ក្មេងវត្តទាត់បណ្ឌិតបារាំង! សម្ដេច ហ៊ុន សែនមើលងាយការវិភាគ សម រង្ស៊ី រឿងបោះឆ្នោត

«ហេតុតែគ្នាវាល្ងង់ គិតខាងយុទ្ធសាស្រ្តខុសពេកហើយ» ជាពាក្យសម្ដីរបស់សម្ដេច ហ៊ុន សែននាយករដ្ឋមន្រ្តីកម្ពុជា មានប្រសាសន៍បន្ទាប់ពីខាងទណ្ឌិតដែលមានសញ្ជាតិបារំាងនៅក្រៅស្រុកធ្វើការ និយាយប្រាប់និងអំពាវនាវឲ្យប្រជាពលរដ្ឋកុំឲ្យចូលរួមបោះឆ្នោតខាងមុខ ។ លោកនាយករដ្ឋមន្រ្តី បានបន្ដថា ការធ្វើបែបនេះជារឿងឆោតល្ងង់ដ៏ធំមួយ ដែលពុំធ្លាប់មានសោះឡើយ គឺអំពាវនាវឲ្យដៃគូសត្រូវមិនចូលរួមបោះឆ្នោត ដែលលោកថា អំពាវនាវបានតែអ្នកដែលគាំទ្រខ្លួនប៉ុណ្ណោះ ព្រោះសមាជិកអ្នកគាំទ្របក្សកាន់អំណាចនឹងចូលរួមបោះឆ្នោតខាងមុខ មិនស្ដាប់តាមសម រង្ស៊ី​ នោះទេ ។

លោកនាយករដ្ឋមន្រ្តីបាននិយាយថា អ្នកដែលទៅបោះឆ្នោតគេមិនមែនបោះឆ្នោតឲ្យយើងឯណា ចឹងមិនបាច់ខ្វល់ព្រះអាទិត្យឬមិនព្រះអាទិត្យអីទេ សំខាន់គេបោះឆ្នោតឲ្យគណបក្សប្រជាជនកម្ពុជាហ្នុងហើយ! ក្នុងន៍យនេះសបញ្ជាក់ឲ្យឃើញថា សម រង្ស៊ី ពិតជាឆោតល្ងង់ ពិតមែនក្នុងការមើលស្ថានភាពនយោបាយកម្ពុជា និងអាចជារឿងបោកប្រាសអ្នកគាំទ្រមួយក្ដារទៀត ចុងក្រោយនៃជីវិតនយោបាយរបស់ខ្លួន ។

ការលើកឡើងរបស់នាយករដ្ឋមន្រ្តីកម្ពុជាជាង៣០ឆ្នាំនេះបានបន្ដទៀតថា នាយករដ្ឋមន្រ្តីបារាំង ក៏ដូចជាអាមេរិកមានសន្លឹកឆ្នោតមិនដល់ ៥០ភាគរយនៃផ្ទៃប្រទេសគេនោះឡើយ ហើយគេនៅតែអាចបន្ដ និងធ្វើជានាយករដ្ឋមន្រ្តីបាន គេអាចធ្វើជាប្រធានាធិបតីបាន ចុះហេតុអ្វីបានជាប្រទេសកម្ពុជាប្រជាពលរដ្ឋប៉ុន្មានលាននាក់ មិនអាចទទួលលទ្ធផលឆ្នោតបាននោះ ។

គួរបញ្ជាក់ផងដែរថា ប្រធានាធិបតីអាមេរិក លោក ដូណាល់ត្រាំ បានជាប់ឆ្នោតជាប្រធានាធិបតីអាមេរិកត្រឹមតែសម្លេង របស់ប្រជាពលរដ្ឋ នៃ៥៥%ប៉ុណ្ណោះ នូវចំនួនអ្នកទៅបោះឆ្នោតសរុប កាលពីឆ្នាំ២០១៦ ដែលនេះសបញ្ជាក់ថានាយករដ្ឋមន្រ្តី ហ៊ុន សែនលើកឡើងខាងលើពិតជាត្រឹមត្រូវសម្រាប់ពិភពលោក ។

សម្ដេច ហ៊ុន សែនបាននិយាយថា អានេះល្ងង់អីក៏ល្ងង់ម្លេះ? ទៅកាន់លោក សម រង្ស៊ី ដែលជាអ្នកទោសក្រៅសំណាញ់ច្បាប់ដែលរត់គេចខ្លួនទៅនៅប្រទេសបារាំង ថាយុទ្ធសាស្រ្តនេះពិតជាល្ងង់ពេកហើយក្នុងការប្រឆាំងនឹងនាយករដ្ឋមន្រ្តី ហ៊ុន សែន ។

ងាកទៅលោក ខឹម វាសនាឯណោះវិញ លោកក៏បានបញ្ជាក់ថា សម រង្ស៊ី ពិតជាធ្វើឲ្យលោកនាយករដ្ឋមន្រ្តី ហ៊ុន សែនទាត់មួយជើងបានមែន ដោយសារតែការវិភាគដ៏ល្ងង់ខ្លៅរបស់អ្នកនយោបាយរូបនេះ ចំពោះអ្នកគាំទ្រខ្លួន ។ លោកក៏បាននិយាយពីការចាប់សម្ដីរបស់លោក ខឹម វាសនា ផងដែរថា លោក នាយករដ្ឋមន្រ្តី ហ៊ុន សែនក៏កំពុងធ្វើការចាប់កំហុសរបស់សម្ដីលោកផងដែរ ប៉ុន្តែលោកបាននិយាយថា ខ្មែរបានដឹងអស់រួចទៅហើយពីបញ្ហានេះ មានដូចជារឿងម៉ែឪគ្មានគុណ នាយករដ្ឋមន្រ្តីមិនឲ្យមានកងអង្គរក្ស ឬតែងតាំងជាដើម ដែលជារឿងដែលប្រជាពលរដ្ឋខ្មែរបានដឹងថាវាជារឿងមិនពិតដូចការបកស្រាយឡើយ ។

លោកបាននិយាយថា នយោបាយជាសិល្បៈដើម្បីសម្រេចគោលដៅ លោកថាលោកនឹងមិននិយាយទៀតឡើយដែលធ្វើឲ្យកំដៅនយោបាយកាន់តែផ្ទុះឡើងដូចសម រង្ស៊ី បើសិនជាប្រជាពលរដ្ឋសួរនាំរឿងសារសម្លេងសំខាន់ៗលោកឲ្យទៅរកកាសែតចាស់ៗពីមុន ឬរកតាមហ្វេសប៊ុក ឬ YouTube ហើយលោកនឹងនិយាយរឿងផ្សេងជំនួសវិញ ដោយលោកបាននិយាយថា បើសិនជាខ្មែរស្ដាប់មិនបានទេ មិនទៅទេ ស្លាប់ទាំងអស់គ្នាចុះ លោកគ្មានបញ្ហាអ្វីឡើយ ព្រោះលោកចេញមកជួយសុទ្ធសាធ ។

សូមស្ដាប់សម្លេងខាងក្រោមពាក់ព័ន្ធនឹង សម រង្ស៊ី លោកនាយករដ្ឋមន្រ្តី ហ៊ុន សែន និងលោក ខឹម វាសនា ៖

The post ក្មេងវត្តទាត់បណ្ឌិតបារាំង! សម្ដេច ហ៊ុន សែនមើលងាយការវិភាគ សម រង្ស៊ី រឿងបោះឆ្នោត appeared first on Khmer Readers.