សៀវភៅខ្មៅ ភាគបញ្ជប់ ៖ បក្សកុម្មុយនីស្ត ប៉ុល ពត មានទំនាស់គ្នាតាំងពីឆ្នាំ១៩៦០ ដោយពុំព្រមនៅក្រោមវៀតណាមហើយ បានបញ្ជ្រៀតកម្មាភិបាលខ្លួនចូលស៊ីរូងផ្ទៃក្នុងបក្សប៉ុល ពត
ការតស៊ូរវាងកម្ពុជានិងវៀតណាមស្តីអំពីបញ្ហាខ្សែបន្ទាត់នយោបាយចាប់តាំងពីឆ្នាំ១៩៥៤ដល់១៩៧០ នៅក្នុងរយៈកាលពីឆ្នាំ១៩៥៤ដល់ឆ្នាំ១៩៧០
នៅក្នុងរយៈកាលពីឆ្នាំ១៩៤៥ ដល់ ឆ្នាំ១៩៥៤ បដិវត្តន៍កម្ពុជាដែលពេលកនោះកំពុងតស៊ូប្រឆាំងនឹងមាគ៌ានយោបាយរបស់បក្សកុម្មុយនិស្តកម្ពុជា មាគ៌ាឯករាជ្យ អធិបតេយ្យភាព ម្ចាស់ការលើខ្លួនឯងនិងកំណត់ជោគវាសនារបស់ខ្លួនដោយខ្លួនឯង ប្រឆាំងនឹងមាគ៌ាពង្រីកនិងវាតទីលេបយកទឹកដីរបស់បក្សវៀតណាម។ នោះជាការតស៊ូមួយដ៏ស្វិតស្វាញនិងចចេសរឹងរូស។ ការតស៊ូនេះអាចបែងចែកទៅជាពីរដំណាក់កាល។
ទី១) ដំណាក់កាលចន្លោះឆ្នាំ១៩៥៤ និងឆ្នាំ១៩៦០
នៅក្នុងអំឡុងពេលនេះ ជនបដិវត្តកម្ពុជាពុំទាន់មានបក្សមួយដែលមានមាគ៌ានយោបាយកំណត់បានច្បាស់។ក៏ប៉ុន្តែជនបដិវត្តវៀតណាមបានដឹកនាំចលនាបដិវត្តន៍ដោយខ្លួនឯង ការតស៊ូជាចំហនិងសម្ងាត់នៅតាមទីក្រុងជាច្រើនក៏ដូចជានៅតាមជនបទ។
នៅក្នុងរយៈកាលនេះចលនាបដិវត្តន៍កម្ពុជាបានលត់ដំខ្លួននៅក្នុងចលនាតស៊ូដែលអនុញ្ញាតឲ្យជនបដិវត្តន៍កម្ពុជាលត់ដំគោលជំហររបស់ខ្លួនជាបន្តបន្ទាប់គឺជំហរឯករាជ្យអធិបតេយ្យភាពពឹងផ្អែកលើកម្លាំងផ្ទាល់ហើយកំណត់ជោគវាសនារបស់ខ្លួនក៏ដូចជាការជឿជាក់នៅក្នុងកងកម្លាំងរបស់ខ្លួននិងមានសមត្ថភាពក្នុងការធ្វើបដិវត្តន៍ដោយខ្លួនឯង។
ដោយផ្អែកលើបទពិសោធន៍ពិតប្រាកដចន្លោះឆ្នាំ១៩៥៤និងឆ្នាំ១៩៦០ ដែលជនបដិវត្តកម្ពុជាបានរៀបចំសមាជមួយដើម្បីបង្កើតបក្សកុម្មុយនិស្តកម្ពុជាថ្ងៃទី៣០ខែកញ្ញាឆ្នាំ១៩៦០ ដើម្បីអនុម័តលក្ខន្តិកៈបក្សនិងដើម្បីបោះឆ្នោតជ្រើសរើសគណៈកម្មាធិការមជ្ឈិមរបស់បក្ស ។ ជនបដិវត្តកម្ពុជាពេលនោះបានដាក់ចុះនូវមាគ៌ានយោបាយនិងមធ្យោបាយរបស់ខ្លួន។នៅពេលដែលវៀតណាមបានដឹងថាបក្សកុម្មុយនិស្តកម្ពុជាបានបង្កើតឡើងយ៉ាងពិតប្រាកដ វៀតណាមបានចាប់ផ្តើមបើកការវាយប្រហារជាប្រព័ន្ធប្រឆាំងនឹងបដិវត្តន៍កម្ពុជា។ ក្នុងគោលដៅនេះវៀតណាមបានប្រើប្រាស់នីតិវិធីជាច្រើន ជាពិសេសនីតិវិធីពីរខាងក្រោមនេះ៖
