បើយើងក្រឡេកមើលអតីតកាលរបស់កីឡាករល្បីឈ្មោះ កែវ រំចង់ ដែលនឹងឡើងប្រកួតជាមួយកីឡាករថៃ ក្នុងប្រភេទទម្ងន់ ៧៥ គីឡូក្រាម ស្រាប់តែយើងនឹកឃើញដល់កីឡាករថៃ Iquezang របស់ថៃភ្លាម ដែលកាលពីឆ្នាំ២០១៦ កីឡាកររូបនេះ ត្រូវបានទទួលបរាជ័យដោយពិន្ទុ នៅសៃវៀន Thai Fight Countdown 2016 ដោយកីឡាករ កែវ រំចង់ពេលនោះ ។
ងាកមកកីឡាករជួរមុខរបស់កម្ពុជា រឿង សោភ័ណ្ឌឯណោះវិញ ក្ដៅស្លឹកត្រចៀក និងចង់វ៉ៃជាមួយកីឡាករ កីឡាករថៃ Iquezang ភ្លាមដោយសារចរិតឌឺដងរបស់កីឡាកររូបនេះ ពិតជាមិនគួរឲ្យគោរពទាល់តែសោះ ដែលសារព័ត៌មានសប្បាយបានចុះផ្សាយភ្លាមៗកាលពីពេលកន្លងទៅ អស់ជិត ៦ ខែកន្លងទៅនេះ ។
បើតាមបណ្ដាញសង្គមហ្វេសប៊ុកក៏បានបង្ហោះផងដែរថា កីឡាកររូបនេះ ឌឺដងតាំងពីដំបូងមកម្លេះ មុននឹងកែវ រំចង់ឡើងទៅសងសឹក ដោយ Iquezang Korrungthanakeat បាននិយាយថា ៖ «ថ្ងៃទី31នេះគេស៊ូស្លាប់ហើយគេមិនឲ្យកែវរុំចង់មើលងាយគេទេគេនឹងវ៉ៃឲ្យដឹងដៃម្ដងគេថាកែវរុំចង់គិតខុសហើយម្តងនេះចង់មកសងសឹក»
សារព័ត៌មានសប្បាយបានសរសេរយ៉ាងដូច្នេះថា ៖
អ្នកប្រដាល់ល្បីឈ្មោះជួរមុខរបស់កម្ពុជា រឿង សោភ័ណ្ឌ ថាខ្លួនពិតជាមិនពេញចិត្តការឌឺដងរបស់កីឡាករថៃ Iquezang នៅពេលប្រកួតនោះឡើយ ជាក់ស្ដែងការប្រកួតកន្លងទៅជាមួយកីឡាករកម្ពុជាតែម្ដង ហាក់ដូចជាមើលងាយគេខ្លាំងណាស់។
កីឡាករ រឿង សោភ័ណ្ឌ បានឲ្យដឹងម្សិលមិញ(កាលពីថ្ងៃ ០៩ កក្កដា ២០១៧) នេះថា បើមានខាងស្ថានីយទូរទស្សន៍ណាមួយ អាចរៀបចំឲ្យរូបគេបានជួបប្រកួតជាមួយកីឡាករថៃកំពូលឌឺ Iquezang នេះ លោកពិតជាអរគុណណាស់ ព្រោះខ្លួនចង់វ៉ៃឲ្យគេដឹងថាគុនខ្មែរមិនធម្មតានោះទេ។ ខាងភាគីថៃក៏អាចហៅរូបគេ(រឿង សោភ័ណ្ឌ)ទៅប្រកួតជាមួយ Iquezang នៅឯទីនោះក៏បានដែរ គឺគេបើកទ្វាផ្ទះស្វាគមន៍ ២៤ម៉ោង ហើយឲ្យតែផ្ដល់តម្លៃខ្លួនសមរម្យ។
អ្នកប្រដាល់ដើមកំណើតមកពីខេត្តកណ្ដាលរូបនេះបន្ថែមទៀតថា ខ្លួនពិតជាមិនខ្លាចនឹងប៉ះកីឡាករថៃខាងលើនោះទេ ឲ្យតែទម្ងន់ដូចគ្នាគឺអាចប្រកួតបាន។ បើសិនជាមានការប្រកួតមែនខ្លួននឹងចំណាយពេល១ខែសម្រាប់ហ្វឹកហាត់ ដោយមិនទទួលការប្រកួតនៅតាមសង្វៀននានាក្នុងស្រុកនោះឡើយ។ ចំពោះការប្រកួតនេះច្បាស់ជាល្អមើល បើទោះជាចាញ់ឬឈ្នះក៏ដោយគឺដឹងតែល្អមើលតែម្ដង ហើយនឹងវ៉ៃឲ្យសមនឹងពាក្យថា «យើងទៅសុំគេវ៉ៃ»៕
The post កែវ រំចង់ឡើងវ៉ៃវិញ! នឹកឃើញចរិតមើលងាយរបស់កីឡាករថៃ Iquezang ភ្លាម(វីដេអូ) appeared first on Khmer Readers.