ជាក់ក្នុងវីដេអូ ។

លោកបានបញ្ជាក់ទៀតថា នេះជាការតេស្ដសាកល្បងរបស់បក្សកាន់អំណាចកម្ពុជា តើនៅស្ដាប់តាមវៀតណាមដូចឡាវដែរទេ តែលោកថា កម្ពុជាឯករាជ្យមិនស្ដាប់ទេ ហើយចរិតក្រអឺតក្រទមខ្លាំងណាស់ចំពោះ រដ្ឋមន្រ្តីការបរទេសវៀតណាមម្នាក់នេះ ។

លោកបានបញ្ជាក់ហើយថា ក្នុងរឿងនេះបានធ្វើឲ្យកម្ពុជាក្លាយជាជនរងគ្រោះនៅឥណ្ឌូចិន ដោយសារតែឧបាយកលវៀតណាម មកលើកម្ពុជាមិនល្អនេះ ហើយត្រូវបានអន្តរជាតិភាន់ច្រឡំយ៉ាងខ្លាំងមកលើកម្ពុជា នាឆ្នាំ២០១២ នោះ ។

លោកសយ សុភាពបានរិះគន់ចំៗទៅលើរដ្ឋមន្រ្តីការបរទេសរបស់វៀតណាម ចំពោះអាកប្បកិរិយាក្រអឺតក្រទមនេះមកលើនាយករដ្ឋមន្រ្តីកម្ពុជាថាមិនអាចទទួលយកបានឡើយ ព្រោះកម្ពុជាមិនឋិតក្រោមអាណានិគមរបស់វៀតណាមនោះឡើយ ។

លោកបានបញ្ជាក់ថា កម្ពុជាមិនមែននៅក្នុងឥណ្ឌូចិននោះទេ វាគ្រាន់តែជាភូមិសាស្រ្តដែលកម្ពុជាមានឯករាជ្យរបស់ខ្លួនប៉ុណ្ណោះ ហើយលោកបានបញ្ជាក់ទៀតថា កម្ពុជាមិនឋិតក្រោមការលើកបន្ដុបរបស់វៀតណាមមកលើកម្ពុជានោះឡើយ ព្រោះនាយករដ្ឋមន្រ្តីកម្ពុជាគឺជាប់ដោយការបោះឆ្នោត ។

លោកថា កម្ពុជាកំពុងឃ្លាំមើលនាវារបស់អាមេរិក នៅក្នុងទឹកដីវៀតណាម ឯវៀតណាមក៏កំពុងឃ្លាំមើលសមយុទ្ធយោធារបស់កម្ពុជាក្រោមការជ្រោមជ្រែងពីចិនផងដែរ ដែលប្រការនេះ គឺជាប្រការគ្រោះថ្នាក់បំផុត ដោយលោកបាននិយាយថា នាវាដែលដឹកមកនោះ គឺប្រាកដជាអាវុធមិនខាន ហើយបន្ទាប់ពីនាវាទៅវិញ ក៏មិនមែនដឹកគ្រាប់ទៅវិញនោះដែរ គឺប្រាកដជាទុកនៅទឹកដីវៀតណាមជាមិនខាន ។

លោក សយ សុភាពបានបញ្ជាក់ទៀតថា វៀតណាម និងអាមេរិក នឹងរួមសហការគ្នាដើម្បីផ្ដួលរំលំកម្ពុជាមិនខាន ព្រោះជារួមគឺកម្ពុជាជាឆ្អឹងស្លាក់បំពង់ករបស់វៀតណាម និងអាមេរិក ដោយមានការជ្រោមជ្រែងពីចិន ព្រោះដោយសារតែចិនបានចូលមកកម្ពុជាកាន់តែច្រើន ដើម្បីទប់ទល់ស្ថានភាពនេះ ។

លោកបានបញ្ជាក់ថាកម្ពុជាក៏គិតយ៉ាងដូច្នេះដែរថា វៀតណាមក៏ជាឆ្អឹងស្លាក់បំពង់កកម្ពុជាផងដែរ រីឯសហរដ្ឋអាមេរិកក៏ជាឆ្អឹងស្លាក់បំពង់ករបស់កម្ពុជាផងដែរ ដោយបង្កើតជាកូនខ្មោចដើម្បីបំផ្លាញ (មិនដឹងថាអ្នកណាឲ្យច្បាស់លាស់) ។

លោកបាននិយាយទៀតថា កម្ពុជាអត់មានប្រឆាំងអាមេរិក ឬមហាអំណាចលោកសេរីនោះទេ ដោយលោកបាននិយាយថា កម្ពុជាត្រូវការស្ពាន ត្រូវការរស់ និងសេរីភាពខួរក្បាលផងដែរ ក្នុងលក្ខខណ្ឌនេះ បើទោះជាមានហូបក៏ដោយចុះ ។