ក) ជាសម្ងាត់ វៀតណាមបានរៀបចំអង្គការដឹកនាំមួយទៀតដោយពុំមានការយល់ដឹងអំពីជនបដិវត្តកម្ពុជា។ នៅពេលនោះហើយដែលបដិវត្តន៍កម្ពុជាបានបោះជំហានយ៉ាងធំ ក៏ប៉ុន្តែពេលដែលការគាបសង្កត់របស់សត្រូវកំពុងលាតត្រដាងគ្របសង្កត់យ៉ាងខ្លាំងដែរ។ អ្នកដែលវៀតណាមបានបណ្តុះបណ្តាលមុនកិច្ចព្រមព្រៀងក្រុងហ្សឺណែវ ឆ្នាំ១៩៥៤ ដែលក្រោយមកជាសមាជិកក្រុមប្រជាជន។
ធាតុផ្សំមួយចំនួននៃក្រុមនេះអាចបើកចំហវាយប្រហារបក្សកុម្មុយនិស្តកម្ពុជានៅពេលដែលអ្នកដទៃទៀតអនុវត្តល្បិចកលញុះញង់។ វៀតណាមបានបើកឱកាសវាយប្រហារជាបន្តបន្ទាប់នៅពេលដែលបក្សរបស់យើងពុំទាន់បានសម្រេចការឯកភាពគ្នានៅក្នុងក្រុងប្រទេសទាំងមូលទេ។ វៀតណាមបានរៀបចំបង្កើតសកម្មភាពទាំងនេះប្រឆាំងនឹងបក្សកុម្មុយនិស្តនៅក្នុងបក្សកម្ពុជាផ្ទាល់។
ខ) វៀតណាមបានវាយប្រហារនយោបាយបក្សកុម្មុយនិស្តកម្ពុជាចាប់តាំងពីឆ្នាំ១៩៦០
-វៀតណាមប្រឆាំងនឹងការវិភាគរបស់បក្សកុម្មុយនិស្តកម្ពុជាពាក់ព័ន្ធនឹងការបែងចែកសង្គមកម្ពុជាទៅជាវណ្ណៈផ្សេងៗ។
-វៀតណាមធ្វើពុតជាយល់ថា កម្ពុជាពុំទាន់ប្រមែប្រមូលផ្តុំគ្នានូវបំណែកនៃសង្គមរបស់ខ្មែរដែលត្រូវបានបែងចែកវណ្ណៈ ជាច្រើន។ វៀតណាមអះអាងថា សង្គមកម្ពុជាមានលក្ខណៈដូចគ្នាទៅនឹងប្រទេសឡាវដែរ ដោយទាត់ចោលនូវការវិភាគវណ្ណៈនានានៃបក្សកុម្មុយនិស្តកម្ពុជា។ ជាការច្បាស់ណាស់ថាវៀតណាមបានប្រឆាំងទៅនឹងមាគ៌ាបក្សទាំងមូល។
-វៀតណាមបានប្រឆាងនឹងមាគ៌ាឯករាជ្យនិងអធិបតេយ្យភាពរបស់បក្សកុម្មុយនិស្តកម្ពុជា។
-មិនតែប៉ុណ្ណោះវៀតណាមបានប្រឆាំងនឹងមាគ៌ាដែលមានទិសធ្វើការតស៊ូប្រដាប់អាវុធផងនិងតស៊ូនយោបាយផង។ ដើម្បីគាំទ្រការទាញហេតុផលរបស់ខ្លួន វៀតណាមបាននិយាយយោងទៅលើសេចក្តីសម្រេចចិត្តរបស់ភាគី៨១ ប្រទេសដែលត្រូវបានអនុម័តនៅក្នុង ទីក្រុងម៉ូស្គូក្នុងឆ្នាំ១៩៦០ ដេលចាត់ទុកការការពារសន្តិភាពពិភពលោកជាភារកិច្ចមួយដ៏មានអត្ថិភាព។
ទី២) រយៈកាលចន្លោះឆ្នាំ១៩៦១ ដល់ឆ្នាំ១៩៧០
