កាលពីថ្ងៃទី ១៥ ខែកក្កដា ឆ្នាំ២០១៨ កន្លងទៅថ្មីៗនេះ គណបក្សសម្ព័ន្ធដើម្បីប្រជាធិបតេយ្យ(LDP)បានធ្វើការហែក្បួនយុទ្ធនាការឃោសនាបោះឆ្នោតរបស់ខ្លួននៅខេត្តសៀមរាប ដោយមានមនុស្សចូលរួមប្រមាណ២៥០០០នាក់។
ក្បួនហែរបស់បក្សជួងសំរាប់ថ្ងៃទី១៥ ខែកក្កដា ឆ្នាំ២០១៨ នៅខេត្តសៀមរាបបានចែកជាពីរកន្លែងផ្សេងគ្នា៖
+ទីតាំងទីមួយ ជួបជុំគ្នានៅខាងកើតផ្សារដំដែក រួចហែមកក្រុងសៀមរាបកាត់តាមក្រវ៉ាត់ក្រុងមកឈប់សំរាកបាយនៅបុរីសៀងណាំពីរ។
+ទីតាំងទីពីរជួបជុំគ្នានៅខាងលិចផ្សារសសរស្តម រួចហែមកក្រុងសៀមរាបហើយឈប់សំរាកបាយនៅបុរីសៀងណាំពីរដូចគ្នា។ *ចប់វគ្គទីមួយ*
-ម៉ោងពីររសៀល ការធ្វើចំណាប់អារម្មណ៌របស់លោកប្រមុខបក្ស លោកខឹមវាសនា
-ម៉ោងប្រហែលបីចាប់ផ្តើមដង្ហែក្បួនធំកាត់ក្រុងរួចមកបញ្ឈប់សំរាកនៅផ្លូវ60អង្គរខ្យុងយូរ។ *ចប់វគ្គទីពីរ*
នៅក្នុងក្បួនហែនោះ មានការបិទផ្លូវមួយចំនួនរយៈពេលពី៣០នាទីទៅ៤០នាទី ដើម្បីសម្រួលដល់ក្បួនយុទ្ធនាការនោះ។
ខណៈពេលដែលក្បួនយុទ្ធនាការឃោសនាបោះឆ្នោតរបស់គណបក្សសម្ព័ន្ធដើម្បីប្រជាធិបតេយ្យ(LDP)ហែមកដល់ក្នុងក្រុងសៀមរៀប ស្រាប់តែមានមាននារីម្នាក់ដែលមានគណនេយ្យហ្វេសប៊ុកឈ្មោះ «Mattey» បានសរសេរនៅលើគណនេយ្យរបស់នាងថា«កំពុងតែស្អប់អាគណបក្សស្អីគេនឹងផង មកហែអោយស្ទះគេស្ទះឯងពេញផ្លូវទៀត» មិនតែប៉ុណ្ណោះ នាងបានប្រើភាសាឌីដងផ្សេងៗដាក់អ្នកដែលគាំទ្រគណបក្សសម្ព័ន្ធដើម្បីប្រជាធិបតេយ្យ(LDP)ទៀតផង។
ដោយឃើញភាពគឃ្លើននិងភាពឈ្លើយរបស់នាង អ្នកគាំទ្រគណបក្សសម្ព័ន្ធដើម្បីប្រជាធិបតេយ្យ(LDP)ទាំងអស់បានធ្វើការប្រតិកម្មទៅលើនាង ហើយបានអំពាវនាវឲ្យសមាជិកនិងអ្នកគាំទ្រគណបក្សសម្ព័ន្ធដើម្បីប្រជាធិបតេយ្យ(LDP)ទូទាំងប្រទេសកម្ពុជា ផ្អាកការប្រើប្រាស់សេវាកម្មរបស់ក្រុមហ៊ុន Amazon និងឈប់ចាក់សាំងនៅស្ថានីយ៍ប្រេងឥន្ទនៈ ptt រហូតដល់ក្រុមហ៊ុនមានវិធានការទៅលើបុគ្គលិកម្នាក់នោះ និងអ្នកពាក់ព័ន្ធដទៃទៀត ឲ្យធ្វើការសុំទោសជាសាធារណៈដល់គណបក្សសម្ព័ន្ធដើម្បីប្រជាធិបតេយ្យ(LDP)ក៏ដូចជាអ្នកគាំទ្រគណបក្ស។
សមាជិកនិងអ្នកគាំទ្រម្នាក់ បានអំពាវនាវទៅក្រុមហ៊ុន Amazon នៅលើគណនេយ្យហ្វេសប៊ុករបស់ខ្លួនថា៖ «សូមជម្រាបដល់ម្ចាស់ Amazon Cafe Shop
ដោយសារមានបុគ្គលិកថោកទាបមួយនៅខេត្តសៀមរាប ដែលប្រមាថលើការដង្ហែក្បួនរបស់ ចលនាគណបក្សសម្ព័ន្ធដើម្បីប្រជាធិបតេយ្យ ដែលការប្រមាថនេះមិនអាចទទួលយកបាន ។ ពួកយើងដែលជាសមាជិក និងធ្លាប់ផឹកកាហ្វេ ឬទិញផលិតផលដែលមាននៅក្នុង ហាងរបស់ Amazon ទាំងអស់ទូទាំងប្រទេស យើងប្រកាសឈប់ទិញបន្ដទៅទៀត ដើម្បីប្រឆាំងទៅនឹងការមើលងាយរបស់បុគ្គលិក Amazon មួយនេះ!
មួយវិញទៀត ប្រសិនបើអង្គភាព ឬកន្លែងការងារណាមួយដែលបានជ្រើសរើសនាងទៅធ្វើការ យើងនឹងឈប់ប្រើប្រាស់ ឬទិញសេវាកម្ម ឬផលិតផលនោះមួយក្រុមហ៊ុន ឬកន្លែងនោះផងដែរ ។ អ្វីដែលយើងចង់បាននាពេលនេះ គឺឲ្យនាងពិចារណាកំហុសរបស់ខ្លួន និងចេញមុខសុំទោសជាសាធារណៈ បើមិនដូច្នោះទេ យើងនឹងប្រកាសជំហរនេះ រហូត ។
LDP តំណាងឲ្យសភាវៈល្អ និងការពាររាល់ទង្វើល្អ ប្រយុទ្ធប្រឆាំងនឹងភាពគគ្លើនរបស់អំពើអាក្រក់ ទាំងខាងក្រៅ និងផ្នែកខាងក្នុងរបស់មនុស្ស យើងនឹងប្រឆាំងស្លាប់រស់ ដើម្បីពង្រីកអំពើល្អ ដែលខ្មែរកំពុងបាត់បង់ឡើងវិញ ដើម្បីឲ្យមនុស្សល្អកាន់តែមានជើងឈរ ហើយអំពើអាក្រក់នឹងវិនាស៕ សូមអរគុណ!» ប្រភព៖ Facebook
The post ពលរដ្ឋខ្មែរជាច្រើនម៉ឺននាក់ដែលគាំទ្របក្សជួង នឹងឈប់ទិញកាហ្វេ Amazon និងឈប់ចាក់សាំងនៅស្ថានីយ៍ ptt appeared first on Khmer Readers.