លោកបាននិយាយថា កម្ពុជានិងវៀតណាមត្រូវបានដើរដល់ផ្លូវបំបែកហើយ ព្រោះតែភូមិសាស្រ្តនយោបាយ ខ្មែរមិនអាចទទួលយកបាននូវការក្រអឺតក្រទមរបស់វៀតណាមចំពោះកម្ពុជាដោយដាក់ប្រទេសកម្ពុជាចូលទៅសហព័ន្ធឥណ្ឌូចិននោះទេ ។

លោកថា វៀតណាមខឹងកម្ពុជាសម្បើមណាស់ ព្រោះតែកម្ពុជាមានសាច់ដុំ ដែលមានចិនជួយការពារកម្ពុជា ដែលកម្ពុជាទទួលរងឥទ្ធិពលពីវៀតណាមនិងថៃ ៤០០ឆ្នាំមកហើយ អស់ពីវៀតណាម ទៅថៃ អស់ពីថៃ ចូលដល់វៀតណាម ដល់បារាំងចូលមកលើកទាំងអស់ឲ្យខាងវៀតណាម ។

ត្រង់ចំណុចនេះ ហើយដែលចុងក្រោយគឺ ហូ ជីមិញ បានបង្កើតខ្មែរវៀតមិញ ដើម្បីត្រួតត្រាកម្ពុជា តែត្រូវបានបរាជ័យដោយសារតែមានវត្តមានរបស់ចិនជាអ្នកជួយជ្រោមជ្រែងពីក្រោយ ផងដែរ ។

លោកថា កម្ពុជាមានប្រវត្តិជួយវៀតណាម ជួយរហូតដល់ក្រខ្លួនឯងទៀតផង ក្នុងសម័យមុនៗ ដោយលោកបានបញ្ជាក់ថា គុណបំណាច់កម្ពុជាមិនស្មើកម្ពុជាជួយវៀតណាមនោះទេ ។

លោកបាននិយាយទៀតថា លោកមិនគោរពស្ដូប ៧ មករារបស់វៀតណាមនោះទេ ហើយលោកបានបញ្ជាក់ថា ប្រសិនបើមាននណា ឬអភិបាលខេត្តណាគោរពស្ដូប ៧ មករា គឺពលរដ្ឋខ្មែរនឹងធ្វើការរិះគន់ ពេបជ្រាយមិនខាន ដោយលោកបានបញ្ជាក់ថាខ្លួននឹងមិនគោរពស្ដូប ៧ មករាជាដាច់ខាត ។

ប្រភព៖ វីដេអូ DAP_News

The post លោក សយ សុភាព អះអាងថា កម្ពុជា និងវៀតណាម ដើរដល់ផ្លូវបំបែកហើយព្រោះ…(វីដេអូបកស្រាយ) appeared first on Khmer Readers.

សម្ដេច ហ៊ុន សែន ដែល​ស្និទ្ធ​នឹង​ប្រទេស​វៀតណាម ទាមទារ​ជា​លើកដំបូង និង​ជា​សាធារណៈ​ឲ្យ​វៀតណាម​បង្ហាញ​ភាព​ស្មោះត្រង់ ជាមួយ​នឹង​រដ្ឋាភិបាលរបស់​កម្ពុជា ។ នាយករដ្ឋមន្ត្រីរបស់បក្ស​កាន់​អំណាច​រូប​នេះ​ថា លោក​នឹង​ទៅ សួរ​នាយករដ្ឋមន្ត្រី​វៀតណាម ឲ្យ​បកស្រាយ​អំពី​ជំនួប រវាង​លោក សម រង្ស៊ី ជាមួយ​រដ្ឋាភិបាល​វៀតណាម កាលពី​ឆ្នាំ​ ២០០៣ ​កន្លង​ទៅ​នោះ ។

រូបថត​មួយ​សន្លឹក ដែល​បង្ហាញ​ពី​ជំនួប​របស់​លោក សម រង្ស៊ី កាលពី​ឆ្នាំ​២០០៣ ជាមួយ​អតីត​ឧបនាយករដ្ឋមន្ត្រី និង​ជា​រដ្ឋមន្ត្រីការបរទេស​វៀតណាម ធ្វើ​ឲ្យ លោក ហ៊ុន សែន បង្ហាញ​ការ​សង្ស័យ​ថា វៀតណាម មិន​ស្មោះត្រង់​នឹង​លោក ។