ក្នុងឆ្នាំ១៩៦១ វៀតណាមបានបន្តវាយប្រយុទ្ធមកលើមាគ៌ានយោបាយបក្សកុម្មុយនិស្តកម្ពុជា។ វៀតណាមបានដាក់ចេញនូវមាគ៌ានយោបាយសម្រាប់បក្សកុម្មុយនិស្តកម្ពុជាហើយបានប្រគល់ជូនឯកសារនេះជាភាសាវៀតណាមទៅមេដឹកនាំបក្សកុម្មុយនិសត្តកម្ពុជា។ វៀតណាមបានចោទប្រកាន់បក្សកុម្មុយនិស្តថាជាអ្នកផ្សងព្រេងនិងឆ្វេងនិយម។ តាមពិតវៀតណាមត្រូវបានធ្វើឲ្យភ័យខ្លាចដោយសារចលនាបដិវត្តន៍របស់កម្ពុជាបានពុះកញ្ជ្រោលឡើងដោយការអភិវឌ្ឍជាបន្តនិងពង្រឹកបក្សកុម្មុយនិស្តកម្ពុជា និងកងកម្លាំងបដិវត្តន៍បក្សកុម្មុយនិស្តកម្ពុជា។
ប្រឈមមុខនឹងសភាពការណ៍នេះវៀតណាមបានផ្តោតលើការវាយប្រហារប្រឆាំងនឹងមាគ៌ាបក្សដោយសម្របសម្រួលការវាយប្រហាររបស់ខ្លួនជាមួយនឹងក្រុមដែលវៀតណាមបានរៀបចំពីមុន ។ ការវាយប្រហារទាំងនេះត្រូវបានធ្វើឡើងនៅក្នុងអង្គការដឹកនាំរបស់បក្សកុម្មុយនិស្តកម្ពុជាដោយកម្មាភិបាលឈានមុខ ដែលជាភ្នាក់ងារត្រូវបានវៀតណាមដាក់ឲ្យជ្រៀតចូលមកក្នុងបក្ស។
នៅក្នុងឆ្នាំ១៩៦៥ បក្សកុម្មុយនិស្តកម្ពុជាបានបញ្ជូនគណៈប្រតិភូមួយក្រុមទៅបរទេស។ នេះជាគណៈប្រតិភូដំបូងដែលបានទៅធ្វើទស្សនកិច្ចនៅក្រៅប្រទេស ។ គណៈប្រតិភូនេះដឹកនាំដោយសមមិត្តលេខា ប៉ុល ពត។
ដំណើរទស្សនកិច្ចនេះត្រូវបានធ្វើឡើងដោយថ្មើរជើងពីមូលដ្ឋានបដិវត្តន៍នៅកម្ពុជាឆ្ពោះទៅក្រុងហាណូយ។ គណ:ប្រតិភូបក្សកុម្មុយនិស្តវៀតណាមត្រូវបានដឹកនាំដោយ ឡឺ ដួន ។ កិច្ចពិភាក្សាបានបន្តអស់រយៈពេលយ៉ាងយូរពីព្រោះវៀតណាមបានបន្តអូសបន្លាយការពិភាក្សាទាំងនេះដោយសំដៅទាញមាគ៌ានយោបាយរបស់បក្សកុម្មុយនិស្តកម្ពុជាមានមាគ៌ានយោបាយរបស់ខ្លួនមួយដោយសារមាគ៌ានេះ ចលនាបដិវត្តន៍របស់កម្ពុជាបាននោះជំហានយ៉ាងវែង ។
បញ្ហានេះ បានធ្វើឲ្យវៀតណាមមានការព្រួយបារម្ភពីព្រោះថា ប្រសិនបើបដិវត្តន៍កម្ពុជាបន្តទៅទៀតនោះនឹងប៉ះពាល់ដល់កិច្ចសហប្រតិបត្តិការជាមួយវណ្ណៈដឹកនាំនៅក្នុងក្រុងភ្នំពេញ។ អ្វីដែលធ្ងន់ធ្ងរជាងនេះទៅទៀតនោះ គឺប្រសិនបើបដិវត្តន៍កម្ពុជាបានបង្កើតនិងពង្រឹងខ្លួនដោយរក្សាឯករាជ្យពេញលេញ វៀតណាមនឹងមិនអាចគ្រប់គ្រងត្រួតត្រាទឹកដីកម្ពុជាបានទេ។ នោះគឺជាហេតុផលដែលវៀតណាមត្រូវតែទាញមាគ៌ាបដិវត្តន៍កម្ពុជាឲ្យខុសផ្លូវ។
ដោយមានគោលដៅនេះនៅក្នុងទស្សនៈរបស់ខ្លួនវៀតណាមបានប្រមូលគ្រប់ចំណុចដែលជាគំនិតរបស់ខ្លួនសុទ្ធសាធដាក់បញ្ចូលទៅក្នុងឯករាជ្យមួយសម្រាប់ខាងកម្ពុជា។ ឡឺ ដួន បានចំណាយពេលយ៉ាងយូរដើម្បីធ្វើពង្រាងឯកសារនេះ។ ឡឺ ដួន បានពិនិត្យនិងកែតម្រូវឯកសារនេះជាច្រើនលើកច្រើនសា។
