មើលទៅពិតជាគួរឱ្យអាណិតអាសូរដល់គ្រួសារក្រីក្រមួយនេះណាស់ដែមានសមាជិកដល់ទៅ ៧ នាក់មានទាំង មនុស្សចាស់ និងក្មេងៗតូចៗពួកគេរស់នៅយ៉ាវេទនាណាស់ជា រៀងរាល់ថ្ងៃនេះ គ្មានអង្កដាំបាយហូប គ្មានផ្ទះជ្រកោណឱ្យបានស្រួលបួលឡើយ ។ ផ្ទះក៏លិចធ្លុះធ្លាយដំបូលប្រកមេឃ ជញ្ជាំងមើលពីម្ខាងធ្លុះទៅម្ខាង ពិតជាគួរឱ្យអាណិតណាស់ ។
គ្រួសារកំសត់នេះមានប្រពន្ធ ឈ្មោះ នុត ខន អាយុ ៥៧ ឆ្នាំ ប្តីមានជម្ងឺ និង មានកូន តូចៗ ៥ នាក់រស់នៅក្នុងបន្ទុក ពួកគាត់រស់នៅ ក្នុងនៅ ភូមិជ័យមង្គល ឃុំជ្រប ស្រុកសន្ទុក ខេត្តកំពង់ធំ ។ ពេលនេះពួគាត់ជួបការលំបាកខ្លាំងណាស់ គ្មានមុខរបរអ្វីរកប្រាក់ចិញ្ចឹមកូនៗឡើយ ជារៀងរាល់ថ្ងៃគ្រួសារនេះទាំងក្មេង និង ចាស់បានដើររើសខ្យងយកមក ទុកទទួលទាន និង លក់ខ្លះគ្រាន់បានប្រាក់យកមកទិញអង្ករហូប ពេលណារើសខ្យងមិនបានក៏គ្មានប្រាក់ទិញអង្ករ ក៏ដេកអត់បាយមួយផ្ទះក៏មានដែរ ។
អ្នកមីង ឈ្មោះ នុត ខន បានរៀបរាប់ពីទុក្ខវេទនារបស់គ្រួសារគាត់ថា ចាប់ពីបានគ្នាជាប្តីប្រពន្ធមក ប្តីរបស់គាត់មានជម្ងឺជាប្រចាំ ហើយពួកគាត់មិនដែលបានអ្វីទទួលទានគ្រប់គ្រាន់ ម្តងណាឡើយ ។ ពេលនេះទៀតប្តី ក៏ឈឺមិនឈប់ កូនក៏នៅតូចៗ គ្មានអ្វីទទួលទានឡើយ ព្រោះគ្មានស្រែចំការធ្វើនិងគេឡើយ ។ អ្នកមីង នុត ខន បានលើកដៃសំពះសុំអង្វរដល់សប្បុរសជនទាំងឡាយមេតាជួយឱ្យកូនៗគាតបានហូបឆ្អែត និងបានទៅរៀនសូត្រដូចកូនគេក្នុងភូមិនេះផង ។ បើបងប្អូន សប្បុរសជន សម្តេច ឯកឧត្តម លោកជំទាវ មានក្តីអាណិតដល់គ្រួសារទីទាល់ក្រនេះសូមទាកទងមកលេខ 098 335 544 សូមអរគុណ ៕ សុថាត់
ប្រភព៖ ទស្សនាវដ្ដីប្រជាប្រិយ
The post គ្រួសារក្រីក្រនៅខេត្តកំពង់ធំ សំពះសុំជំនួយពីសប្បុរសជន appeared first on Khmer Readers.