មិនធម្មតាមែន! ប្រិយមិត្តក្លាហានដូចបុរសម្នាក់នេះទេ? គាត់ត្រូវក្រពើខាំដៃពេលគាត់បន្លែងលេងជាមួយ

តាមរឿងព្រេងនិទានខ្មែរ «រឿងក្រពើវង្វេងបឹង» ឬ «រឿងក្រពើរមឹលគុណ» គឺបានរៀបរាប់អំពីសត្វក្រពើមួយក្បាលដែលរស់នៅក្នុងបឹងមួយកន្លែងដែលរីងទឹកអស់ធ្វើឲ្យក្រពើនោះក្រៀមស្រការស្ទើរតែងាប់។ ចៃដន្យពេលមួយ មានបុរសបរទេះម្នាក់បានបរទេះរបស់គាត់កាត់នោះ បានជួយសង្គ្រោះសត្វក្រពើនោះឲ្យរួចពីក្ដីមរណា។ ក្រោយមក ក្រពើនោះក៏ចង់ស៊ីបុរសបរទេះនោះ និងគោរបស់គាត់ជាចំណី តែចុងក្រោយ អាសត្វតិរច្ឆានមួយក្បាលនេះត្រូវងាប់ខ្លួនដោយសារតែភាពមិនដឹងគុណ ឬរមឹលគុណរបស់វាចំពោះអ្នកជួយ។

រីឯបុរសម្នាក់ក្នុងវីឌីអូនេះវិញ (ប្រហែលជាម្ចាស់កសិដ្ឋាន) គាត់បានទៅលេង ហើយដាក់ចំណីឲ្យសត្វក្រពើនៅក្នុងកសិដ្ឋានចិញ្ចឹមក្រពើមួយកន្លែងដែលមានសត្វក្រពើរាប់រយក្បាល។ គាត់បានបន្លែងលេងជាមួយសត្វក្រពើមួយក្បាលយ៉ាងក្លាហាន។ តែក្រោយមក សត្វក្រពើនោះបានត្របាក់ខាំដៃរបស់គាត់ជាប់ ធ្វើឲ្យគាត់គ្រោះថ្នាក់ដៃយ៉ាងដំណំ។ ជាសំណាងល្អ គាត់ត្រូវបានគេជួយឲ្យរួចខ្លួនពីសត្វក្រពើដ៏សាហាវនោះដោយសុវត្ថិភាព។

ដូច្នេះ សត្វតិរច្ឆានមួយចំនួន មានខ្លា តោ ក្រពើ ពស់ ជាដើម ទោះបីជាវាមានភាពស្និទ្ធស្នាលនឹងមនុស្សមែន តែពេលខ្លះក៏ពួកវាបង្កសេចក្ដីអន្តរាយដល់មនុស្សដែលបានមានភាពស្និទ្ធស្នាលនឹងពួកវាដែរ។ យើងក៏ធ្លាប់បានឃើញក្រពើត្របាក់ក្បាលរបស់គ្រូបង្វិកផងដែរ។ ពាក្យខ្មែរយើងតែងតែនិយាយថា «អ្នកពូកែខាងអី ច្រើនតែងាប់ដោយសារតែរបស់ដែលខ្លួនឯងកាន់ហ្នឹង»។ ឧទាហរណ៍ អ្នកពូកែចាប់ពស់ ត្រូវពស់ចឹកស្លាប់ អ្នកពូកែខាងបង្វិកសត្វសាហាវ ត្រូវសត្វនោះខាំស្លាប់ ជាដើម។

សរុបសេចក្ដីមក សត្វតិរច្ឆានដែលមានសភាពកាចទាំងអស់ យើងមិនគួរទុកចិត្តពួកវាពេកទេ ព្រោះពួកវាអាចបង្កហានិភ័យដល់យើងគ្រប់ពេលវេលា៕

ប្រភពវីឌីអូ៖ ហ្វេសប៊ុក

អត្ថបទដោយ៖ សោភា

The post មិនធម្មតាមែន! ប្រិយមិត្តក្លាហានដូចបុរសម្នាក់នេះទេ? គាត់ត្រូវក្រពើខាំដៃពេលគាត់បន្លែងលេងជាមួយ appeared first on Khmer Readers.