ការិយាល័យនយោបាយរបស់បក្សវៀតណាមបានត្រួតពិនិត្យនិងកែតម្រូវឯកសារនេះបន្ថែមទៀត។ ឯកសារដែលសរសេរជាភាសាវៀតណាមនេះពុំបាននិយាយអំពីការតស៊ូវណ្ណៈនិងការតស៊ូប្រឆាំងចក្រពត្តិអាមេរិកឡើយ។ នៅក្នុងឯកសារនេះសរសេរថា វៀតណាមសម្រេចបាននូវជោគជ័យរួចវៀតណាមនឹងមករំដោះកម្ពុជា។
នៅក្នុងឯកសារនេះ វៀតណាមបានអនុវត្តការក្រោកឡើងតស៊ូប្រឆាំងនឹងទស្សនៈបដិវត្ត និង គោលជំហរបក្សកុម្មុនិស្តកម្ពុជាដើម្បីឲ្យបក្សកុម្មុយនិស្តកម្ពុជាបោះបង់ចោលនូវការតស៊ូបដិវត្តន៍ ហើយរង់ចាំរហូតដល់ វៀតណាមសម្រចនូវជោគជ័យរបស់ខ្លួនដែលនឹងនាំមកនូវជ័យជម្នះដល់កម្ពុជាជាស្វ័យប្រវត្តិ។
នៅក្នុងកិច្ចពិភាក្សានេះ វៀតណាមដឹងយ៉ាងច្បាស់ថាបក្សកុម្មុយនិស្តកម្ពុជាបានគោរពតាមគោលជំហរឯករាជ្យនិងអធិបតេយ្យភាពយ៉ាងម៉ឺងម៉ាត់។ នោះប្រហែលជាមូលហេតុដែលវៀតណាមបានផ្តោតការវាយប្រហារប្រឆាំងនឹងគោលជំហរឯករាជ្យនិងអធិបតេយ្យភាពបានទេ។ មនុស្សម្នាក់ៗត្រូវពឹងពាក់អ្នកដ៏ទៃ។ នេះជាការពិតចំពោះវៀតណាម។ ចំពោះប្រទេសទាំងបី វៀតណាម ឡាវ និងកម្ពុជា ត្រូវតែគាំទ្រគ្នាទៅវិញទៅមក។
ការតស៊ូអំពីបញ្ហាមាគ៌ានយោបាយមានភាពស្វិតស្វាញណាស់ ។ ក៏ប៉ុន្តែជានិច្ចកាលខាងកម្ពុជាមានភាពអំណត់ប្រុងប្រយ័ត្នជាប់ជានិច្ច ហើយពុំបានធ្វើអ្វីទាំងអស់ដេលអាចបណ្តាលឲ្យវៀតណាមមានការអាក់អន់ចិត្តឡើយ។បន្តាប់ពីការចាកចេញរបស់សមមិត្តលេខា ប៉ុល ពត មកកម្ពុជាវិញវៀតណាមបានដឹងថាបក្សកុម្មុយនិស្តកម្ពុជានឹងបន្តអនុវត្តមាគ៌ារបស់ខ្លួនដែលត្រូវធ្វើការតស៊ូប្រដាប់អាវុធគួបផ្សំជាមួយនឹងការតស៊ូនយោបាយ។
បន្ទាប់មក វៀតណាមបានរឹតបន្តឹងសកម្មភាពរបស់ខ្លួនប្រឆាំងនឹងបក្សកុម្មុយនិស្តកម្ពុជានៅតាមមូលដ្ឋានបដិវត្តន៍ភាគបូព៌ានិងនិរតី។ វៀតណាមបានអនុវត្តសកម្មភាពសំដៅបង្កើតការភ័នច្រឡំនិងការបែកបាក់នៅក្នុងជួរបដិវត្តន៍កម្ពុជា។
