នៅ ថ្ងៃទី ១២ ខែគម្ភៈ ឆ្នាំ ២០១៨ កាំកុងត្រូលបានរកឃើញ ដេប៉ូលក់ប្រេងឥន្ធនៈ ចំនួនពីរកន្លែងនៅតាមបណ្តោយផ្លូវជាតិលេខ១ ក្នុងខណ្ឌច្បារអំពៅ គឺដេប៉ូ TELA សា គ្រី 888 និង ដេប៉ូ SOKIMEX ប្រេងឥន្ធនៈព្រែកឯង នៅតែបន្តលក់ប្រេងមិនគ្រប់ចំណុះតាមកុងទ័រ និង បន្លំគុណភាពប្រេងមិនព្រមកែ ប្រែតាមការណែនាំរបស់មន្ត្រីកាំកុងត្រូលនោះឡើយ ។
ក្រុមត្រួតពិនិត្យប្រេងឥន្ធនៈរបស់អគ្គនាយកដ្ឋានកាំកុងត្រូល នៃក្រសួងពាណិជ្ជកម្ម បានយករថយន្តមន្ទីរពិសោធន៍ប្រេងឥន្ធនៈចល័ត ទៅចុះត្រួត ពិនិត្យបរិមាណ និង គុណភាពប្រេងឥន្ធនៈនៅតាមស្ថានីយ និង ដេប៉ូមួយចំនួនដែលធ្លាប់ធើ្វកិច្ចសន្យា ក្នុងការត្រួតពិនិត្យដំបូងរួចមកហើយ នៅខណ្ឌច្បារអំពៅ ក្នុងគោលបំណងតាមដានរកភាពអនុលោមទៅតាមការកែតម្រូវឲ្យសមស្របតាមបទដ្ឋាន និង ផ្លូវច្បាប់ ។ ដោយឡែកដេប៉ូចនួន ពីរមិនព្រមកែកុទ័រឡើយ គឺដេប៉ូ TELA សា គ្រី 888 ដែលមានទីតាំងនៅលើផ្លូវជាតិលេខ១ សង្កាត់បឹងឈូក ខណ្ឌច្បារអំពៅ ដែលមានម្ចាស់ឈ្មោះ ឡេង សាគ្រី និង មួយទៀត ដេប៉ូ SOKIMEX ប្រេងឥន្ធនៈព្រែកឯង ដែលមានទីតាំងផ្ទះលេខ ១៤១ ផ្លូវជាតិលេខ ១ សង្កាត់ព្រែកឯង ខណ្ឌច្បារអំពៅ ដែលមានម្ចាស់ឈ្មោះ ទៀង សុផល ។
ក្រោយពីពិនិត្យថាម្ចាស់ទីតាំងទាំងពីរ ខាងលើមិនព្រមកែកុងទ័រតាមការកំណត់ក្រុមការងារត្រួតពិនិត្យប្រេងឥន្ធនៈ បានរៀបចំជារបាយការណ៍ដាក់ជូនថ្នាក់ដឹកនាំក្រសួងពាណិជ្ជកម្ម ដើម្បីពិចារណា ចំពោះម្ចាស់ស្ថានីយ ដេប៉ូដែលមិនព្រមកែតម្រូវ អំពីការព្យួរអាជ្ញាប័ណ្ណធើ្វអាជីវកម្មប្រចាំឆ្នាំបញ្ឈប់ការធ្វើអាជីវកម្មតែម្តង ៕ សុថាត
ប្រភព៖ Popular
The post ដេប៉ូលក់សាំង ២ កន្លែងនៅព្រែកឯង លក់សាំងមិនគ្រប់លីត្រ ប្រឈមនឹងការបិទអាជីវកម្ម appeared first on Khmer Readers.