ពេលឃើញរូបភាពទាំងនេះ ពិតជាគួរឱ្យអាណិតដល់ពលករខ្មែរ ដែលធ្វើចំណាក់ស្រុកទៅធ្វើការនៅប្រទេសថៃខ្លាំងណាស់ ដែលពួកគាត់មានការប្រថុយប្រថានក្នុងជីវិតយ៉ាងខ្លាំង នៅពេលដែលពួកគាត់ដើរឆ្លងដែនតាមច្រករបៀងចូលទៅក្នុងទឹកដីនៃប្រទេសថៃ ។ ដោយពួកគាត់បានដើរឆ្លងកាត់ព្រៃ ដេកនៅក្នុងព្រៃ ហាលភ្លៀង ហាលថ្ងៃក្តៅ ដើម្បីគេចពីសមត្ថកិច្ចប៉ូលីសរបស់ថៃ មើលទៅពិតជាវេទនា និង កម្សត់រកអ្វីមកប្រៀបផ្ទឹមពុំបានឡើយ ។
នៅពេលសួរថា តើពួកគាត់ចង់ទៅធ្វើការងារនៅស្រុកគេ ឬ ចង់លំបាកបែបនេះទេ ?ចម្លើយប្រាកដជាមានតែពីរមាត់គត់គឺ« មិនចង់ »ប៉ុន្តែដើម្បីក្រពះប្រចាំថ្ងៃ និង ជីវភាពគ្រួសារ ពួកគាត់សុខចិត្តព្រាត់ប្រាស់ពីក្រុមគ្រួសារ និង ឃ្លាត់ឆ្ងាយពីស្រុកកំណើតទៅរកការងារធ្វើនៅស្រុកគេ ។ រហូតមកដល់ពេលនេះ ប្រទេសកម្ពុជាមានពលករចំណាកស្រុកទៅធ្វើការនៅប្រទេសថៃ ប្រមាណជា ១លាន ៦ម៉ឺននាក់ ទាំងពលករស្របច្បាប់ និង ទាំងពលករដែលគ្មានឯកសារអត្តសញ្ញាណត្រឹមត្រូវ ។ ប៉ុន្តែក្នុងចំណោមតួលេខនេះ គឺមានពលករចំណាកស្រុកតែ ៣សែន និង ៦ម៉ឺននាក់ ប៉ុណ្ណោះ ដែលគ្មានឯកសារត្រឹមត្រូវ ។
កន្លងមក ឯកឧត្តម ហេង សួរ មន្ត្រីអ្នកនាំពាក្យក្រសួងការងារ និង បណ្ដុះបណ្ដាលវិជ្ជាជីវៈ ធ្លាប់បានប្រាប់អ្នកសារព័ត៌មានថា ពលករចំណាកស្រុកខ្មែរ ដែលធ្វើការនៅប្រទេសថៃ ទាំងអ្នកស្របច្បាប់ ទាំងអ្នកគ្មានឯកសារត្រឹមត្រូវ ផ្ញើប្រាក់ត្រលប់មកស្រុកកំណើតវិញក្នុងមួយឆ្នាំៗ មានប្រមាណជា ១ពាន់លានដុល្លារ ៕ ឧត្តម
ប្រភព ៖ Popular Magazine
The post ពលរដ្ឋខ្មែរចូលទឹកដីថៃ ដេកព្រៃដើម្បី ប្រថុយជីវិតរកការងារ គេចប៉ូលីសខុសច្បាប់ appeared first on Khmer Readers.