លោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ រូបសង្ហា បានធ្វើការសើចចម្អកលក្ខណៈ Status នៅលើបណ្ដាញសង្គមហ្វេសប៊ុករបស់លោក ដោយលោកបាននិយាយទាក់ទងទៅនឹងអតីតសកម្មជនបក្សសង្គ្រោះជាតិមួយចំនួន ដែលមិនមែនជាថ្នាក់ដឹកនាំធំៗ ក្នុងអតីតបក្សសង្គ្រោះជាតិដែលបន្ដរស់នៅ ក្នុងប្រទេសគេដទៃ ដែលតួយ៉ាងលោក បានឧទាហរណ៍ទៅកាន់សហរដ្ឋអាមេរិក ដោយលោកបាននិយាយថា ពិតជាគួរឲ្យសង្វេគខ្លាំងណាស់ ដែលរស់នៅក្នុងប្រទេសដទៃ យូរយ៉ាងនេះ ហើយនៅតែព្យាយាមបង្ហោះរូបនេះ រូបនោះ ដោយបញ្ជាក់ថាខ្លួនពិតជាឡូយហឺហារទៅវិញ តែការពិតគួរឲ្យសង្វេគខ្លាំងណាស់ សូមអានការសរសេររបស់លោក ខឹម វាសនា ដូចខាងក្រោមនេះ ៖
ខ្ញុំឃើញពួកអ្នកគាំទ្រអតីតបក្សសង្គ្រោះជាតិខ្លះបានទៅដល់បរទេសតួយ៉ាងទៅដល់អាមេរិកជាដើម ហើយឃើញពួកគេបន្តស្នាក់នៅក្នុងប្រទេសនោះយ៉ាងយូរមិនមកប្រទេសខ្មែរវិញ ខ្ញុំចេះតែគិតថា មិនដឹងពួកគេលំបាកយ៉ាងណាទេ នៅប្រទេសគេ វាជារឿងកម្រណាស់ដែលមានគេអោយយើងស្នាក់នៅផ្ទះរបស់គេយូរថ្ងៃខែដោយមិនបានជួយចេញថ្លៃបន្ទប់ស្នាក់នៅនិងការចំណាយផ្សេងសំរាប់បំរើស្នាក់នៅក្នុងផ្ទះរបស់គេនោះ។ ស្នាក់នៅបរទេសយូរបែបនេះ ពួកគេត្រូវតែទៅរកការងារធ្វើដើម្បីបំរើអោយការចំណាយទាំងនោះ។ មិនស្រួលទេសំរាប់ការងារខុសច្បាប់ ដើម្បីបានលុយសុទ្ធយកមកចាយវាយបំរើអោយការរស់នៅដោយខុសច្បាប់របស់ពួកគេ តែឃើញពួកគេចេះតែផុសនេះ ផុសនោះធ្វើដូចជាពួកគេសប្បាយហុឺហាណាស់នៅបរទេសនោះ តែការពិតមិនដូច្នោះទេ ពួកគេរស់នៅដោយក្តីសង្វេគណាស់។ Oh my Buddha.
មានមតិរិះគន់ជាច្រើនជុំវិញបញ្ហាសើចចម្អកនេះ ដោយបានសើចចម្អកពីសមាជិកទៀតផង ៖
ប្រភព៖ Facebook Veasna Khem
The post យូរៗម្ដង! ប្រមុខ LDP ចម្អកអ្នកគាំទ្រអតីត CNRP មួយចំនួន រស់នៅយ៉ាងសង្វេគនៅក្រៅប្រទេស appeared first on Khmer Readers.