លោក​អះអាង​ថា ក្នុង​កិច្ចប្រជុំ​អាស៊ាន​-​អូស្ត្រាលី នៅ​ថ្ងៃ​ទី​១៧ ខែ​មីនា​ខាង​មុខ​នេះ លោក​នឹង​សួរ​មេដឹកនាំ​វៀតណាម​ឲ្យ​ពន្យល់​រឿង​ប្រមុខ​ការ​ទូត​វៀតណាម​លួច​ជួប​ចរចា​គ្នា​ជាមួយ​លោក សម រង្ស៊ី ។ ជាងនេះទៅទៀត លោក ហ៊ុន សែន ទាមទារ​ឲ្យ​រដ្ឋាភិបាល​វៀតណាម បង្ហាញ​កំណត់ហេតុ​នៃ​ជំនួប​នោះ​ទៀត​ផង៖ «ខ្ញុំ​នឹង​សួរ​មេដឹកនាំ​លើ​រឿង​នេះ​ តើ​កាល​ហ្នឹង​និយាយ​គ្នា​ពី​អី ខ្ញុំ​គ្រាន់តែ​ចង់​ដឹង​ថា តើ​ពេល​ហ្នឹង​គេ​និយាយ​ពី​អី បើ​មិត្ត​វៀតណាម​ស្មោះត្រង់​ជាមួយ​ខ្ញុំ តើ​ពេល​លោក​ហ្នឹង (លោក សម រង្ស៊ី) ទៅ​ទស្សនៈ​នៅ​ហាណូយ និង​នៅ​តៃនិញ និយាយ​អី​ខ្លះ» ។

សម្ដេច ហ៊ុន សែន លើកឡើង​បែប​នេះ​ក្នុង​ពេល​លោក​ចុះ​សម្ភោធ​ស្ពាន ឆ្លងកាត់​ទន្លេ​ពី​ក្រុង​កំពង់ចាម​ទៅកាន់​កោះ​ប៉ែន ថ្ងៃ​ទី​១៤ ខែ​មីនា ឆ្នាំ​២០១៨ ។

កាលពីពេល​ថ្មីៗ​នេះ ប្រព័ន្ធ​ឃោសនា​របស់​សម្ដេច ហ៊ុន សែន បាន​ចុះផ្សាយ ពី​រូបថត​មួយ​សន្លឹក ដោយ​អះអាង​ថា ជា​ការ​បែក​ធ្លាយ​នៃ​ជំនួប​រវាង​លោក សម រង្ស៊ី ជាមួយ​ឧបនាយករដ្ឋមន្ត្រី និង​ជា​រដ្ឋមន្ត្រីការបរទេស​វៀតណាម ព្រមទាំង​ជួប​ជាមួយ​មន្ត្រី​ការទូត​ជាន់ខ្ពស់​របស់​វៀតណាម នៅ​ទីក្រុង​ហាណូយ​ក្នុង​អំឡុង​ឆ្នាំ ២០០៣ ។

អាស៊ីសេរី​មិនទាន់​អាច​សុំ​ការ​បំភ្លឺ​ពី​រូបថត​បែក​ធ្លាយ​នេះ​ពី​លោក សម រង្ស៊ី ដើម្បី​បក​ស្រាយ ថា​តើ​រូប​នោះ​ជា​រូប​ពិត ឬ​រូប​ក្លែងក្លាយ ឬ​ខ្លឹមសារ​នៃ​ជំនួប​នោះ បាន​នៅឡើយ​ទេ​នៅ​ថ្ងៃ​ទី​១៤ ខែ​មីនា ។

ប្រវត្តិ​នយោបាយ​កម្ពុជា​តាំង​ពី​ដើម​មក​អ្នកនយោបាយ​ខ្មែរ​តែងតែ​ពឹង​បរទេស​ឲ្យ​ជួយ​ដើម្បី​ខ្លួន​បាន​ដឹកនាំ​ប្រទេស តែ​នៅ​ទីបំផុត​កម្ពុជា​បាន​ធ្លាក់​ខ្លួន​ជា​ប្រទេស ក្រីក្រ​មួយ​នៅ​ក្នុង​តំបន់ ។ រីឯរដ្ឋាភិបាលដែលដឹកនាំដោយ សម្ដេចហ៊ុន សែន សព្វថ្ងៃ​ត្រូវ​បាន​គេ​មើល​ឃើញ​ថា ប្រឹង​ងាក​ចេញពី​វៀតណាម​ហើយ​ឈោង​ទៅ​ចាប់​ចិន​វិញ​ម្ដង ។

អ្នក​សិក្សា​ការ​អភិវឌ្ឍ​សង្គម​លោក​បណ្ឌិត មាស នី យល់ថា បើ​ពិតជា​ធ្លាប់​មាន​ជំនួប​រវាង​លោក សម រង្ស៊ី ជាមួយ​រដ្ឋាភិបាល​វៀតណាម​មែន​នោះ វា​គឺជា​ការ​ឆ្លាត​វៃ​របស់​វៀតណាម​ក្នុង​ការ​ប្រើ​នយោបាយ​ការទូត ៕

ប្រភព ៖ អាស៊ីសេរី និងកែសម្រួលដោយ Khmer Readers

The post សម្ដេច ហ៊ុន សែន ឲ្យវៀតណាមសម្ដែងការស្មោះត្រង់នឹងកម្ពុជា កាលសម រង្ស៊ីទៅហាណូយ appeared first on Khmer Readers.