វៀតណាមបានប្រឹងប្រែងធ្វើសកម្មភាពដោយខ្លួនឯង មិនតែប៉ុណ្ណោះវៀតណាមបានចាត់តាំងសមាសភាពខ្មែរដែលខ្លួនបានរៀបចំអស់ជាយូរណាស់មកហើយនោះឲ្យជ្រៀតចូលទៅក្នុងជួរបក្សកុម្មុយនិស្តកម្ពុជា។ នៅឯបរទេស វៀតណាមបានអនុវត្តសកម្មភាពបំបែកបំបាក់តាមរូបភាពជាច្រើន។វៀតណាមបានចែកចាយទ្រឹស្តី មាក្ស- ឡេនីនថា «ពួកឆ្វេងនិយម ជម្ងឺកុម្មុយនិស្តដ៏ក្មេងខ្ចី»។
នៅខែកុម្ភៈឆ្នាំ១៩៦៧ ការក្រោកឡើងតស៊ូប្រដាប់អាវុធបានផ្ទុះឡើងនៅសំឡូតខេត្តបាត់ដំបង ។ វៀតណាមភ័យស្លន់ស្លោ ហើយវាយប្រហារកាន់តែខ្លាំងក្លាថែមទៀតប្រឆាំងនឹងបក្សកុម្មុយនិស្តកម្ពុជា។
នៅពេលក្រោយមកបន្តិចមានភាពស្ងប់មួយរយៈ វៀតណាមក៏ធូរស្បើយបន្តិចទៅវិញ ។ ក៏ប៉ុន្តែក្នុងឆ្នាំ១៩៦៨ នៅពេលដែលចលនាតស៊ូប្រដាប់អាវុធមួយបានកើតឡើងនៅក្នុងប្រទេស កម្ពុជា វៀតណាមក្រោកឡើងប្រឆាំងម្តងទៀត។
នៅក្នុងការតស៊ូប្រដាប់អាវុធចាប់តាំងពីឆ្នាំ១៩៦៨មកដល់ដើមឆ្នាំ១៩៧០ វៀតណាមពុំបានជួយបដិវត្តន៍កម្ពុជាទាល់តែសោះ ទោះបីជាអង្គការដឹកនាំរបស់វៀតណាមបានបោះទីតាំងនៅគ្រប់ទីកន្លែងនៅក្នុងប្រទេសកម្ពុជាក៏ដោយ ។
មូលហេតុ គឺថាមាគ៌ាទាំងពីរ មួយមាគ៌ារបស់បក្សកុម្មុយនិស្តកម្ពុជានិងមួយទៀតមាគ៌ារបស់បក្សវៀតណាម មានគោលការណ៍ផ្ទុយគ្នា បានប្រយុទ្ធប្រឆ្នាំងនឹងបក្សកុម្មុយនិស្តកម្ពុជា។ ម្យ៉ាងវិញទៀតវៀតណាមត្រូវប្រាស្រ័យក្នុងន័យបំពេញចិត្តវណ្ណៈកាន់អំណាចនៅកម្ពុជាដើម្បីទទួលបានការជួយគាំទ្រ។
បក្សកុម្មុយនិស្តកម្ពុជាពុំបានសួរអ្វីទាំងអស់អំពីរៀតណាម វៀតណាមក៏នៅស្ងៀម ហើយចៀសវាងពុំអនុវត្តសកម្មភាពនានាប្រឆាំងនឹងបដិវត្តន៍និងប្រជាជនកម្ពុជា ។ ក៏ប៉ុន្តែវៀតណាមបានញុះញង់ជាសម្ងាត់ចំពោះកម្មាភិបាលបក្សកុម្មុយនិស្តកម្ពុជាដើម្បីប្រឆាំងនឹងបក្សរបស់ខ្លួន ហើយបន្តបង្កើតបណ្តាញសម្ងាត់នានា។ មាគ៌ានយោបាយរបស់បក្សកុម្មុយនិស្តកម្ពុជាពិតជាត្រឹមត្រូវ ។ ប្រសិនបើបក្សពុំបានដឹកនាំចលនាតស៊ូប្រដាប់អាវុធទេ បដិវត្តន៍កម្ពុជាប្រហែលជាត្រូវបានថ្កោលទោសឲ្យបាត់ពីលោកនេះ គ្រាន់តែយូរនិងឆាប់តែប៉ុណ្ណោះ៕ (ចប់) បញ្ជាក់៖ ហាមយកព័ត៌មានទៅចុះផ្សាយបន្តដោយគ្មានការអនុញ្ញាតបើមិនដូច្នោះយើងនឹងចាត់វិធានការទៅតាមផ្លូវច្បាប់..!!
ប្រភព៖ Life4U
The post ឯកសារសៀវភៅខ្មៅ ទស្សនខ្មែរក្រហម ចំពោះការឈ្លានពាន របស់វៀតណាាមមកលើកម្ពុជា appeared first on Khmer Readers.