គណបក្សសម្ព័ន្ធដើម្បីប្រជាធិបតេយ្យ នឹងប្រារព្ភវេទិកាសាធារណៈរបស់ខ្លួនលើកទី៦ នៅឯប្រទេសកូរ៉េខាងត្បូង នៅថ្ងៃទី២៤ ខែមិថុនា ឆ្នាំ២០១៨ ខាងមុខដ៏ខ្លីនេះ ដោយមានលោកខឹម វាសនា ប្រមុខគណបក្សចូលរួមជាវាគ្មិនក្នុងវេទិកា ហើយវេទិកានេះផងដែរ ក៏មានការចូលរួមពីសំណាក់សមាជិក និងអ្នកគាំទ្ររបស់គណបក្សនេះ ជាច្រើនប្រទេសផងដែរ មានដូចជា ប្រទេសកម្ពុជា ប្រទេសកាណាដា ប្រទេសអាមេរិច និងប្រទេសអូស្រ្តាលី ជាដើម។
ទីតាំងប្រារព្ភវេទិកាសាធារណៈខាងមុខនេ គឺស្ថិតនៅ (라마다 프라자 수원 호텔) 경기도 수원시 팔달구 매산로 2-10។
អ្នកគាំទ្រLDPម្នាក់ដែលធ្វើការនៅប្រទេសកូរ៉េ បាននិយាយកាលពីពេលថ្មីៗនេះថា៖ «វេទិកាប្រចាំឆ្នាំរបស់ពួកយើង(LDP) ដែលនឹងប្រារព្ធឡើងនៅលើទឹកដីកូរ៉េខាងត្បូងឆាប់ៗនេះ(ថ្ងៃ 24.06.2018) នៅសណ្ឋាគារលំដាប់ផ្កាយ។ ដែលកើតឡើងពីកម្លាំងញើសឈាម កម្លាំងសាមគ្គីគ្នា នៃពួកយើងដែលសុទ្ធសឹងតែជាកូនអ្នកក្រីក្រ អ្នកយល់ពីការបាត់បង់សិទ្ធិ និងអំណាចរបស់ពួកយើងក្នុងនាមជាម្ចាស់ប្រទេស ហើយពួកយើងកំពុងប្រឹងធ្វើការងារដើម្បីដណ្តើមយកមកវិញ។ ហេតុអីមានការចូលរួមសាមគ្គីគ្នាបានយ៉ាងល្អបែបនេះ?
បើពលរដ្ឋខ្មែរយើងទូទៅ កុំអគតិ ទម្លាក់ទិដ្ឋិ ហើយបើកចិត្តស្វែងយល់តែបន្តិចពីពួកយើង នោះពួកយើង(ជនរួមឈាមទាំងមូល) អាចនឹង យល់ពីគ្នាបាន។ ហើយក៏ជាពេលដែលពួកយើង(ជនជាតិខ្មែរទាំងមូល)ដែលជាជនរងគ្រោះ អាចនឹងរកច្រកចេញ និងរកចំណុចគន្លឹះដែលអាចជួយស្រុកទេសយើងបានយ៉ាងពិតប្រាកដ។គ្មានអីត្រូវខ្លាចអន់ ឬខ្លាចបាក់មុខមាត់នោះទេ។ ដើម្បីប្រយោជន៍រួម ប្រយោជន៍ជាតិទាំងមូល បើពួកយើងអាចជម្នះអារឿងខ្លាចបាក់មុខមាត់ ខ្លាចអន់នេះបាន ហើយដាក់ចិត្ត ដាក់បេះដូងស្វែងយល់ពីគ្នាបាន រឿងស្រុកខ្មែរអាចរកច្រកចេញបានដោយស្រួល តែបើខ្មែរយើងនៅតែមិនអាចយល់គ្នាបាននោះទេ នោះស្រុកខ្មែរយើង នឹងវេទនាតកូនតចៅ ហៅលែងឮ ជាក់ជាមិនខាន»៕ ប្រភព៖ Facebook
The post វេទិកាលើកទី៦របស់LDPនៅប្រទេសកូរ៉េខាងត្បូងឆ្នាំ២០១៨ នឹងមានការចូលរួមពីអ្នកគាំទ្រច្រើនប្រទេស appeared first on Khmer Readers.